गजल-प्यार बोकेर सुमधुर प्रिया यस्तो भन्छिन (खगेन्द्र बोहरा)-12-07-2016

प्यार बोकेर सुमधुर प्रिया यस्तो भन्छिन

घर आउनु न हजुर प्रिया यस्तो भन्छिन  

  सुख दुःख दुबै मिलि यतै गरौंला नि

चाहिदैन सुनको गजुर प्रिया यस्तो भन्छिन

   सायदै बिलासिता नमिल्ला म मान्छु

हुन्छ आत्मा खुशी जरुर प्रिया यस्तो भन्छिन

   घर बाट जतिसुकै टाढा बसे पनि

हुदैन आफ्नोे लाहुर प्रिया यस्तो भन्छिन

  यसपालि त बाबा घर आउनु हुन्छ भनी

छोराछोरी भा छन् आतुर प्रिया यस्तो भन्छिन

खगेन्द्र बोहरा

गुलरिया कंचनपुर

Gazals , नेपाली गजलहरु

गजलकार अरविन कुलुंगका ५ पाँच गजलहरू (5 Ghazals by Arbin Kulung)-28-06-2016

गजलकार अरविन कुलुंगका ५ पाँच गजलहरू
१. गजल
हरेक मान्छेमा रहर हुन्छ !! 
त्यै रहर भित्र शहर हुन्छ !!

रहर र शहर खल्बलाउने !
अन्धो प्रेमको पहर हुन्छ !!

भित्र भित्रै  खोक्रो पारिदीने !
मायालुको याद जहर हुन्छ !!

जति पिउदै गयो उति नजिक !
झन  सम्झनाको  लहर हुन्छ !!

हल्का हुन्छरे मनको बोझहरू !
शुनाउ भन्छु आशुको नहर हुन्छ !!

हरेक मान्छेमा रहर हुन्छ ।।
त्यै  रहर भित्र शहर हुन्छ ।।
अरविन कुलुंग

२.गजल
सानो बालक के जवान भएको थियो एक मुस्कान प्राण लाग्यो ।।
जिवनका रहस्यमय पाटोहरू खुल्दै जादा मुस्कान बाण लाग्यो ।।

जिन्दगीको भाग दौडमा सुखको बिकास र दुःखको कटौती गर्दा गर्दै ।
उत्सवले बनाएका यादेहरु सबै, बेदनामा त्यो मुस्कान काण लाग्यो ।।

संसार बिश्वासमा र बिश्वास मायामा अडिएको हुन्छ यस्तै बुझियो ।
जहा म जिवन खोज्दै थिए, आन्तिम खोराक मुस्कान माण लाग्यो ।।

सानो बालक के जवान भएको थियो एक मुस्कान प्राण लाग्यो ।।
जिवनका रहस्यमय पाटोहरू खुल्दै जादा मुस्कान बाण लाग्यो ।।
अरविन कुलुंग

३.गजल
मलाई हत्याको दोष छ,  फुलको !!
किन टिप्नुपर्यो दोष छ,   हुलको !!

घास दाउरा छाप्प्रो हाल्नै पर्यो ! 
बन बिनासमा दोष छ,  मुलको !!

गाउँ घर तिर निकै फैलियो औलो ।
सुत्न लापरवाही दोष छ झुलको ।।

पारी स्कुल बजार पनि उतै पर्यो ।
जिम्मेदारी भएन दोष छ पुलको ।।

मन्दिर भन्दा भट्टीमा सत्य बोन्लिछ।
लरबराउदा पाईला दोष छ, सुलको !!

मन मिले पछी माया बस्दो रहेछ !
नाकै  काट्यो  दोष छ,  कुलको !!

मलाई हत्याको दोष छ,  फुलको !!
किन टिप्नुपर्यो दोष छ,   हुलको !!
अरविन कुलुंग

४. गजल
मैले पिउने र तिमीले पिउने पानी उस्तै छ ।।
हाम्रो थरको र तिम्रो थरको नानी उस्तै छ ।।

जन्मे पछी मर्नै पर्छ हामी सबै सबैले यहाँ ।
सुख र दुःख  घर घरको कहानी उस्तै छ ।।

ठुलो र सानो उचा र निचा बनाईन्छ किन ।
प्रकृतिमा हर जिबलाई  बिहानी उस्तै छ ।।

हामी आकृति हौ माया जीवन धोका मृत्यु ।
प्रेम रोजौ घात हैन सबको जिवनी उस्तै छ ।।

मैले पिउने र तिमीले पिउने पानी उस्तै छ ।।
हाम्रो थरको र तिम्रो थरको नानी उस्तै छ ।।
अरविन कुलुंग

५. गजल
जिउन एक साथ काफी छ ।।
मर्न  एक  घात  काफी  छ ।।

यो संसार साचै बिचित्रको छ।
सड्न  एक  बात काफी छ ।।

पारी जात र जिन्दगी उस्तै ।
झर्न  एक  रात  काफी  छ ।।

जिउन एक साथ काफी छ ।। 
मर्न  एक  घात  काफी  छ ।। 
अरविन कुलुंग

Note : Copyright reserved with Writer 

Gazals

सुशील पराजुली ( सुशील बा ) काे ५ पाँच गजलहरू (5 Ghazals by Sushil Parajuli 'Sushil Ba') -27-06-2016

१.गजल

आज भोलि जवान खुशी हुन्छ जवानी देखेर!! 

अनि जवानी खुशी हुन्छे उसको मदानी देखेर!!

चर्चितछन कोहि यो सामज अनि पर्दा पछाडी!!

पानी किनेर पिउने दही घोप्टाउने बानी देखेर!

यी जिन्दगीका सफरहरु कसरी पार लगाउनु,!!

डर लाग्छ मलाई चिता जलेको खरानी देखेर! 

कोही गुलाब बोकेर आए प्रेमको नाता जोड्न,!!

मैले कसरी अस्वीकार गर्नु उसको मनोमानी देखेर!

मैले ब्यापार गर्न सुरु गरे ठुलो मान्छे बन्न,!!

दुनियाँ छक्क पर्यो दस पैसाको लगानी देखेर!

सुशील पराजुली सुशील बा

कपिलवस्तु- ईमिलिया

मरुभूमि को छाती

दोहा कतार बाट

२२/०६/२०१६

१.गजल

हिजोको गाउँ बस्ती शहर भए आज!!

सँगै पढेका साथी डाक्टर भए आज!

हात नचलाए मुखमा माड अड्किन्छ,!!

गरीब दुखी जीवन कस्ट्कर भए आज!

मलाई लाग्छ भगवान,भगवान नभएर!!

चुपचाप बस्ने एक पत्थर भए आज!

देशको निम्ति केही गर्ने ईच्छा हुदाहुदै,!!

बाध्यताले मरुभूमि तिर सफर भए आज!

जिन्दगी सम्झेर पनि बडो दिगदार लाग्छ!!

अनि आँखा बर्सेर मेरा सागर भए आज !

सुशील पराजुली सुशील बा

कपिलवस्तु ईमिलिया

मरुभूमि को छाती

दोहा कतार बाट

३.गजल

जीवन संघर्ष रहेछ मेरो दुनियाँ अगाडी छ !!

म सुरक्षित छु भनौं भने खतरा अगाडी छ !

हिजोको मुर्दा आज जिउँदो हुन्छ खै कसरी,!!

चमत्कार हो कि मसान हो आँखा अगाडी छ !

खाए बल पाखुरामा अधिक आउछ भन्छन् !!

अब अल्छिले गर्छ प्रगति सूचना अगाडी छ !

मुटु नमाग ज्यान दिन तयार छु तिम्रो प्रेममा,!!

बिश्वास गर मेरो नमुना चखेवा अगाडी छ !

एक्लाएक्लै नधाउ पधेरिमा बिचार गर कान्छी,!!

दिल चोर्नलाई माहिर सुशील बा अगाडी छ !

सुशील पराजुली ( सुशील बा )

कपिलवस्तु २-ईमिलिया 

हाल- मरुभूमि को छाती

दोहा कतार बाट

४.गजल

मलाई एउटै कुराको पश्चाताप छ जिन्दगीमा !!

