मुक्तक दोहोरी - शब्दको खेलाडी Vs सफर जिन्दगी -27-04-2026

 

 

मुक्तक दोहोरी -
शब्दको खेलाडी Vs सफर जिन्दगी

सुरुवाती मुक्तक :
धेरै दुःखी सक्यो मन भो फकाउन नआऊ अब 
मारे जस्तो लाग्छ झन् भो फकाउन नआऊ अब
आखिर मैले तिमीलाई चाहेर निकै ठूलो गल्ती गरेँ 
टुक्रियो यो निर्दोष बदन भो फकाउन नआऊ अब ।।
शब्दको खेलाडी ✍️
उत्तर :
दुखेको मनमा महलम लगाउछु के छ बिचार?
मायाले तिम्रो  छेउछाउमा आउँछु के छ बिचार?
यदि मलाई हृदयदेखि नै चाहेका हौ भने तिमीले,
सधैभरि तिमीलाई खुसी बनाउछु के छ बिचार?
सफर जिन्दगी ✍️

उत्तर :
चर्किएको ऐना जस्तो मन् जोडी दिन्छ कसले अब 
हाम्रो प्रेमको विरोधीको जाल तोडी दिन्छ कसले अब
आखिर तिमीलाई मन मुटुले माया गर्दा बदनामी पाएँ,
ओइलाइ गए मेरा प्रेमका बाग गोडी दिन्छ कसले अब?
शब्दको खेलाडी ✍️
उत्तर :
ऎना जस्तो चर्किएको हाम्रो मन हामी जोडौँ अब
हामी बिचको बिरोधीको जालो हामी  तोडौँ अब
म रहुन्जेल तिमीलाई कसैबाट बदनाम हुन  दिने छैन,
असल बाटो रोज्नुपर्छ ती विगत हामी छोडौ अब।
सफर जिन्दगी ✍️

उत्तर :
कसरी जोडिन्छ भनी देऊ ऐना सरी फुटेको मुटु
मिल्दैन हाम्रो जात भात अनी व्यर्थै टुटेको मुटु
भन्ने मात्र हो म छु भनी तर हेर आज रुँदा म,
कसरी फर्काउन सक्छौ खुसी अनी लुटेको मुटु।।
उत्तर :
टुटेको मनलाई जोडी आएकी छु हेर्नुस् त,
जात जातिय विभेद हटाएकी छु हेर्नुस् त,
अब सधै सधैलाई तिमी रुँदा आँसु पुछ्ने,
माया मिसाएर रूमाल पठाएकी छु हेर्नुस् त।
सफर जिन्दगी ✍️

उत्तर :
हिजो प्रेमको बाटो छेक्ने तिम्रै नजिकका देख्यौ र?
कमजोर बनाउने हाम्रो प्रेममा सकुनी चाल भेट्यौ र?
आँशु सुकेर नयन रितियो अब कदापि छैनन् बग्ने ,
हामीले बनाएको स्वर्णिम मायाको आँगनमा टेक्यौ र??
शब्दको खेलाडी ✍️
उत्तर  :
हामीलाई कमजोर बनाउनेहरू आफैँ जल्नेछन्,
स्वर्णिम मायाको आँगन टेक्दा दनदनी बल्नेछन्,
आँसु सुक्यो तिम्रो नयनमा सजिन्छन खुसीका सपनाहरू,
हाम्रो प्रेमको बाटो छेक्नेहरू ठाँउको ठाँउ ढल्नेछन्।
सफर जिन्दगी ✍️

उत्तर :
मैले पर्खिने हरेक बाटो गल्लीहरूमा इन्तजार थियो
हाम्रो माया त कमजोर थिएन त्यहाँ सब गद्दार थियो
अब विश्वास बलियो हुनेछ यति चाहे तिमी संग,
सुन मेरी मायालु हाम्रो माया प्रेम चोखो अपार थियो।।
शब्दको खेलाडी ✍️
उत्तर :
तिमीले  पर्खिने  गल्लीहरूमा  इन्तजार मेरै हुनुपर्छ,
गद्दार जसले गरेपनि तिमीले चुम्ने निधार मेरै हुनुपर्छ,
विश्वास,भरोसाले  हाम्रो   जीवन  चलाउँ वाचा गर,
छुट्टिनु मर्नु परे नि मुनामदनको जस्तो प्यार हुनुपर्छ।
सफर जिन्दगी ✍️

उत्तर :
हरेक मेरो पर्खाइमा तिम्रै पाइलाहरूको आगमन होस
हाम्रो मिलनको परीक्षाहरु एक दिन स्वर्णिम बन्धन होस
बाचा कसम होइन प्रिये बुढा सुब्बाको भाकल गर्छु,
तिम्रै काखमा मर्नुनै परेमा दुई - मुटु एकै धड्कन होस्।।
शब्दको खेलाडी ✍️
उत्तर :
दुई मुटुको एकै धड्कन हुने रहर पूरा गरिदेउ
लगाउने छैनन् यो दुनियाँले नजर पूरा गरिदेउ,
बुढा सुब्बाको भाकल गरि,माग्न आउँनु घरमा,
जोडेर  मेरो नाम  पछि तिम्रो थर पूरा गरिदेउ।
सफर जिन्दगी ✍️

