गजल- यादहरु पनि पालै पालो आउन थाले (लक्ष्मी श्रेष्ठ) -2082-01-25

 यादहरु पनि पालै पालो आउन थाले
आज फेरी बिगतले सताउन थाले
..
आफ्नाहरु नभएकोमा पछुतो छैन 
यी सबै आफ्ना हुन्छन् कमाउन थाले
..
फूलले बिझाउन थालेपछी मुटु भित्र
काँडा टेक्दा पैताला मुस्कुराउन थाले 
..
हो रहेछ बा जिन्दगी कठिननै रहेछ
मन परेकै जुक्ताले खुट्टा दुखाउन थाले
लक्ष्मी श्रेष्ठ
मंन्थली ८, चिसापानी, रामेछाप 
गजलको कार्यक्रम बुलबुलको अंक ८१ मा बाचन भएको