आखिर किन बारम्बार धोका हुन्छ पिरतिमा !

सोच्दै छु पिरतिको हावा कस्ले चलाए होला,!!

आँखा देख्नै छोडेछन मान्छे अचेल जवानिमा !

मुटुमा बसेर मुटु धोजा धोजा पारिदिए आज, !!

जसले भन्नेगर्थें राखेछु हजुरलाई ढुकढुकिमा !

बैगुनिलाई गुन लगाए आखिर छुरा हानी गयौं !! 

पर्दैन अब मलाई नपठाउ तिम्रो याद बाडुलिमा !

थियो त्यो जमाना सोह्र दुना आठ भन्ने गर्थे, !!

जति शिक्षित भए युवा त्यति पुग्छन खाडीमा !

सुशील पराजुली ( सुशील बा ) 

कपिलवस्तु २- ईमिलिया

हाल- मरुभूमि को छाती

दोहा कतार बा

५.गजल

केही गर्न खोज्छु खुट्टा तान्ने आफ्ना छन मेरा !!

ओठमा थोरै मुस्कान मनमा धेरै पीडा छन मेरा !

मैले भगवान पुज्न छोडी सके, तिमी के भन्छौं,?!!

कसम भगवान भन्दा माहान 'बा'आमा छन मेरा !

मलाई पुग्नुछ त्यो सगरमाथा को चुचुरो सम्म, !!

कसरी पुग्ने होला कठिन पैदल यात्रा छन मेरा !

जुटिरहे अनगिन्ती चोट घटेनन पुकार्नु कस्लाई?!!

यो मरुभूमिमा नत,भगवान, नत अल्ला छन मेरा !

कुनामा बसेर दुनामा खानेले अझै फुर्ति लाउछन!!

अध्यरोमा पनि टक टक देख्ने आँखा छन मेरा !

सुशील पराजुली ( सुशील बा )

कपिलवस्तु -२ ईमिलिया

हाल- मरुभूमि को छाती 

दोहा कतार बाट 

Note : Copyright of Above ghazals are reserved with Writer 

Gazals

शिशिर नेपालीको गजल-पुर्णिमा झै मेरि मायालु जून किन चाहियो -09-06-2016

शिशिर नेपाली

पुर्णिमा झै मेरि मायालु जून किन चाहियो ! 
बोली त्यसै मधुर छ धुन किन चाहियो !!

हिमाल हास्यो बिहानिको रातो लालिमा !
हिरा जस्तै दन्त लहर सुन किन चाहियो !!

बाह्रमास फुलेको छ उनको मुहारमा !
झर्ने फूल फुलाउने मनसुन किन चाहियो !!

मदिरा हो कि दोषी उनको हेराइ होला ?
नजरको बन्दी भएँ कानुन किन चाहियो !!

धड्कन चल्न छोड्छ होला उनी नहुदा !
नसानसामा उनी डुल्छिन् खुन किन चाहियो
शिशिर नेपाली

बेनी, नेपाल

Gazals

गजल-के चाहान्छ यो समय म सङ्ग (लक्ष्मी श्रेष्ठ) -05-05-2016

लक्ष्मी श्रेष्ठ 

के चाहान्छ यो समय म सङ्ग
दिएर पनि यत्रो प्रलय म सङ्ग 

...

सहि र गल्ती जे देखे देखाइदिए
के खत थाप्छौ महासय म सङ्ग

...

रगत र पसिना बगाउँछु ज्यामी हुँ
भेटिदैन अरु त परिचय म सङ्ग

...

घरि टाढा जान्छौं घरि समिपमा
कति गर्न सक्छौ अभिनय म सङ्ग

...

के चाहान्छ यो समय म सङ्ग
दिएर पनि यत्रो प्रलय म सङ्ग

लक्ष्मी श्रेष्ठ
क्षेत्रपा 2 दोलखा

05-May-2016

Gazals

गजल-त्यो इतिहास त्यो गौरव त्यो स्वाभिमान खै (दीपक पाण्डेय )

दीपक पाण्डेय

त्यो इतिहास त्यो गौरव त्यो स्वाभिमान खै !
र हाम्रा पुर्खाको जस्तो हाम्रो परिचान खै !

हुँ हिमाली, हुँ पहाडी र हुँ मधेशी भन्छौँ ,
हामी सब्बै हौँ नेपाली भनी गाको गान खै !

हाम्रो राष्टियता कमजोर भाको छ आज ,
जबरजस्त यो बिसय भाको उठान खै !

दिनानु दिन यो देशको सिमा खुम्चिदैछ ,
वैरीलाइ चुनौती दिने हाम्रो अडान खै !

यो देश नेपाल रण भूमि बन्दै छ आज ,
मिली सबै घर झकडाको समधान खै !

दीपक पाण्डेय
बैतडी , हाल महेन्द्रनगर

Note :

Copyright Reserved with Writer 

Gazals

मौसम भुसालका ३ तिन गजलहरू -22-04-2016

१.गजल
खै किन यो समय जिस्किन खोज्छ
जे दियो त्यो भन्दा बढी लिन खोज्छ

हिँड्दा हिँड्दै  घुँडा, दुख्न थालेपछि 
किन झनै यो खुट्टा उभ्भिन खोज्छ

खोलाबाट सा..नो कुलो तेर्स्याएको
खेत मै नपुगिकन अल्झिन खोज्छ

तिम्रो फोटो मायाले झुन्ड्याएको थिएँ
यही दलिन पनि हेर त भाँचिन खोज्छ

बरु एउटा राम्रो ज्योतिष खोजिदेओ
'मौसम' अब सधैँ शुभ दि.न खोज्छ
मौसम भुसाल
पर्वत
हाल: सामाखुसी ,काठमाडौं

मौसम भुसाल

२.गजल
गङ्गा हुन्छ बाग्मती सहर आएपछी
सुख छैन एक रति सहर आएपछी

पुरानो 'म' अब किन्न कहाँ जानुपर्छ?
लुट्नु लुट्यो भए जति सहर आएपछि

एउटा प्रश्न छ यी महल बनाउनेलाई
कसरी हुन्छ उन्नती सहर आएपछि

दानव र मानवका एकदुई समानता
जानेँ मैले अलिकती सहर आएपछि
मौसम भुसाल
पर्वत
हाल: सामाखुसी ,काठमाडौं

३.गजल
उही पुरानो बाटो समाइ म आउँदिन आमा
दुई चार पैसा नकमाइ म आउँदिन आमा

आफ्नै तस्वीर ऐनामा हेर्दै अमिलिन्छु अचेल
आज आफैँसँग नरमाइ घर आइन आमा

रङ्गिन हुनेछ दुनिया अरुको जस्तै हाम्रो पनि
कुरेरै बस्नु सास थमाइ घर आइन आमा

दुनियाँको करौँतिले फाटेको छ मुटु मेरो
कसरी मरुँला नजमाइ म आउँदिन आमा
मौसम भुसाल
पर्वत
हाल: सामाखुसी ,काठमाडौं

Note : Copyright reserved with Writer. Strictly Prohibited to copy and commercial use. 