उत्तर :
मेरो मुटुमा तिम्रो धड्कन सगोल हुनेछ एक दिन
पापी नजरको अन्त्य गरेर तिमीलाई आउँछु लिन 
खेर जाने छैन हाम्रो अनी हामीले भाकल गरेको,
जब तिमीलाई दुलही बनाउँछु अनी साँचो प्रेम चिन।।
शब्दको खेलाडी ✍️
उत्तर :
त्यो धड्कनकाे सगोल सफा हृदयमा सजाएर लानु
पापी नजर त्यस्तै हुन् बा-आमालाई फकाएर लानु
अनि मात्र विश्वास गर्छु,यी मठ मन्दिर भगवान् तिमीमा,
गरगहना चाहिदैन एक धर्को सिन्दूरले आफ्नो बनाएर लानु।
सफर जिन्दगी ✍️

उत्तर :
हृदय भरिको माया तिमीलाई रगतको सिन्दुर हाल्नेछु
जात भातले भरिएको कुसंस्कार जरै देखि उखाल्नेछू
विश्वास अनी अटुट बन्धनको डोरीले बाँधेर लानेछु म,
धनको गरीब भएर के भो मनको उज्यालो दियो बाल्नेछु 
शब्दको खेलाडी ✍️
उत्तर :
तिम्रो औंठा काटेर मेरो सिउँदोमा रगत भर्नु,
समाजमा कुसंस्कार अन्त्य भएको अवगत गर्नु,
हाम्रो अटुट बन्धन चुडाउन हतियारले पनि  सक्ने छैन,
हुनेछन् ब्रह्माण्ड चकित जहाँ प्रेमको ज्यति छर्नु।
सफर जिन्दगी ✍️

उत्तर :
रहरले भन्छ मलाई पनि तिम्रो सिउँदोमा मेरै हात होस
समाजको अघि झुक्दैन प्रेम तिम्रो मेरो एकै जात होस
हतियारले कहाँ डराउछौँ र लड्नेछौ युद्ध प्रेमको मिली,
ब्रह्माण्डको करोडौं तारा मिलेर भोलि शुभ प्रभात होस।।
शब्दको खेलाडी ✍️
उत्तर :
भएर बस्न पाउँ सधै तिम्रो अनि परिवारमा प्यारी,
समाजले जे सोचोस परिवारमा लागि हुनेछु संस्कारी,
जति लड्नु लडिसक्यौं प्रेमको मामिलामा  समाजप्रति,
तिमीले श्रीमती बुवाआमाले स्विकार्नु भयो बुहारी,
सफर जिन्दगी ✍️

उत्तर :
हुनेछौ जीवन पर्यन्त तिमी मेरो कुलको संरक्षक सधैँ
परिआए खानदानको इज्जत राख्न प्रयास अथक सधैँ
मेरो कुल र पुर्खाहरूको आशीर्वाद सधैं  शिरमा होस्,
भावी पुस्ता हुनेछन् भोलि तिम्रो नाउँमा नतमस्तक सधैँ।।
शब्दको खेलाडी ✍️
उत्तर :
इज्जत होस् घर परिवारमा अरू जेजस्तो मर्म स्वीकार्छु,
परापुर्वकालदेखि चलिआएको सबै  कुल धर्म स्वीकार्छु,
यदि पुर्खाहरूको आशीर्वाद सधै मेरो शिरोपर भयो भने,
जिउँनलाई जीवन पर्यन्त गर्नैपर्छ कर्म स्वीकार्छु।
सफर जिन्दगी ✍️

उत्तर :
म जन्मेको यही माटोमा इज्जतले तिम्रो साथ मर्न पाउँ
मेरो संस्कार संस्कृति सँगै तिम्रो भएर बैकुण्ठ तर्न पाउँ
प्रकृतिको काखमा सधैं सुस्ताएर अँगालोमा सदैव,
पुर्खाहरूको एक एक सम्झनामा मिलेर फूल छर्न पाउँ।।
शब्दको खेलाडी ✍️
उत्तर :
संस्कार दिई जिउँन सिकाउने तिमी पाएँ बा-आमाको साटाेमा,
जन्मजातको हाम्रो इज्जत नबिलाओस् ढुङ्गा अनि माटाेमा,
डाफे मयूर झैँ प्रकृति र तिम्रो काखमा रमाउदै रमाउदै,
तिम्रै हात समाएर हिड्न पाउ हर गल्ली अनि बाटोमा।
सफर जिन्दगी ✍️

उत्तर :
सुम्निमा झै माया गर्ने जीवनसाथी पाएकोछु मैले
सातै जन्म नछुट्टिने अविरल माया लाएकोछु मैले
प्रकृतिको सातै रङले अब सजाउनेछु तिमीलाई म,
जुनी जुनी तिम्रै भएर जन्मिने कसम खाएकोछु मैले।।
शब्दको खेलाडी ✍️
उत्तर :
तिम्रो अविरल मायाबाट टाढीने दिन  नआओस् जानीजानी,
यत्ति माया गर्ने जीवनसाथी पाउने म,कति भाग्यमानी,
माया नै मायाको रंगले सजिएर रङ्गिचङ्गी भएर जीवनभर,
पाएको यो जीवन तिमीसँगै बिताउँछु सारा जिन्दगानी।
सफर जिन्दगी
....
समाप्ति मुक्तक
टाढिने छैन तिमीबाट ढुङ्गा को भर माटो बन्छु म 
जति दोबाटोहरु आए पनि नछुट्टिने पाटो बन्छु म 
रंगीन हुनेछन् भविष्य हाम्रो विश्वास राखी बाँचेपछि,
तिम्रो हरेक संघर्षको लक्ष्य पुर्याउने बाटो बन्छु म।।
शब्दको खेलाडी ✍️ 
समाप्त