Gazals

अजित क्षेत्रीका ३ तिन गजलहरू -22-04-2016

१.गजल
नपाउँदा तिम्रै अभाबले मरें
पाए पछि तिम्रै प्रभावले मरें

ओंठ मौन छन् आँखाले बोल्छन्
मादक मादक तिम्रै स्वभावले मरें

आफ्नै मन आफ्नै बसमा छैन हेर
तिमीतिरै एकोहोरो झुकाबले मरें

बेहिसाब तिमीलाई प्रेम गर्दागर्दै
नसुल्झिने प्रेमको हिसाबले मरें ।

पाएपछि तिम्रै प्रभावले मरें
नपाउँदा तिम्रै अभावले मरें ॥
अजित क्षेत्री,
स्याङ्जा मल्याङ्कोट १
हाल:युएई

२.गजल
कौडीको भाउमा सुनौलो जवानी बेच्छन् यहाँ
पोल्छन् आफ्नै घर अनि खरानी बेच्छन् यहाँ

लागेपछि लत, जुवा खेल्ने भट्टी धाउने
बिगार्छन् घरबार अनि कहानी बेच्छन् यहाँ

आफ्नाले साथ छोड्छन् पराइले हात लाउँछन्
सडकमा हुन्छ बास अनि सिरानी बेच्छन् यहाँ

गरी खानेको भन्दा ढली खानेको धाक हेर
ढलेको सिन्को सार्दैन जसले सपनी बेच्छन् यहाँ ।
अजित क्षेत्री,
स्याङ्जा मल्याङ्कोट १
हाल:युएई

३.गजल
यहाँ माझीलाई छ आफ्नै बोटको चिन्ता
अनि दाजीलाई ज आफ्नै भोटको चिन्ता

नेपाली मन नेपाली पन देखाउँछु आँफू
तर काजीलाई छ आफ्नै नोटको चिन्ता

मैले त दौरासुरबाल आस्कोट सिलाएँ आजै
तर पाजीलाई छ आफ्नै कोटको चिन्ता

लड्ने मान्छे नै हो उठी हिड्ने एकदिन
तर लाछीलाई छ आफ्नै चोटको चिन्ता ।

अजित क्षेत्री,
स्याङ्जा मल्याङ्कोट १
हाल:युएई

Note :
Copyright of All Above Ghazals are reserved with Writer

Gazals

Sugam Samip सुगम समिपका ६ गजलहरू -21-04-2016

सुगम समिप

१.गजल
भाँचिएकै भए पनि फुलै भा' को डाली राम्रो ।
पराइको आशिक भन्दा आफन्तकै गाली राम्रो

मनको भोक नमेट्दो रैछ अम्रित नै खाए पनि
बरु ढिंडो साग-सिस्नुले भरिएको थाली राम्रो

अरे! महलको के सपना ?उस्तै हो रे निदरी त
झुपडिनै भए पनि आफ्नै  घरको पाली राम्रो

पसिनाले सिँचिनु छ जिन्दगीका पाटाहरु जहा
नुन रोप्दा सुन फल्ने गैरि खेतको आली राम्रो

जितेर नि के जित त्यो झुठो खेल खेल्छ भने
बरु हारै खाए पनि उत्साह को ताली राम्रो ।
सुगमसमिप
दर्बुङ्ग-७ , गोरखा ।

२.गजल
ऐना सामु आफैंलाई लुकाउँ पनि कसरी खै !
नदुखेको  मुटुलाइ  दुखाउँ  पनि कसरी खै !

बेदनाले छाति पोल्दा आखाहरु सराइ दिन्छ
खडेरी पारी आँशुहरु सुकाउँ पनि कसरी खै !

'पर्खी  बसे  म आउदैछु' भन्नेहरू धेरै भयो
जिन्दगी अझै दोबाटोमा ढुकाउँ पनि कसरी खै !

दुनियाँ नै स्वार्थी यहाँ बुझि दिने कोहि छैन
यस्तो ठाउँमा मनको पिर फुकाउँ पनि कसरी खै !

जिन्दगि यो कयौंपटक आफैं मरि सकें दैब...
जिउदो शिर चितामाथि झुकाउँ पनि कसरी खै !
सुगमसमिप
दर्बुङ्ग-७ , गोरखा ।


३.गजल
भै गो अब नगरि देऊ मिठा मिठा बातहरु
सुस्केरामा बित्छन् फेरि उदासीका रातहरु

तिम्रो एक स्पर्शले मलाई पागल गराइ दिन्छ
भै गो अब नथामि देऊ कोमल ती हातहरु

मिलनको पल-केबल छोटा-छोटा हुदो रहेछ
भै गो अब नदेऊ मलाई बनावटी साथहरु

त्येसै त म मा चोटहरुले राज गरि बसेको छ
बिन्ति अझै तिमी मलाई नगरिदेऊ घातहरु

४.गजल
तिर्खा लागे खोली धाउनु भन्छन् बुढा पाका
जुगै जाने पिरती  लाउनु भन्छन् बुढा पाका

कर्कलीको पानी सरि के नै छ र जिन्दगानि
सुनगाभा झै मुस्कुराउनु भन्छन् बुढा पाका

धनको कुबेर भएर पनि मनका गरिबहरुले
मरेर लानु 'के छ पाउनु'!भन्छन् बुढा पाका

एकै पल निदाउन ओतको खाँचो पर्दछ जब
झुपडीलाइ खरले छाउनु भन्छन् बुढा पाका

भगवान्को नासो यो जीवन उसैले लैजानु छ
बाँचुन्जेल हो नाच्नु गाउनु भन्छन् बुढा पाका
सुगमसमिप
दर्बुङ्ग-७ , गोरखा ।

५.गजल
आकाश तिर नथुक् "ठिटो" भन्छन् बुढा पाका
आफ्नै मुखमा पर्छ "छीटो" भन्छन् बुढा पाका

मरेर के नै लानु छ र ? दुई दिनको जिन्दगीमा
बोल्नु बोली  वचन "मिठो" भन्छन् बुढा पाका

अर्काको देशमा गएर दुःख भोग्नु भन्दा त बरु
खनेर खानु  लौकी र"गिठो"भन्छन् बुढा पाका

मनको भोक मेट्दैन रहेछ अमृत नै खाए पनि
खाएकै बेस  खोले र"पीठो"भन्छन् बुढा पाका

पसिनाले सिँचेर हेर आफ्नै खेत बारीमा तिमि
त्यहीँ फल्छ पैसाको "बीटो"भन्छन् बुढा पाका
सुगमसमिप
दर्बुङ्ग-७ , गोरखा ।

६.गजल
कहाँ गयौ बुलबुले बुलबुल खोज्दैछ
जसरी  कि  भमराले  फुल खोज्दैछ

प्रेमिकालाई महंगो डसनामा सुताएर
दिलदार प्रेमि बिचरा सुकुल खोज्दैछ

लौरो टेकि हजुरबुबा वरपर टहलाउदै
सौह्रबर्षे जवानीको चुलबुल खोज्दैछ

आकशमा रुदैरुदै उडेकी काकाकुली
आफ्नै हुल या पानीको मुल खोज्दैछ
सुगमसमिप
दर्बुङ्ग-७ , गोरखा ।