Muktak , Muktak Dohori

गजल- दुःख मेरै हो दर्द मेरै हो उनले दिएका यी चोट मेरै हो (शब्दको खेलाडी )

 

दुःख मेरै हो दर्द मेरै हो ,उनले दिएका यी चोट मेरै हो
संका मेरै हो रिस मेरै हो ,नभएका पनि खोट मेरै हो।।
..
कहदै छु म मेरा कहानी कोर्दै एउटा निरस गजल
कलम मेरै हो शब्द मेरै हो, मायाको चिनो कोट मेरै हो।।
..
पारी बनमा गुराँस फुल्दा कोसेली आउँथे थुँङ्गा 
सुवास मेरै हो रङ्ग मेरै हो,सिंचाइ नगरेका बोट मेरै हो।।
..
नभएको होइन इच्छा बन्ने अटुट जीवनसाथी 
आश मेरै हो सास मेरै हो,हैसियतले नपाएका भोट मेरै हो।।
..
मन मिले पनि अकुत धन नभए पछि साथमा
हार मेरै हो प्रहार मेरै हो,विकल्पमा टाढिने अठोट मेरै हो।।
शब्दको खेलाडी   ✍️ 
विराटनगर 6

Gazals

मुक्तकहरू - साथमा तिहार विशेष २ मुक्तकहरू पनि - राम शरण श्रेष्ठ

सयपत्री गोदावरी, फूल्छ होला मेरो देशमा ।।
देशै भरि दिपावली, हुन्छ होला मेरो देशमा ।।
म यता विदेशमा, रुदै होलीन् दिदि वहिनी
कति मन तिहारमा, दुख्छ होला मेरो देशमा ।।
6th Oct 2012
राम शरण श्रेष्ठ
चिसापानी,रामेछाप
..
विदेशमै बस्यौ दाजै, तिहार गयो त्यसै ।।
इश्वरलेनी नसुनेको पुकार गयो त्यसै ।।
मखमली सयपत्री सुकिगयो सप्तरंङ्गी 
मेरो खाली हात तिम्रो निधार गयो त्यसै ।।
राम शरण श्रेष्ठ
चिसापानी, रामेछाप ।।
17th Nov 2012
खै मान्छे आत्मा हो कि शरिर 
कता जान्छ होला मरेर आखिर 
के मृत्यु पछि पनि जिन्दगी होला 
आत्मा मर्दैन भने किन लाग्छ पिर 
राम शरण श्रेष्ठ
30-Oct-2014
हुनेछु यति बेखबर सोचकै थिएन । 
तिमी सँगको सफर सोचेकै थिएन ।
म आफ्नै धुनमा हिँडिरकेको थिएँ 
देला गुलाबले ठक्कर सोचेकै थिएन । 
राम शरण श्रेष्ठ
30-Oct-2013
नकाब पछाडी अनुहार भिन्दै छ । 
बास्तबमा उस्को विचार भिन्दै छ। 
जे देखिन्छ उ त्यस्तौ हुँदै हैन 
पर्दा पछाडी सुरसार भिन्दै छ । 
राम शरण श्रेष्ठ
30-Oct-2013
नबनेका जोडिहरु होलान् कतिकति 
कहाँ हुन्छ सचेजस्तै सधै सहमती । 
जिन्दगीका बाटाभरी सधै काँडै काँडा
समयले पनि सधै दिन्छ किन क्षती ।
राम शरण श्रेष्ठ
30-Oct-2013
चालकको लापरबाहिले दुर्घटना हुन्छ । 
अनि निर्दोशको मृत्यु सँग सामना हुन्छ । 
जाँड रक्सि खराब हुन् पिउँदै नप्यूनु
नत्र मृत्युको भयानक यातना हुन्छ । 
राम शरण श्रेष्ठ
30-Oct-2013
यो दुनियाँ रहुन्जेल पृथ्वी रहुन्जेल । 
चन्द्र सुर्य अनि जिन्दगी रहुन्जेल । 
यो समयले जुन कुनामा लगेपनी 
नेपाली नै रहनेछु ढुकढुकी रहुन्जेल । 
राम शरण श्रेष्ठ
30-Oct-2013

Muktak , मेरो रचना – मुक्तकहरु

गजलकार एच.एल. गौतमको तिज विशेष गजल - 09-08-2023

केछ विचार? भन प्यारी, यो सालको  तिजमा..!!
गर्दै छौ त....के  तयारी? यो सालको  तिजमा...!!

वर्त पुजा राखी हौली...,वाधा  अड़्चन हर्न...!
देवी देउता खुशी पारी,  यो सालको तिजमा...!!

मेरी  सानु  कती राम्री, देखीन्छ्यौ  खै कुन्नी ...!
सिन्दुर पोते, लाई सारी.. यो सालको तिजमा...!!