Note : Copyright of Above Ghazals are reserved with Writer 

Gazals

गजलकार दिनेश धामीका १० दश गजलहरू -20-03-2016

दिनेश धामी 

१.गजल

मैले आफ्नै खुट्टाको भरमा दगुरेर 

गर्नुछ यात्रा पहाडमा पत्थरमा दगुरेर

सरकार तिम्रो नजर कहिले आउछ

हाम्रो  गाऊॅ गाऊॅ  घरघरमा दगुरेर

उस्तै अभाब बुढो शरिर बोकी फर्किए

जिन्दगिभर  बुवा   शहरमा  दगुरेर

होचो मन पर्दैन रे  तिमिलाई त अचेल

गएका थ्यौ कुनैदिन् यै बगरमा दगुरेर

महलहरु झुपडीलाई कुन् नजरले हेर्छन्

बिचार गर्नुछ एकचोटी शिखरमा दगुरेर

दिनेश धामी
भाम्चौर ८ जसुडा 
बझाङ 

२. गजल

पार गरेर  जानै पर्छ  बुढा बालाहरु

आउछन् यात्रमाओराला उकालाहरु

तिम्रो एकनजरलेनै मुटु हल्लिए पछि

केहि लाग्दैनन् स'साना भुइॅचालाहरु

सायद तिनिहरुको बग्नुनै जिवन हो

कहिल्यै नि रोकि दैनन् नदिनालाहरु

त्यो भन्दा नि कुरुप त मन् रहेछ तिम्रो

जति सुन्दरछ त्यो रुप अनि गालाहरू

फेरि आज झसङ्ग बच्पन सम्झिन पुगेॅ

जब  खेलिरहेका देखे आज गोठालाहरु

दिनेश धामी
भाम्चौर ८ जसुडा 
बझाङ 

३.गजल

यही होर चाला हजुरको शहरमा

पहि रन्छ टाला हजुरको शहरमा

म  थोरै  उमङ्ग   नलीएर  जान्न

गएँ ज्यान जाला हजुरको शहरमा

रहेछन्   कतीले   पछीबाट  रोप्ने

खुकूरी र भाला  हजुरको शहरमा

अध्यारो  भएसी   बिऊझीए  हेर

खुले द्वार ताला  हजुरको शहरमा

अरे कोही  आऊ  मलम लिइ थोरै

भए घाउ  आला हजुरको शहरमा।

दिनेश धामी
भाम्चौर ८ जसुडा 
बझाङ 

४.गजल

लक्षमा त्यो हमेसानै शिखर राखौं

तेस्पछीमात्र आँखामा शफर राखौं

जिन्दगी  पिन्जडामा  कैद भाकोछ

खै म  केलाइ  यो उड्ने  रहर राखौं

 छैन  कैले   झुकेको  शिर  पुर्खाको

यत्ति हार्मो  चिनारी यो अमर राखौं

 देखिएला  दुनीयॉ यो अती  सुन्दर

हामि  हाम्रो सधै सुन्दर नजर राखौ

जान्छ  उही  सदा  फुत्केर दिलबाट

सोच्छु जस्लाइ यो जिवनभर राखौं

दिनेश धामी
भाम्चौर ८ जसुडा 
बझाङ 

५.गजल

एक्लै यहॉ तिम्री सानी छोडेर नजाऊ।

डॉडाका घाम आमाबानी छोडेर नजाऊ।

संगै खोले खाऊॅ बरु फाटो टाली लाऊॅ

साना साना बाबु नानी  छोडेर नजाऊ।

परिस्रम गरे यहॉ के  चैँ हुदै  नर

यहिॅ सुन  फलाउलानी  छोडेर नजाऊ।

उद्योग धन्दा खुलेपछि यतै काम मिल्छ

यो देश अनि राजधानी छोडेर नजाऊ।

बिना आगो  मन र  मुटु  जलाएर  मेरो

भन्यौँ  दिनेश  खरानी  छोडेर नजाऊ।

दिनेश धामी
भाम्चौर ८ जसुडा 
बझाङ 

६. गजल

तिमी  के  गरौली  मनि  के गरौंला

छुट्नै परे आँखिर हामी के गरौला।

जहॉ आफ्नैबाट आफ्नो कदर हुन्न

फेरि त्यो  ठाउमै   बसि के गरौंला

पिॅडा मात्रै  फल्छ  सधै जिन्दगिमा

नयॉ  सपनाहरू  रोपी  के गरौंला

यौटै जुनि उनको  साथ पाएन भने

सयौ  जुनि  दैव  मागी  के  गरौंला

लैजाऊ  निस्टुरी  तिम्रा तस्बिरहरु

मैले  सिरानिमा  राखी  के  गरौंला

दिनेश धामी
भाम्चौर ८ जसुडा 
बझाङ 

७.गजल

आफ्नोरक्षा आफैगर्न सिक नारीहरु।

दिनहुॅ  बलतकृत   हुदैछन्   चेलिहरु।

यहाॅ कयौ  मैसासुर  जन्मि सके फेरि

कहाॅ गए अचेल  सतियुगका देबिहरु।

यो सरकारले दोषिलाई सजाएँ दिदैन

अब  आफै  खुकुरि  उचालौ  हामीहरु।

आधुनिकताले  यतिसम्म  चर्चा पायो 

  हराउदै  गए ती पुराना  संस्कृतिहरु।

हेर दिनेश मान्छेहरु कति स्वार्थी भए

कहिॅ  कतै  भेटिदैनन्  स्वाभिमानीहरु।

दिनेश धामी
भाम्चौर ८ जसुडा 
बझाङ 

८.गजल

डुब्नै लाग्यो देश फेरि,कस्ले बचाउछ।

जस्ले पनि यहॉ आफ्नै,राय दर्साउछ।

मनले भन्छ देशछोडी  कहिॅ कतै नजा

अभाबले   कठालोमै,,,,फेरि  समाउछ।

एउटा  घाऊ  भरखर,,भलाउन  लाग्दा

समयले  अर्को  चोट,,किन  हिर्काउछ।

रित्तैजानु  पर्नेहुन्छ,,,एकदिन  त सबैले

जस्ले  जति कमाउछ,,,जति जोगाउछ।

सुलि   चढाइन्छ  भने,,,यहॉ   बुद्धलाई

शान्तिको  शन्देश छर्दै,किन कोआउछ।

मैलेपनि फुल्नुथियो,,सुवास छर्नुथियो

अरे  यार यो जिन्दगी,,,कैले  मौलाउछ।

दिनेश धामी
भाम्चौर ८ जसुडा 
बझाङ 

९. गजल

गाऊॅ समाजमा परिवर्तन थिएन उतिबेला

पढ्नु  पर्छ भन्ने कुरा सोचिएन  उतिबेला

बच्पनतिर फर्किहेर्दा सोच्नेगर्छु कैले काही

जिवनलाई बुझ्नेकोशिस गरिएन उतिबेला

के गरेर खालाश भनि भन्नुहुन्थ्यो सधैबाले

बा,आमाको कथन सत्य मानिएन उतिबेला

जिन्दगिलाई  बुझेको होस र  बुझाइदेवश

कोही यस्तो साथी पनि भेटिएन उतिबेला

कि देश सेवक बन्थ्यहोला कि सहिदै हुन्थे

अन्न्याएको  बिरुद्धमा  उठिएन उतिबेला।

दिनेश धामी
भाम्चौर ८ जसुडा 
बझाङ 

१०. गजल

बर्सिएर यी आँखा झरी भएकोछ

यहॉ मेरो आँखा पोखरी भएकोछ

राज्य  बॉडिनुमा यो देश  टुकृनुमा

गल्तिहामी सब्को बराबरि भएकोछ

उडि रहुँ लाग्छ  खुल्ला आकाशमा

यो मन् पनि अचेल चरि भएकोछ

बुवाका सपना सॉकार कैले होलान्

छोराको  दुर्गति  बेस्सरि भएकोछ

तिमी त केहि दिन्  बसेर फर्कियौ

मेरो सडकमा बाश सधैभरी भएकोछ

दिनेश धामी
भाम्चौर ८ जसुडा 
बझाङ 

Note : Copy Protected. All Copyright of above ghazals are reserved with Writer 

Gazals

(2-Ghazals by Baburam Sagar) बाबुराम सागरका २ दुर्इ गजलहरू -24-02-2016

बाबुराम सागर

१.गजल
यो हावा यो हुरी कसले देख्छ कसले लेख्छ ।।
घरभित्र चुरिफुरी कसले देख्छ कसले लेख्छ ।।
……………
राति राती चौकिदारी गरि हाकिम हु भन्छन,
शहरको मजबुरी कसले देख्छ कसले लेख्छ ।।
……………
मातिएर जतिसुकै महानताका कुरा गर तिमी,
सराबको बहादुरी कसले देख्छ कसले लेख्छ ।।
…………
जबसम्म आफ्नै सहभागिता त भएको हुदैन,
पराईको घरधुरी कसले देख्छ कसले लेख्छ ।।
…………
भन्नेले त कति सजिलै पर्खिरहनु भनिदिन्छन,
पर्खाइको आतुरी कसले देख्छ कसले लेख्छ ।।
…………
आजभोलि संका गर्न नसक्ने गरि बिश्वासमा,
फसाउछन टपुरी कसले देख्छ कसले लेख्छ ।।
…………
पिउदै मोहको सागर भन्छौ पर्खेर बसेकी छु,
माया छ मुरिमुरी कसले देख्छ कसले लेख्छ ।।
बाबुराम सागर
अछाम

२.गजल
गरिबको कमाई र धनीको बाहल तुलना हुदैन ||
जस्तो यो गजल र उनको गाजल तुलना हुदैन ||
..
तिमी कसरी दानबसंग सत्यको अपेक्षा गर्छौ,
शक्तिको घुस र सोझाको भाकल तुलना हुदैन ||
..
सरकार त एक छाकमै गरिबी घटाउछु भन्छ,
शहरको पुलाउ र गाउको चामल तुलना हुदैन ||
..
कला-संगीतमा आफ्नै भोगाइको स्वाद हुन्छ,
सौखिको गितार र बा को मादल तुलना हुदैन ||
..
जुवा हारेर रुनेसंग कसरी बिहल हुन सक्छौ,
शुखको साढे र ब्याथाको पागल तुलना हुदैन ||
..
देखावटी सुन्दरताको प्रतिस्पर्धा गराउनेहरु ?
बिदेशी रंग र गोठालीको आचल तुलना हुदैन ||
..
नेताहरु त एउटै मुद्दामा किन अल्झाईदिन्छन,
शक्तिको विभेद र द्वन्दको खाडल तुलना हुदैन ||
बाबुराम सागर
अछाम
Note :
All Copyright of Above gazals reserved with Writer 

Gazals

सुमन घिमिरे कालेका ३ तिन गजलहरू -23-02-2016

सुमन काले

१. गजल
आगो बग्नु पर्छ अनि पानी बल्नै पर्छ,
हरचिज समय अनुसार त चल्नै पर्छ।
...
म हुर्कनथाले पछी हजुरबा बितेकाहुन,
नया बन्न त आखिर पुरानो ढल्नै पर्छ।
..
मान्छे फुल हो पत्थर बन्न खोज्छ सधै,
या नियती या त पिरतिले छल्नै पर्छ ।
..
आँशु किन तातो हुन्छ बल्ल बुझेकोछु,
कलेजो पाक्नु पर्छ अनि मुटु जल्नै पर्छ।
..
यस्तो काम गर्न सकुँ मरेर नि बाचिरहुँ,
शरिर त माटो न हो एकदिन गल्नै पर्छ।।
०६/०९/२०७२
सुमन काले

२.गजल
पल्लो घरको झ्यालमा नजर गैरह्यो,
आफुँ जान सकिएन रहर गैरह्यो!!
..
उनि बस्थिन उतापट्टी यतापट्टी म,
जुधेरै आँखा गोधुली प्रहर गैरह्यो !
..
झ्याल तिम्ले खोले'सी बिहान भएथ्यो,
पर्दा खसाल्यौ मनमा पत्थर गैरह्यो।
..
धेरै पटक लेँखे तर उत्तर आएन,
तर पनि प्रेमपत्र अक्सर गैरह्यो!!
..
अझै हरेस खा'छैन विश्वास बाँकी छ,
मेरो निश्चल प्रेमको लहर गैरह्यो !
०६/०२/२०७०
"सुमन काले

३.गजल
उसको याद आउँछ कै'ले काहीं,
एकोहोरो बनाउँछ कै'ले काहीं!!
..
फोटो बोलुंलाझैँ गर्छ हेरिरहँदा ,
अतितले सताउँछ कै'ले काहीं!!
..
बादलमा पनि उस्कै आकृति,
बन्छ अनि हराऊँछ कै'ले काहीं!!
..
सित संग आँशु मिसिएन भने,
जुन पनि रिसाउँछ कै'ले काहीं!!
..
मैले झैं उन्ले नि सम्झिन कि?
आँखा फर्फराऊँछ कै'ले काहीं!!
१३/०२/२०७१
"सुमन काले"

Note :
All copyright Reserved with Writer

Gazals

सुगम समिपका ५ पाँच गजलहरू -22-02-2016

१. गजल
भाँचिएकै, भएनि फुलको, डाली भए पुग्छ
माया नै माया, भरेको थोरै, गाली भए पुग्छ

म त गाँउले, ठिटो मेरा, दुःखहरु, बिर्सनलाइ
उकाली भए, पुग्छ या त, ओराली भए पुग्छ

कसैको रुप,हेरेर जिन्दगी, काट्नु छैन मलाई
बरु काली नै, होस् तर , दिलवाली भए पुग्छ

महलको, के सपना !, बस् एकपल, निदाउन
झरिमा ओत, लाग्ने खरको, पाली भए पुग्छ

मनको भोक, मेटाउन,अमृत चाहिन्न मलाई
साग र सिस्नोले, सजिएको ,थाली भए पुग्छ

कसैको झुटो,खेलमा बिजयी, हुनु भन्दा बरु
मलाई केवल ,उत्साहजनक,ताली भए पुग्छ
सुगमसमिप
गोरखा ।

२.गजल
फुल अनेक छ र त पात अनेक छ
साथ अनेक छ र त हात अनेक छ

छुवाछूत र भेदभावको, कुरा गर्छौ किन ?
मान्छे अनेक छ र त जात अनेक छ

कुरा काट्यो भनेर, चित्त दुखाउनु किन ?
सोच अनेक छ र त बात अनेक छ

धोका पायो भन्दैमा, निराश बन्नु किन ?
माया अनेक छ र त घात अनेक छ

सराबी उ बर्बराउदा, आश्चर्य मान्नु किन ?
प्याला अनेक छ र त मात अनेक छ
सुगमसमिप
गोरखा ।

३.गजल
वाक्यहरुमा सु-मधुर लय बन्दै गएको छ....
तेसैले जिन्दगी गजलमय बन्दै गएको छ....

म किन निदाउन्न अचेल थाहा छैन आफैंलाइ
यहि कुरा खोजिको बिसय बन्दै गएको छ....

कहिलेकाही म टोलाने गर्छु चाँदनी रातमा तर
मेरै छाया म आफैंलाई भय बन्दै गएको छ....

संघर्षको यात्रा कठिन भए पनि यस्तो लाग्छ
हर पाइलाहरु मा बिजय बन्दै गएको छ....

(तेसैले जिन्दगी गजलमय बन्दै गएको छ....)
सुगम समीप
गोर्खा ।

४.गजल
"तिमि सँग मैले माया लाइन" -भनेर ढाटि
"मन्दिरमा कसम पनि खाइन" -भनेर ढाटि

उनको गित सुनेर मयुर छमछम नाचेकै हो तर
"बनपाखामा मैले गितै गाइन" भनेर ढाटि

नजरको तिरले हानि मलाई घाइते बनायौ तर
"बिध्या नाश मैल थाहै पाइन" भनेर ढाटि

हेर उनि बिना त झ्याउरे जम्दै जम्दैनथ्यो तर
"साच्चै हो के रोधीघरै धाइन" भनेर ढाटि

लालुपाते सिरैमा सिउरि बेसी झरेकिथ्यौ तर
"गैरी खेतमा मेला भर्न आइन" भनेर ढाटि
सुगमसमिप
गोरखा ।

५.गजल
भुराहरुलाइ के को खसखस भन्छन् बुढा पाका
के हो मोरा ! यो प्रेम दिवस भन्छन् बुढा पाका

जुठो फुलनराख सिरमा मनोदेउता रिसाउछ
नगरेस् प्रेम पुजामा लसपस भन्छन् बुढा पाका

भमराहरु घुम्दै फिर्दै आउछन् फुलेको वरिपरि
जब कि फुलमा पस्दछ रस भन्छन् बुढा पाका

जवानीमा यस्तै हुन्छ मनमा उथल पुथल
बढी पापी बैँसलाई मुठ्ठीमा कस भन्छन् बुढा पाका

रोधि धाइयो माया लाइयो र जिन्दगी बिताइयो
नगरि यस्तो मायाको बहस भन्छन् बुढा पाका

सात कोष पर खुट्टाले हिंडि भेट्न जान्थे माया
बिना रेलगाडी सवारी बस भन्छन् बुढा पाका
सुगमसमिप
गोरखा ।

Note :
All Copyright Reserved with Writer 

Gazals

राजन पोखरेलका ४ चार गजलहरू (4 Ghazals by Rajan Pokhrel) -19-02-2016

१.गजल
बिहान अनि साझ ढल्दा सम्झी मलाई रुन्छौ अरे
आशुले नै आज भोलि मुहार तिम्रो धुन्छौ अरे।।

बाचेकै छु म नि यहाँ पिएर नै आशुहरु
सुनेको छु मेला जादा एक्लै एक्लै हुन्छौ अरे।।

चखेवा झै जोडी हाम्रो भैइयो वारि पारी
सपनिमा झस्किएर मेरै तस्वीर छुन्छौ अरे।।

साथिहरले सोद्दे भने आफन्तले खोजे भने
आखैभरी आशु बनाई मिठो सपनी बुन्छौ अरे।।

म पनि त दिन रात गनि गनि बसेको छु
मेरै आउने बाटो हेरि फूलकै माला उन्छौ अरे।।
राजन पोखरेल
मोरङ;हरैचा