भित्री  मनमा  गुम्सिएका,  पिड़ा  पन्छाएर...!
दु:ख  पिरलाई लाउनु आरी,यो सालको तिजमा ...!! 

जे माग्ने छौ  त्यही दीन,  सम्भव  भयो भने...!
ल्याई दीनेछु  तारा  झारी, यो सालको तिजमा...!!

रमाउने छौ मिली-जुली, आउने महान चाड़मा...!
एक जुट् भई नर र.. नारी यो सालको  तिजमा...!!

[[2"केछ विचार? भन प्यारी, यो सालको तिजमा..!!
गर्दै छौ त....के  तयारी? यो सालको  तिजमा...2"]]
सर्जक- एच.एल. गौतम
(अर्घाखाची) खनदह3!
      हाल- भारत।।

Gazals , Nepali Ghazal , अतिथि गजलहरु

NLK नागरिक लगानी कोषको कोषकट्टी फाँटवारी अनलाईन कसरी भर्ने र Bank तथा ConnectIPS बाट भुक्तानी गर्ने?

 

 

 

 

 CIT NLK Fatwari Entry and Payment Online through Connect IPS Ready to Upload । नागरिक लगानी कोषको कोषकट्टी फाँटवारी अनलाईन कसरी भर्ने र बैंक तथा कनेक्ट आईपिएस बाट भुक्तानी गर्ने ? । NLK Office Scheme Collection Sheet Entry in Nepal । CIT Office Scheme Collection Sheet Entry in Nepal । NLK Office Scheme Collection Sheet Entry and Pay Online
Namaskar, Ajako Yo Video ma hami nagarik lagani kosh (Citizen Investment Trust) ko online phatwari Fatwari Kasari Bharne sathai Online Phatwari Print Garera Bank ma kasari paisa jamma garne tatha Online Connect IPS marfat nagarik lagako koshko kosh katti rakam kasari bhuktani garne full complete process sathai online fatwari bharne ra bhuktaniko demonstration example sahit dekhaunechhau.
Citizen Investment Trust Website (CIT NLK) : www.nlk.org.np
नागरिक लगानी कोषले अब कोषकट्टीको विवरण अनलाईन मात्र लिने भएको हुँदा कोषकट्टीको अनलाईन विवरण बुझाउनको लागि नागरिक लगानीकोषमा सहभागीहरुले अनिवार्य कार्यालय लगइन लिनुपर्ने हुन्छ । जसको लागि अनलाईन फारम भरी एक निवेदन सहित अट्याचगरी अनलाईन निवेदन दिन सकिन्छ र सो निवेदन स्विकृत भए पस्चात इमेलमा लगइन युजरनेम र पासवर्ड प्राप्त हुनेछ तत्पस्चात कार्यालय लगइन गरि फाँटवारी विवरण बुझउन अनलाईन भरि फाँटवारी विवरण कनेक्ट आईपिएस बाट या बैकमा उक्त फाँटवारीको भौचर डिपोजिट स्लिप प्रिन्ट गरी बैकमा चेक या नगद जम्मा गरि भुक्तानी गर्न सकिन्छ । यसरी भुक्तानी गरेको रकम नागरिक लगानीकोषले रुजु गरेपस्चात अनलाईन फाँटवारी बमोविम योगदानकर्ताहरुको खाता–खातामा स्वत जम्मा हुनेछ साथै अनलाईन फाँटवारी बुझाउनेहरुले नागरिक लगानीकोषमा कोषकट्टीको फाँटवारी विवरण कार्यालयमा हार्डकपि बुझाईराख्नुपर्दैन ।
यस भिडियो अन्तर्गत हामी के के गर्नेछौ ।
१. नागरिक लगानी कोषको अनलाईन म्यानुअल फाँटवारी भर्न सिक्नेछौं ।
२. नागरिक लगानी कोषको टेम्म्लेटमा एक्सलमा भरेको फाँटवारी अपलोड गरेर फाँटवारी भर्न सिक्नेछौं ।
३. नागरिक लगानी कोषको फाँटवारी भौचर कसरी प्रिन्ट गर्ने र बैंकमा कोषकटिट्ी रकम जम्मा गर्ने ।
४. नागरिक लगानी कोषको फाँटवारी भरेर अनलाईन भुक्तानी कनेक्ट आईपिएर बाट गर्ने ।
५. नागरिक लगानी कोषको भुक्तानी भई सकेको फाँटवारी कसरी प्रिन्ट गर्ने  ।
६. नागरिक लगानी कोषको कार्यालय रिपोर्ट बाट कर्मचारीको कोष कट्टिी स्टेटमेन्ट कसरी हेर्ने ।
७. नागरिक लगानी कोषको अनलाई कर्मचारीको स्टेटमेन्ट कार्यालय रिपोर्ट स्टेटमेन्ट कसरी हेर्ने तथा रिपोर्ट हरु कसरी प्रिन्ट गर्ने ।
कर्मचारीको कोष कट्टी रकम नागरिक लगानी कोषमा Online बुझाउने प्रक्रिया,
CIT NLK phatwari Fatwari Kasari Bujhaune,
Citizen Investment Trust Online Fatwari Submission Process,
How to pay Online CIT NLK Retirement Scheme Fund through Online,
Ngarik Lagni Kosh Online Payment Process
Citizen Investment Trust Kosh Katti Online Payment Process,
CIT NLK Payment Online Payment through ConnectIPS,
ConnectIPS Corporate Pay to Nagari Kagani Kosh,
nagarik lagani kosh phatwari
phatwari kasari bujhaune,
nlk phatwari bujhaune prakriya,
nlk eservice bat phatwari bujhaune prakriya,
CIT NLK Fatwari Entry and Payment Online through Connect IPS-Ready to Upload
 नागरिक लगानी कोषको कर्मचारी बचतबृद्दी अवकास कोषको कोष कट्टी फारम कसरि बुझाउने ।  नागरिक लगानी कोषको कोषकट्टी रकम जम्मा गर्ने फाँटवारी नमूना । नागरिक लगानी कोषको अनलाइन अवकाश कोषकट्टी कसरि भर्ने । नागरिक लगानी कोषको कोषकट्टी फाँटवारी अनलाईन कसरी भर्ने । नागरिक लगानी कोषको कोषकट्टी बैंक तथा कनेक्ट आईपिएस बाट भुक्तानी गर्ने । नागरिक लगानी कोषको कोषकट्टी फाँटवारी अनलाईन कसरी भर्ने र Bank तथा ConnectIPS बाट भुक्तानी गर्ने? 

Watch Tutorial

Nepali Talim-Nepali Training

नयाँ वर्षको शुभकामना गजलहरू -राम शरण श्रेष्ठ

गजल १ 

नयाँ वर्षमा चोखो ति, प्यारहरुलाई शुभकामना ।। 

मित्रतामा पर्यायबाची, यारहरुलाई शुभकामना ।१।

....

समयलाई जित्नसक्ने, जोशहरुको रफ्तार बढोस्

पूरा होस सबै काम, हतारहरुलाई शुभकामना ।२।

....

शान्तीको शन्देश बोकेर, नयाँ विहान उदाओस्

प्रगति र उन्नतिका, समाचारहरुलाई शुभकामना ।३।

....

मुल्य बृद्धि रोकियोस्, सबैका पैसा जोगियोस्

दुखि र गरिबका, बजारहरुलाई शुभकामना ।४।

....

कसैले दुख नपाओस्, बाढी पैरो नजाओस्

नदि कोशि नजिकका, किनारहरुलाई शुभकामना ।५।

....

विगतजस्तो हुँदै नहोस्, अन्योल र निराकार

अब आउने जनताका, सरकारहरुलाई शुभकामना।६।

....

महाँमारी नआओस्, रोग बाट छुट्टी पाइयोस

डाक्टर नर्स अस्पातलका, परिवारहरुलाई शुभकामना ।७।

....

राजनीतिका काला बादल, हटोस् नयाँ सालमा

सकारात्मक संकेतका, आधारहरुलाई शुभकामना।८।

....

प्रेमका पनि कुरा होस्, सोचेका सबै पूरा होस्

नयाँ बस्न लागेका, घरवारहरुलाई शुभकामना ।९।

राम शरण श्रेष्ठ

2068-12-26/8-April-2014
नयाँ वर्ष २०६९ को पुर्व सन्ध्यामा लेखिएको यो गजल आउँदै गरेको इसं २०१४ को पूर्व सन्ध्यामा फेरी पनि । यो गजल गजलका शेरहरुमा नयाँ बर्ष विशेषमा बाचन भएको थियो ।
Wish you Very Very Happy Upcoming New Year 2015

२.गजल
शुख शान्ति घर घरमा, आओस नयाँ सालमा ।।
चिताएको कुरा सबैले, पाओस नयाँ सालमा ।।

भोकै कोही बस्नु नपरोस, परिश्रम गर्दापनि
भकारी दिनदिनै भरिँदै, जाओस नयाँ सालमा ।।

जन जनका ईक्छा, हितकारी नयाँ संबिधान
मिलेर सबै दलहरु, बनाओस नयाँ सालमा ।।

कानुन मजबुत बनाएर, शान्ति शुरक्षा सरकारले
जनमुखी राहत पनि, ल्याओस नयाँ सालमा ।।

उत्तरोत्तर प्रगति र, सबको ईक्छा पुरा भई
देशैभरि खुसियाली, छाओस नयाँ सालमा ।।
राम शरण श्रेष्ठ
चिसापानी गा.वि.स
बडा नं. ६, रामेछाप
April 2012
यो बुलबुलको श्रृंखला १३७ मा २०६९ को नयाँ वर्ष विशेषको रुपमा बाचन थियो : 
Click Here to Listen Bulbul episode 137

मेरो रचना – गजलहरु

गजल-मेरो पनि दिल छ दुख्छ रिसाउन सक्छु (लक्ष्मी श्रेष्ठ)- १७ चैत्र २०७९ (Ghazal by Laxmi Shrestha)