२.गजल
तिम्लाई साथी बनाएर ब्यर्थै मुटु दुखाएछु
निर्दोशि यी नयनबाट ब्यर्थै आशु सुकाएछु।

आफन्तले प्रश्न गर्दा गाउँ भरी हल्ला चल्दा
सबै सामु बोल्न मैले ब्यर्थै किन चुकाएछु।

न त मेरो गल्ती थियो न त कुनै दोष मेरो
सगरमाथा जस्तो शिर ब्यर्थै किन झुकाएछु।

पिए पछि लाग्छ भन्थे न पिएरै लाग्यो बिष
आफनै शिर काटि मैले ब्यर्थै किन छुपाएछु।

सक्छौ भने कोहि भन गल्ती थियोे मेरो भनी ?
उसको गल्ती आफ्नै सम्झी ब्यर्थै किन लुकाएछु।।
राजन पोखरेल
मोरङ;हरैचा

३.गजल
तिम्रै यादमा अब प्रिये रुन सकिएन
तिम्ले भने जस्तो मान्छे हुन सकिएन।

गगनको शुन्यतामा पनि यात्रा थालेकै थे
तर पनि आकाशको जुनलाई छुन सकिएन।।

उमंगको रंग रोज बसन्तको यात्रा खोज
जूनमा लायेउ कालो दाग धुन सकिएन ।

धेरै लामो यात्रा गर्नु मनहरु न टुक्रियाउनु
टुक्राएको मनलाई दीप बाल्न पुनः सकिएन।।
राजन पोखरेल
मोरङ;हरैचा

४.गजल
हिसाब  गर घाटै घाटा को जिन्दगी यो
यात्रा गर बाटै बाटा को जिन्दगी यो

कसलाई भन्नु  यन्हा एक पछी  अर्को  कथा
सम्झिने गह्रो हुने पाटै पाटाको जिन्दगी यो

यो सहर  देखेर छक्क  लाग्छ मलाई
बुझाउनै लाज लाग्ने लाटेेेेै लाटाको जिन्दगी यो

बयान कसरी गरु ! तेराे मेराे भन्नेहरू हो
भोलि  माटेेेै माटाको हुन्छ यो जिन्दगी यो
राजन पोखरेल
मोरङ;हरैचा

४.गजल
माया अमर हुन्छ भन्दा बसे हजुर दीप बाली
भुल्या छैन धरो धर्म आउँछ याद तिम्रै काली

कसरी म भुल्न सक्छु सम्बन्ध को गहिराई त्यो
हाम्रो मिलन हुन्दा फेरि बजेका थे हजार ताली

सपनामा तिम्रै याद छ बिपनामा तिम्रै झल्को
एक दिन आउछु भेट्न् लगायेर बस्नु लाली

तिम्रै याद मा कहिँ कतै हराउन गा को छैन
चाडै आई कान्छी तिम्लाइ बनाउछु घरकि माली
राजन पोखरेल
मोरङ;हरैचा

Gazals

गजल-कोही आई दियो गुलाब बोकेर-राम शरण श्रेष्ठ

जिन्दगी चल्दै थियो अभाव बोकेर
कोही आई दियो गुलाब कोकेर
..
एउटा प्रेमीको फेरी दिल टुटेछ
प्रेमिका फर्किई सराब बोकेर
...
मनको संन्तुलन कतिन्जेल रहला
सधैं हिँड्नुछ तनाब बोकेर
..
यो रामको मन जितेर छोड्यौनी
जब आयौ प्रेमको प्रस्ताब बोकेर
राम शरण श्रेष्ठ
चिसापानी, रामेछाप 

Gazals , मेरो रचना – गजलहरु

गजलकार राजन पोखरेलको ५ पाँच गजलहरू -08-02-2016

१.गजल
हिसाब  गर घाटै घाटा को जिन्दगी यो 
यात्रा गर बाटै बाटा को जिन्दगी यो 

कसलाई भन्नु  यहाँ  एक पछी  अर्को  कथा  
सम्झिनै गह्रो हुने पाटै पाटाको जिन्दगी यो

यो सहर  देखेर छक्क  लाग्छ मलाई 
बुझाउनै लाज लाग्ने लाटै लाटाको जिन्दगी यो

बयान कसरी गरु ! तेराे मेराे भन्नेहरू हो 
भोलि  माटै माटाको हुन्छ यो जिन्दगी यो
राजन पोखरेल 
हरैचा  मोरङ 

२.गजल
आज भोलि तिम्ले मलाई जति माया मारे पनि
भेट हुन्छ भनी तिम्ले अन्तै बसाई सारे पनि।

तर्किएर किन हिडछौ अनायासै किन तिमि?
मैले भन्दा माया दिने अर्कै जालमा पारे पनि।

झुटो रै छ वाचा कसम झुटेेेै रै छ माया पनि
शिखर चढनु  उनी संगै  मलाई मैदान झारे पनि।

हासी रहु खुशी  देखु !जस्तो हिजो भएपनी 
उनलाइ संधै जिताउनु मैले खेल हारे पनि।
राजन पोखरेल 
हरैचा  मोरङ 

३.गजल
माया अमर हुन्छ भन्दा बसे हजुर दीप बाली 
भुल्या छैन धरो धर्म आउँछ याद तिम्रै काली

कसरी म भुल्न सक्छु सम्बन्ध को गहिराई त्यो
हाम्रो मिलन हुन्दा फेरि बजेका थे हजार ताली

सपनामा तिम्रै याद छ बिपनामा तिम्रै झल्को 
एक दिन आउछु भेट्न् लगायेर बस्नु लाली

तिम्रै याद मा कहिँ कतै हराउन गा को छैन
चाडै आई कान्छी तिम्लाइ बनाउछु घरकि माली 
राजन पोखरेल 
हरैचा  मोरङ 

४.गजल
तिम्रै यादमा अब प्रिये रुन सकिएन
तिम्ले भने जस्तो मान्छे हुन सकिएन।

गगनको शुन्यतामा पनि यात्रा थालेकै थे
तर पनि आकाशको जुनलाई छुन सकिएन।।

उमंगको रंग रोज बसन्तको यात्रा खोज 
जूनमा लायेउ कालो दाग धुन सकिएन ।

धेरै लामो यात्रा गर्नु मनहरु न टुक्रियाउनु
टुक्राएको मनलाई दीप बाल्न पुनः सकिएन।।
राजन पोखरेल 
हरैचा  मोरङ 

५.गजल
तिम्लाई साथी बनाएर ब्यर्थै मुटु दुखाएछु
निर्दोशि यी नयनबाट ब्यर्थै आशु सुकाएछु।

आफन्तले प्रश्न गर्दा गाउँ भरी हल्ला चल्दा 
सबै सामु बोल्न मैले ब्यर्थै किन चुकाएछु।

न त मेरो गल्ती थियो न त कुनै दोष मेरो
सगरमाथा जस्तो शिर ब्यर्थै किन झुकाएछु।

पिए पछि लाग्छ भन्थे न पिएरै लाग्यो बिष
आफनै शिर काटि मैले ब्यर्थै किन छुपाएछु।

सक्छौ भने कोहि भन गल्ती थियोे मेरो भनी ?
उसको गल्ती आफ्नै सम्झी ब्यर्थै किन लुकाएछु।।
राजन पोखरेल 
हरैचा  मोरङ 

Note :
All Copyright of above gazals are belongs to writer

Gazals

गजल-मंन्दिर कस्तो सुनसान भएछ..(ज्ञानुवाकर पौडेल)

मंन्दिर कस्तो सुनसान भएछ
गायब कहिले भगवान् भएछ
..
बदनाम भए साधु सन्त
चोर फटाहा महान भएछ
..
राम्रो लेख्ने उपेक्षित सधैं
नलेख्नेहरुको यशगान भएछ
..
खेदो गर्यौ सधैं अरुको
कुरुप तिम्रै पहिचान भएछ
..
खडेरी परेछ हेर सद्भावको
शत्रु भित्रु एक समान भएछ
..
नहुँदा खल्ती गहुँगो आफेनो
कति गाह्रो सुरापान भएछ
..
कालोलाई सेतो भन्न जानेरै
जमाना कति साबधान भएछ
..
चलेकै थियो यहाँ गुजारा
विदेश पुगेर दरवान भएछ.
ज्ञानुवाकर पौडेल
साभार,
जिन्दगी छैन अचेल जिन्दगी जस्तो

Gazals

गजलकार मोहन रावल अनमोल 'अस्तु'का २ दुर्इ गजलहरू -04-02-2016

हन रावल अनमोल 'अस्तु'

१)गजल
विन्ती! पठाईदिनु सक्भर पठाई दिनु...!!
मेरा प्यारा परदेशीलाई घर पठाई दिनु...!!