लक्ष्मी श्रेष्ठ

मेरो पनि  दिल छ दुख्छ रिसाउन सक्छु

यो नसोच्नु तिमिले सधैं फकाउन सक्छु 

अलिकति खुसिको सिता छ खाएर जाउ

छोरी म त तिमिलाई हेरेरै अघाउन सक्छु

भित्तामा  झुन्डिएको तस्बिर  रैछ जिन्दगी 

न ढुक्कले रुन सक्छु न मुस्कुराउन सक्छु

आफ्ना हरुले पत्थर बनाएर छाडेका छन्

ठोकिन  नआउ प्रिय मैले दुखाउन सक्छु 

खुसि  भएको  अभिनय यहाँ  खुब गरियो 

भोलि यहि समय सम्झेर पछुताउन सक्छु

लक्ष्मी श्रेष्ठ

चिसापानी ,रामेछाप

Gazals , अतिथि गजलहरु

नागरिक लगानी कोषको अनलाइन कार्यालय युजर र पासवार्ड कोषको अफिस लगइन कसरी लिने? Apply for Online Office Username and Password from Citizen Investment Trust

 

नागरिक लगानी कोषले अब कोषकट्टीको विवरण अनलाईन मात्र लिने भएको हुँदा कोषकट्टीको अनलाईन विवरण बुझाउनको लागि नागरिक लगानीकोषमा सहभागीहरुले अनिवार्य कार्यालय लगइन लिनुपर्ने हुन्छ । जसको लागि अनलाईन फारम भरी एक निवेदन सहित अट्याचगरी अनलाईन निवेदन दिन सकिन्छ र सो निवेदन स्विकृत भए पस्चात इमेलमा लगइन युजरनेम र पासवर्ड प्राप्त हुनेछ 

नागरिक लगानी कोषकाे वेबसाइट 

Website  : www.nlk.org.np

अनलाइन कार्यालय युजर र पासवार्ड  कोषको अफिस लगइन कसरी लिने?  अब हेराैं भिडियाे मार्फत ।

Watch Online Tutorial

Nepali Talim-Nepali Training

सहरे दोलखाका गजलकार रोशन खड्काको १० गजलहरु (10 ghazals by Roshan Khadka from Khahare Dolakha)-30-03-2023

१. गजल 
गाउ घर फर्की अब टोल बनाउँछु। 
युवाहरु जुट्नु पर्ने माहोल बनाउँछु। 

बस्दिन म प्रवासमा फर्की आफ्नै देश, 
कोका कोला पेप्सी जस्तै झोल बनाउँछु। 

आफ्नै बन पाखाको कपास बटुलेर, 
म शिरक बनाउँछु खोल बनाउँछु। 

स्वदेशमै सबै थोक उत्पादन गरी, 
किसानलाई सुहाउने मोल बनाउँछु। 

जस्ले मेरो स्वर्ग जसतो घर बिगार्यो, 
हेर्नुस् तेस्को पनी डामाडोल बनाउँछु।
रोशन खड्का, 
सहरे दोलखा।

२. गजल 
तिमी मेरो जिन्दगीमा खोट बनि रह्यौ। 
विना सित्ती मुटू भित्र चोट बनि रह्यौ। 

फिरतीलाई तराजूमा जोखी हिड्यौ कठै!। 
अनि आज बहु मुल्य नोट बनि रह्यौ। 

खडेरीको झार जस्तै नासिदा जिन्दगी। 
अर्कै एक बसन्तको बोट बनी रह्यौ। 

विना काल मरौँ भने मर्न सकिएन। 
जेन-तेन बाँच्नै पर्ने अठोट बनि रह्यौ। 

जिन्दगीले दुख रोज्यों मैंले पनी तेही। 
सुख भन्नू तिमी थ्यौ विछोट बनी रह्यौ। 
@रोशन खड्का।
 सहरे दोलखा।

३. गजल 
म भन्दा'नी धनी केटा पायौ  भने विहे गर्नू।
अन्त कतै चोखो मायाँ लायौ भने विहे गर्नू।

बाध्यताले गर्दा म त गाउँ छोडी हिडेको छु।
म नआई , सिँउँदो भर्न चायौ भने विहे गर्नू।

अति सुन्दर् रङ्ग थियो रेशमीले बनेको थ्यो।
अर्कैलाई त्यो पछ्यौरी ओ-ढायौ भने विहे गर्नू।

बाँसुरीमा मेरो धुन बज्दा नाच्थ्यौ रमाउँथ्यौ।
आज बेग्लै धुन् सित र-मायौ भने बिहे गर्नू।

हल्लाहरु सुनेको छु भाव-विह्वल् भा'की छ्यौ रे!
उसकै यादमा नयन् रु-झायौ भने विहे गर्नू।   

गोधुलीमा डुबेको घाम् विहान् न'भै देखीदैन।
साच्चै *रोशन्*बाट धोका खायौ भने विहे गर्नू।
रोशन खड्का
सहरे दोलखा।

४. गजल 
सुन्दर फूल फूली रहोस् तिम्रो दिल्को बगानमा।
थोरै ल्याई चढाई दिनू मेरो चिता चिहानमा।

डिग्री रह्यो सिरानीमै काम कतै भेटिएन। 
विदेश् जाउँ भने सित्तै लादैन रे! विमानमा।

याद् आउँदा मेरी प्रिया हेर्दी हुन कहिले काहीँ।
एक तस्वीर छोडेको छु उनी सुत्ने सिरानमा।

बाह्र बर्षे आन्दोलनमा लड्दा लड्दै 'बाबा' विते।
आमा ढलीन् मझेरीमा लास आयो दलानमा।

व्यर्थै भयो फूल अक्षता चढाउनू  देवतालाई।
ईस्वर हुँदा रहेनछन् मन्दिरको चट्टानमा।
रोशन खड्का।
सहरे दोलखा।