यसरी तड्पीएर बाच्नै सक्दीन अब त...!
सकिन्छ भने मलाई जहर पठाई दिनु...!!

यी सोषक र सामन्तीहरूका निमित्त...!
बुद्धको देशमा हिटलर पठाई दिनु...!!

यो देशका जनतालाई सरकार तर्साउछ...!
सरकार तर्साउनलाई रत्नाकर पठाई दिनु...!!

दिल जलेर 'अस्तु'को खरानि भएपछी...!
ए हजुर मेरी उनिलाई खबर पठाई दिनु...!!
मोहन रावल अनमोल 'अस्तु'
बान्नातोली पाँच अछाम


२) गजल
म मान्छे हुनुको रहस्य बुझ्दैछु धेरै समय पछि...!
गजल गजलकार र कवि सँगको परिचय पछि...!!

कैयौले जय-जयकार गर्नेछन् रंगमञ्च बाहिर...!
तिम्रो ठुलै पराजय पछि मेरो सान्दार बिजय पछि...!!

बडा मुस्किलले छुट्टिनु परेको थियो तिम्रो आँचलबाट...!
रुँदै भावविभोर हुँदै आँशु बगाउँदै सूर्यदय पछि...!!

कैयौँको ढोका ढक्ढक्याएको थिएँ एक गास माग्नका लागि...!
मलाई धर्तीको जिम्मा लगाएर आमा स्वर्गिय भए पछि...!!

मिलन के हो विछोड के हो दुखाई के हो बल्ल बुझेको छु...!
आफ्नैले यो मुटु अचानो बनाएर छाडेर गए पछि...!!

मोहन रावल अनमोल 'अस्तु'
बान्नतोली पाँच अछाम
rawalm49@gmail.com

Note:
All Copyright Reserved with Writer -Mohan Rawal Anamol Astu

Gazals

Mang Dorje Sherpa माङ दोर्जे शेर्पाका १० दश गजलहरू -04-02-2016

Mang Dorje Sherpa

१.गजल
असल काम गर्न खोजे अवरोध हुन्छ  
यस्ता नाबालक हरुमा कैले बोध हुन्छ।

जिउदो हुँदा कसैले नि चिन्दैनन् बिचरा
मरे पछि बल्ल तल्ल खोज-सोध हुन्छ।

घर भित्रै हत्या गरी ज्यान लुकाइछ
रगत लाई सुकाउन लिप-पोत हुन्छ।

असारमा धान रोप्दा मस्त निदाउछ
मंसीरमा धान फल्दा खन-जोत हुन्छ।

जंगे पनि हत्यारा नै थिए हुन लाई 
तर आज भोलि दिनै पर्व-कोत हुन्छ।
माङ दोर्जे शेर्पा

२.गजल
मलाई भेट्न छोडेर अरु लाई भेटी दियौ
यो मायाको मुनालाई कलिलैमा रेटी दियौ

अरु लाई छले पनि भगवान्ले देखेका छन् 
अपराध गरे पछि प्रमाण सबै मेटी दियौ।

गर्ने बेला सहमती भएर गरेका थियौं 
स्वार्थ पूरा भए पछि अन्यत्रै लखेटी दियौ।

लुट्नसम्म लुटीदियौ नाङ्गेझार पारी पारी
रस चुसी भीर बाट मलाई घचेटी दियौ।

प्रभु संग गुनासो छ मलाई एउटी त छैन
कसै लाई भने धेरै धेरै धेरै केटी दियौ।
माङ दोर्जे शेर्पा

३.गजल
न्छे भनी मैले छुन पनि सकिएन
टाढा हुँदा धुरु-धुरु रुन पनि सकिएन।

धेरै कोसिस गरे मैले अतीत त्यो भुल्न लाई
मन भित्र भाको याद धुन पनि सकिएन।

माया प्रीतिको खेलमा असफल भईदैमा
सबै कुरा त्यागी जोगी हुन पनि सकिएन।

आफ्नै जीवन लाई घृणा गर्ने बाध्यकारी मान्छे
जीवन छोडी मृत्यु लाई चुन्न पनि सकिएन।

बिचित्रको संसारमा जिन्दगीको हिसाब गर्न
जोड,घटाउ,भाग र गुन्न पनि सकिएन।

४.गजल
तिमी बाट सधैं जसो यो मुटुमा दमन हुन्छ
तिम्रो तानाशाही मन कुनै दिन पतन हुन्छ।

बाहिरी त्यो सुन्दरता केवल क्षणिक मात्र हो
सुन्दर त त्यो हो जब सफा मन,बचन हुन्छ।

सन्तुष्टि नै सबैभन्दा ठूलो हुन्छ जिन्दगीमा
सोच्यौ भने के हुन्न र,झुपडी नि भवन हुन्छ।

मनुष्यको दिल भए विशाल र फराकिलो 
यो दुनियाँ विशाल हुन्छ जसरी यो गगन हुन्छ।

दुई दिने यो चोलामा किन गर्नु रिस,डाहा
कुनै दिन पक्कै पनि सबैको नै मरन हुन्छ।
माङ दोर्जे शेर्पा

५.गजल
तपाईं हाम्रो माया बराबर हुनुपर्छ 
सबै जनाको उस्तै अग्रसर हुनुपर्छ।

बिश्वासमा अढेकोछ हाम्रो यो संसार
हामी एक अर्कामा सधैं भर हुनुपर्छ।

बल्लतल्ल पाएको मनुष्यको यो चोला
जिउन लाई कर हैन रहर हुनुपर्छ।

जाल,झेल,घृणा र बितृस्णाको नभई 
माया र पिरतीको यो शहर हुनुपर्छ।

हत्या,हिंसा,लुट्पाट को बिदाइ गर्नुपर्छ
हर बिहान् सुन्ने मीठो खबर हुनुपर्छ।

६.गजल
पुर्णिमाको जून तिमी बादलुले छेकी देला
अन्तरीक्षयात्री आई तिमी माथि टेकी देला

साउने त्यो झरी पर्दा नहिड भो भिजी भिजी
लोभ लाग्दा अंग हरु अरुले नै देखी देला।

सबैभन्दा पहिले म भन्छु आफ्नो मन्को कुरा
नत्र भने पराइले प्रेम-पत्र लेखी देला।

तिमी लाई चिन्ता होला सधैं भरी यो कुरामा
तिम्रो मन्को भारीलाई कसले पो थेगी देला।

सहन सक्दैन हेर तिम्रो पीडा यो "माङ"ले
मन भित्र घाउ भए मायाले नै सेकी देला।
माङ दोर्जे शेर्पा

७.गजल
ठिकै थियो सबै कुरा बेठिक भएछ
जनताको नोकर भन्थे मालिक भएछ।

फुट्ने थेन हिजो सम्म उसैको बोली
राजनीतिमा लागेर तार्किक भएछ।

एकाईसौ शताब्दीले छोएर होला
मन बाट हैन माया भौतिक भएछ।

तिमी भए अरु केही चाइदैन भन्थी
तर आज ठूलो कुरा आर्थिक भएछ।

लेख्दा लेख्दै,खेल्दा खेल्दै अक्षर संग
थाहै नपाइ मेरो गजल मार्मिक भएछ।
माङ दोर्जे शेर्पा