५. गजल 
हात्को गुलाब् हातमै रह्यो तिमी आईनौ।
आशुँ झर्यो पातमै रह्यो  तिमी आइनौ।

युगौँ देखी चोखो मायाँ साँचे पनी मैंले।
अछुत् मेरो जातमै रह्यो तिमी आईनौ।

प्रणयको शुभ्- संन्ध्या भेट्न आउँछु भन्थ्यौ।
आखिर् वात वातमै रह्यो तिमी आईनौ।

तिमीलाई भनी  मैंले उपहार् साँचेको थे।
साथ्मा थियो साथमै रह्यो तिमी आईनौ।

हुलै हुलको विच्मा पनी एक्लै भएँ म, 
दिन'नी मेरो रातमै रह्यो तिमी आईनौ।
रोशन खड्का।
सहरे दोलखा

६. गजल 
संघार' नाघी घर भित्र पस भन्न सकिन।
उनिलाई आज मैले बस भन्न सकिन।

धेरै पछी अनायासै आगनीमैं भेटेथेँ।
आसुँ बनिन् नयनमा खस भन्न सकिन।

गला भरी पोते थिए सिउँदोमा सिन्दूर थ्यो।
तेसैले बाहु पासमा कस भन्न सकिन।

होलीकाको प्रसाद् भन्थी, हात्मा रातो रङ्ग थ्यो।
आउ प्रिय लाउ मधू:रस भन्न सकिन।

धेरै कुरा साचेको थेँ उनिलाई भन्छु  भनी।
अचानक् मुटू काँप्यो क्रमश: भन्न सकिन।
रोशन  खड्का
सहरे दोलखा

७. गजल 
नौलो कथा बोकेको छ मेरो खास जिन्दगीले।
र त! लिन सकेन याहाँ अबकास  जिन्दगीले।

यौटा साथी भेटेको थेँ  उकालीमा उतै रह्यो।
उनिलाई  त दिई रह्यो मधुमास जिन्दगीले।

बेग्ला बेग्लै बनेको छ उन्को मेरो  जीवन् शैली।
महलमा र झुपडीको दियो वास जिन्दगीले।

बाँच्नै पर्दो रैछ आखिर जति मुटू दुखे पनी।
भट्टी भित्र दिन चर्या रोज्यो तास जिन्दगीले।

जब मलाई सड़क पनी घर जस्तै लाग्न थाल्यो।
फर्की हेर्न चाहेन याहाँ ईतिहास जिन्दगीले।
रोशन दोलखा
सहरे दोलखा।

८. गजल 
'ऊ'जितेर गई म हारेर आएँ, 
पथ्थरमा मुटु बझारेर आएँ ।

कमजोर प्यून कहाँ छु र म? 
बोतललाई खाली पारेर आएँ।

भक्कानो परि नरुनू आमा, 
बा-को हिसाब उतारेर आएँ।

वैरीले सिमा मिचेको ठाउमा, 
राष्ट्रिय झण्डा सारेर आएँ।

हत्यारो 'रोशन' भनेनी भनून्।
यौटा देश द्रोही मारेर आएँ। 
रोशन खड्का 
सहरे दोलखा।

९. गजल 
मान्छे मान्छेका कहानी बेग्लै हुदो रहेछ।
जीवन् सैली आनी-बानी वेग्लै हुदो रहेछ।

हिजो हाम्ले केही रात सँग्-सँगै काटेपनी।
धन् दौलतको  सिरानी  बेग्लै हुदो रहेछ।

धेरै मायाँ गर्दा रैछन् छोडी जाने मान्छेहरु।
तेसैले त जिन्दगानी बेग्लै हुदो हदो रहेछ।

प्रायः मेरो हातमा बोतल् हुन्छ। तास हुन्छ।
जी'रहनूको मर्दानी  बेग्लै हुँदो रहेछ।

समयको गती संगै यात्रा गर्न नजान्दा।
गन्तव्यको निशानी वेग्लै हुँदो रहेछ ।
रोशन खड्का 
सहरे दोलखा।

१०.गजल 
जिन्दगी गुजार्न तेती सजिलो हुदैन।
विग्रेसी सुधार्न तेती सजिलो हुदैन।

यदि तिम्ले चोखो माया गरेकी छ्यौ भने।
अरुले विगार्न तेती सजिलो हुदैन।

मैले सारा जिवन् जगत् अर्पी सकेको छु।
तिमीले नकार्न तेती सजिलो हुदैन।

दुर्गन्धले भरिएको हाम्रो राजनिती।
सजिलै बढार्न तेती सजिलो हुदैन।

युवालाई वालुटार् पठाउँ भने पनी ।
यि नेता पछार्न तेती सजिलो हुदैन।

विना सित्ती शहरमा किन ढोल् पिटीन्छ?
*रोशन*लाई मार्न तेती सजिलो हुदैन।
रोशन खड्का 
सहरे दोलखा।

Note: Content Copyright reserved with writer 

Gazals , अतिथि गजलहरु

रामेछापका गजलकार दिनेश खत्री एकल यात्रीका ५ गजलहरु (5 Ghazals by Dinesh Khatri Ekalyatri from Ramechhap)-30-03-2023