८.गजल
मेरो चोखो माया लाई शरीरको मेल सम्झ्यौ
मनोरंजन मा खेलिने दुई दिने खेल सम्झ्यौ।

जाने बेला गयौ तिमी मेरो बारे नसोचेर
आज दु:ख पाएर त मलाई अचेल सम्झ्यौ।

मैले भने युगौ युग नतोडिने नाता गासौ
पवित्र सम्बन्धलाई जन्जिर र जेल सम्झ्यौ।

झलमल हुँदा खेरी बिर्सी दियौ यो दुनियाँ 
बलिरहेको त्यो दियो निभे पछि तेल सम्झ्यौ।

कुनै स्वार्थ थेन ममा,तिम्रै भलो म चाहन्थे
कुन अर्थमा हेर्यौ मलाई जाल र झेल सम्झ्यौ।
माङ दोर्जे शेर्पा

९.गजल
पन्चे बाजा बजाएर लान्छु तिमी लाई 
डोली माथि सजाएर लान्छु तिमी लाई।

साथ दिनु है सबैले मेरो यो खुसीमा 
सबै लाई नचाएर लान्छु तिमी लाई।

दुनियाँ नै छक्क परुन हाम्रो बिहे देखी
यति धूम मचाएर लान्छु तिमी लाई।

पछि सम्म सम्झनेछन् भावी सन्ततीले
ईतिहास रचाएर लान्छु तिमी लाई।

घुम्टो भित्र मुस्कुराई,शिर निहुराई
तिमी अति लजाएर लान्छु तिमी लाई।
माङ दोर्जे शेर्पा

१०.गजल
सुन्दर यो सृजनाको सर्जक बनी दिन्छु
यति धेरै सुन्दरी छौ,दर्शक बनी दिन्छु।

खाउ टन्न मिठा मिठा खाने कुरा हरु
पर्दा तिमी अप्ठ्यारोमा पाचक बनी दिन्छु।

हान तिमी चौका,छक्का डर नमानेर
तिम्ले खेल्ने कृकेटमा शतक बनी दिन्छु।

हातेमालो गर्दै अगि बढ्छु तिमी सित
म त तिम्रै सहयात्री अथक बनी दिन्छु।

दु:ख,पीडा भुलि देउ सक्दो खुशी हुनु
तिम्रा हर पलहरुमा रौनक बनी दिन्छु ।
माङ दोर्जे शेर्पा

Note :
All Copyright Reserved with Writer Mang Dorje Sherpa

Gazals

राजन पोखरेलका सात ७ गजलहरू -2016-02-03 (7 Ghazals by Rajan Pokhrel)

       राजन पोखरेल 

        हरैचास, मोरङ

१.गजल
सुनेको छु शहरमा एक्लै एक्लै डुल्छौ अरे 
पराईको हात समाई जता ततै फूल्छौ अरे

कस्तो रैछ रहर तिम्रो पुरै गर्न नसकिने
रंगिन छ है दुनियाँ भन्दै नशासगै झुल्छौ अरे

मैले पनि माया पिलाई बाडेका थे खुशिहरु
वसन्त नै न आई तिमी शिशिरमै खुल्छौ अरे

आफ्नैलाई सम्हालेर राखेनछौ मनहरु
छिनमै हास्दै छिनमै तिमी सन्सार नै भुल्छौ अरे।।
राजन पोखरेल 
हरैचास मोरङ

२.गजल
चल्छ जहाँ फूलको शुबास भ्रमराको बाँस हुन्छ
हास्छौ र त जिन्दगीमा जिउने मेरो आश हुन्छ।।

मेरो जीवन भन्नू पनि तिम्रो नै त खुसी हो नि 
मैले बोल्ने हर शब्दमा तिम्रो मिठो सास हुन्छ।।

जहाँ जाउ जता जाउ तिमीबाट टाढा हुन्न
मैले चाल्न्ने हर पाईला नि तिमि बाटेै पास हुन्छ।।

हासी रहु हर मोडमा जीवन भन्नू यस्तै रै छ
हाम्रो मिलन भन्नू यहाँ फूलै फूलको मधु मास हुन्छ।।
राजन पोखरेल 
हरैचास मोरङ

३.गजल
इशारामा प्रभुू भनि,संधै हामी चल्नु हुन्न
हामी मिलि यहि बसौ,अर्कालाई छल्नु हुन्न।।

वीरका हामी सन्तान हौ मिलि बस्छौ सधै यहाँ 
त्यसैले त अब फेरि, मेची काली जल्नु हुन्न ।।

किन झिक्छौ त्यहि कुरा तेरो मेरो भन्ने गर्छौ
भाई भाइ संगै  बस्छौ ,रिस राग मल्नु हुन्न।।

आफै गर्छौ दुस्ख हामी,सङघषँमा रम्ने गर्छौ
एकता मै बसौ हामी,कसै सामु हल्नु हुन्न।।

आफै भन्दा प्यारो मलाई मेरै देशको माया लाग्छ 
मेची (काली उठौ अब,दुश्मन सामु गल्नु हुन्न।।
राजन पोखरेल 
हरैचास मोरङ

४.गजल
जित हुन्छ जताततै,गरे पछि काम हजुर
कहाँ अगि बाढछ देश गरे पछि जाम हजुर।।

अझै पनि कति  गर्छौरुकुरा त्यही छल छामको 
भोकालाई कहिले मिल्छरुदुई छाक माम हजुररु।

मलाई मेरै देशकै माया तिमीलाई आराम छ
बाडदै छौ रे आफन्तलाई देशका सबै दाम हजुर।।

त्यसैले त अब मलाई तिम्रो कुनै आश छैन
आफ्नै घरमा आगो लगाई कहाँ बन्छ सुन्दर  गाम हजुर।।
राजन पोखरेल 
हरैचास मोरङ

५.गजल
जिन्दगीको लामो यात्रा अनायासै मोडे पछि 
कस्ले भन्छ कठैबरा सबै नाता तोडे पछि।।

उनकै गीत मा न्याउली रुन्छे बिरहको गीत बनाई
बचरा नि रोएकाछन माउले गुड छोडे पछि।।

मरुभूमि जस्तै जीवन सपनाको खेती भयो 
न्यानो काँहा हुन्छ सानू१ आफ्नै छानो फोडे  पछि

एक पछि अर्कै मोड छ जहाँ घुम्ती धेरै हुन्छन 
कस्को रम्छ मन यो तेसमैरुअन्तै फूल गोडे पछि।।
राजन पोखरेल 
हरैचास मोरङ

६.गजल
लेखी पठाउ मलाई प्रिये १ सबै तिम्रा हाल हरु
अझै कति बित्छन यतै समय र साल हरु।

दिन त बित्छ जसो तसो सम्झना छ आखै भरी
सम्झना मै रात बित्छन नयन बन्छन ताल हरु।

तिम्रै माया कहिले काहीँ मुटु  भरी ज्वार बन्छन
छचल्किन्दै कयौं  बग्छन बेदना का छाल हरु।

कस्लाइ भनु कस्लाई सुनाउ वेदनाका घाउहरु
सुस्त सस्त  बगेकै छन जिन्दगी का चाल हरु।।
राजन पोखरेल 
हरैचास मोरङ

७.गजल
दुई चार दिन कतै गए,हराएछ न भन्दिनु 
अन्धकारमा दीप बाल्दा, डराएछ न भन्दिनु।

जीवनको यात्रा लामो तिमी बाहेक कोहि छैन
आफ्नै सम्झी गाली गरे,कराएछ न भन्दिनु।

सगालेर राख प्रीत भोलि जीवन फूल्छ फल्छ 
फूलकै गीत गाउदै, हिडदा बर्बराएछ न भन्दिनु।

शिखरको बाटो हिंडछु जूनू कतै भेट्इन्छ कि रुरु
हिडदा खेरी ठेस लागे राजनू लर्बराए छन् भन्दिनु।।
राजन पोखरेल 
हरैचास मोरङ

नोट,

सम्पूर्ण प्रतिलिपि अधिकार लेखकमा निहित रहेको छ । 

धन्यवाद

चिसापानी नेपाल ब्लग

Gazals