 

१. गजल 

शुभ बिहानी संगै मेरो दिनचर्या त चलिरहेको छ
बिहान बेलुका जसोतसो चुलो  त बलिरहेको छ

बाँच्नकै निम्ति भने पनि यति संङघर्ष गर्नु परेको
संङ्घर्ष रह्यो जिन्दगी त्यसै भाग्यले छलिरहेको छ

दुख त कति हुन कति दुनियाँ रैति बनी हेरिरहेछ
बाहिर जस्तो देखेपनि भित्र मेरो मन जलिरहेकोछ

देख्छ उसले म ठाडो उभिएको मात्र सोच्दैन कि
भित्र भित्र खाक्रो बनाई यहाँ जिउँदै ढलिरहेको छ

लाग्छ जिन्दगी मलाई बिहान बेलुका मात्र हजुर
दिनको घाम अनि रातमा जुन पनि गलिरहेको छ
दिनेश खत्री एकल यात्री
मन्थली नं।पा १३ रामेछाप 
हाल, अफ्रिकी कंगो

२. गजल 
शुभ बिहानी संगै मेरो दिनचर्या त चलिरहेको छ
बिहान बेलुका जसोतसो चुलो  त बलिरहेको छ

बाँच्नकै निम्ति भने पनि यति संङघर्ष गर्नु परेको
संङ्घर्ष रह्यो जिन्दगी त्यसै भाग्यले छलिरहेको छ

दुख त कति हुन कति दुनियाँ रैति बनी हेरिरहेछ
बाहिर जस्तो देखेपनि भित्र मेरो मन जलिरहेकोछ

देख्छ उसले म ठाडो उभिएको मात्र सोच्दैन कि
भित्र भित्र खाक्रो बनाई यहाँ जिउँदै ढलिरहेको छ

लाग्छ जिन्दगी मलाई बिहान बेलुका मात्र हजुर
दिनको घाम अनि रातमा जुन पनि गलिरहेको छ
दिनेश खत्री एकल यात्री
मन्थली नं।पा १३ रामेछाप 
हाल, अफ्रिकी कंगो

३. गजल 
दिन ढल्यो आज उसै रात पनि ढल्दै छ
मन गल्यो आज उसै पन  पनि गल्दै छ

जलोस जिन्दगीमा के( के जल्ने हो मेरो
खुन जल्यो आज उसै मुटु पनि जल्दै छ

काटे रगत रातो हुन्छ किन भयो  बिभेद
श्रम चल्यो  उसको बल्ल पानी चल्दै छ

आवज मेरो बन्द भयो  सुन्ने  कोहीँ भए
उसले सुन्यो बल्ल अब  कसले सुन्दै छ

राख्नु छ भने ईमान सधै भरि  यसै गरी 
बगैंचामा फुलायो फुलहरु फेरि फुल्दै छ

निषेध गर्यो  उसले, बनायो बन्धक हजुर
सबको खुल्यो ईतिहास बिस्तारै खुल्दै छ
दिनेश खत्री एकल यात्री
मन्थली नं।पा १३ रामेछाप 
हाल, अफ्रिकी कंगो

४. गजल 
जीवन भर्नु छ यहि हातले सुन्दर फुल झै
बगाएर पसिना देशमै बनाउनु छ मुल झै

नभएको हैन भएर पनि भिक मागिरहेछ
कैले बिकास हुन्छ जोडेर नदिको पुल झै

राखेर बाँझो खेत र बारी बन्द गरेर ढोका
लस्कर लागेर हिडेको छ बांदरको हुल झै

बनाउनु छ भन्छौ सम्बृद्वी यहाँ खै कसरि
हिड्छौ परदेश किन सम्झि आफ्नै कुल झै

बेचेर के पायो पसिना,जीवन उतै सकायो
अनि कहानी बनेर बस्यो मनमा चुलवुल झै
दिनेश खत्री एकल यात्री
मन्थली नं।पा १३ रामेछाप 
हाल, अफ्रिकी कंगो

५. गजल 
हेर्दा कोही कोही मानिस हैन दानव लाग्छ
यो वलिदानमा उसको भन्नू पर्दा के त्याग्छ

चिहानबाट पनि सलवलाएर यहाँ सबै सबै 
मरेका भुत प्रेत आत्माहरू फेरि किन जाग्छ

य मनुवा मानवलाई किन भ्रम छर्दैछौ यहाँ 
तिम्रा बक्रे बखानको पछि त कसले समात्छ

लाग्दो हो तिम्रो चाकडीको मालिक भगवान
तर परिवर्तन लाई गिजालेर के खिचडी पाक्छ
 
परिवर्तन गर्ने हो आंफै बाजा बजाएर आउदैन
त्यहीँ गर्व गर मनुवा ब्याज खाएर स्याज ताक्छ

कुर्लिनलाई कुर्ल कुर्लिनलाई पनि त छुट नै छ
यस्तै कुमतिमा यहाँ सारा जन्ता त्यसै भाड्छ
दिनेश खत्री एकल यात्री
मन्थली नं।पा १३ रामेछाप 
हाल, अफ्रिकी कंगो

Note: Content Copyright Reserved with Writer 

Gazals , अतिथि गजलहरु