Showing posts with label Nepali Ghazal. Show all posts
Showing posts with label Nepali Ghazal. Show all posts

गजलकार एच.एल. गौतमको तिज विशेष गजल - 09-08-2023

Ram | 11:07:00 AM | 0 comments















केछ विचार? भन प्यारी, यो सालको  तिजमा..!!
गर्दै छौ त....के  तयारी? यो सालको  तिजमा...!!

वर्त पुजा राखी हौली...,वाधा  अड़्चन हर्न...!
देवी देउता खुशी पारी,  यो सालको तिजमा...!!

मेरी  सानु  कती राम्री, देखीन्छ्यौ  खै कुन्नी ...!
सिन्दुर पोते, लाई सारी.. यो सालको तिजमा...!!

भित्री  मनमा  गुम्सिएका,  पिड़ा  पन्छाएर...!
दु:ख  पिरलाई लाउनु आरी,यो सालको तिजमा ...!! 

जे माग्ने छौ  त्यही दीन,  सम्भव  भयो भने...!
ल्याई दीनेछु  तारा  झारी, यो सालको तिजमा...!!

रमाउने छौ मिली-जुली, आउने महान चाड़मा...!
एक जुट् भई नर र.. नारी यो सालको  तिजमा...!!

[[2"केछ विचार? भन प्यारी, यो सालको तिजमा..!!
गर्दै छौ त....के  तयारी? यो सालको  तिजमा...2"]]
सर्जक- एच.एल. गौतम
(अर्घाखाची) खनदह3!
      हाल- भारत।।

गजलकार शारदा खड्का का ३ गजलहरू (3 Ghazals by Sharada Khadka) - 11-04-2017

NepaliTalim | 5:36:00 PM | 0 comments
१. गजल
क्षितिज बाट उज्यालो छिप्नै लाग्दा भेटियौ,
मेरो विश्वासको दियो निभ्नै लाग्दा भेटियौ।

लिलामिमा राखेकोथ्यो समयले खुसी,
कोहि आएर पहिलै किन्नै लाग्दा भेटियौ। 

न त अघि बढ्न सक्छु न पछि फर्कनै,
बाध्यताको पैह्रोले थिच्नै लाग्दा भेटियौ।

हार खाएकि मान्छे म केही आशा छैन,
एक मुठी सास यो रित्तिनै लाग्दा भेटियौ।

उकाली ओरालि सँग सँगै गर्नु हुन्थ्यो,
यात्रा जिन्दगीको सक्किनै लाग्दा भेटियौ।

शारदा खड्का 
रामेछाप 

२.गजल
समय घर्के पछि आउनुको के अर्थ,
तिमिलाई आफ्नो बनाउनुको के अर्थ।

दिलको भित्ताभरि अनगिन्ति चित्र छन्,
भरिएको ठाउँमा अटाउनुको के अर्थ।

केही छैन बचाएकि मैले तिम्रो लागि,
रित्तो रित्तो जिन्दगीमा धाउनुको के अर्थ।

सुख दुख सँगै बाँड्ने रहर मेरो पनि,
अधुरा रहरहरु सजाउनुको के अर्थ।

तन,मन,जीवन जम्मै बन्दकिमा छन,
बेनामि साइनो लगाउनुको के अर्थ।

शारदा खड्का 
रामेछाप 

३.गजल
समयले यहि पल फेरि बनाउला,
कसैलाई अघि कसैलाई पछि बनाउला।

रोबर्ट बनायो विज्ञानले सजिलै,
मेरो जस्तै दिल त्यसमा कसरी बनाउला।

यो घाम पनि कति साह्रो बेईमानि,
उसै त काली म भरे कस्ति बनाउला।

बा भन्नुहुन्छ कसैको विश्वास नगर्नु,
स्वार्थि छ दुनियाँ अपराधी बनाउला।

प्रियको खुसिमै आफ्नो खुसि देखेकिछु,
सके घर नसके जिन्दगी बनाउला।

शारदा खड्का 
रामेछाप 




हुन्छ मान्छे पागल जस्तै, प्रेम रोग लागेपछी-प्रेम दिवश विशेष गजल - राम शरण श्रेष्ठ

NepaliTalim | 11:32:00 AM | 0 comments












प्रेम दिवश विशेष 
राम शरण श्रेष्ठ 
हुन्छ मान्छे पागल जस्तै, प्रेम रोग लागेपछी ।।
जाग्राम बन्छन् रातपनि, यस्ले सिमा नागेपछी ।।
-------------
लाग्छ उ नै सर्बस्व हो, सुरु अन्त्य उसैबाट
नचाहेर के हुन्छ र, आत्माले नै मागेपछी ।।
-------------
छट्पटी नि तिब्र हुन्छ, पलभर छुटिदिंदा
मनहरु देह छोडी, अन्तकतै भागेपछी ।।
------------------
एउटा यस्तो कसम बन्छ, संगै जिउने संगै मर्ने
कसै प्रति सच्चा प्रेम, यतिधेरै जागेपछी ।

राम शरण श्रेष्ठ
चिसापानी , रामेछाप
बुलबुल २९३ ( 15-04-2015) मा बाचन भएको गजल

राम शरण श्रेष्ठका दशैं विशेष ३ गजलहरू - राम शरण श्रेष्ठ (3 Ghazals by Ram Sharan Shrestha for Dashain Festival Special)

NepaliTalim | 5:58:00 PM | 0 comments

१. गजल
के दशैं ! के तिहार !, गरिवको घरमा ।।
दुःख हुन्छ अपरम्पार, गरिवको घरमा ।। 

छोरा छोरी परिवार, पाहुना पुजापाठ
कसरि थेग्नु ब्यवहार, गरिबको घरमा ।।

घाँटी हेरी हाड निल्न, खोज्दा खोज्दै पनि
पर्छ धेरै ब्यय भार..., गरिवको घरमा ।।

हाँसि खुसि रमाएर.., पुग्दैन मनाउन
परिवार हुँदा नि चार, गरिवको घरमा ।।

मुल्य बृद्धि दिनदिनै, हुँदै गाछ नेपालमा
कमाईको छैन आधार, गरिवको घरमा ।।

नआएकै बेश बरु, दशै तिहार चाडहरु
अनिकालले पर्दा मार, गरिवको घरमा ।।

राहत लिँदै जनतामा, दशै र तिहारको
कहाँ पुग्छ र सरकार, गरिवको घरमा ।।
राम शरण श्रेष्ठ
चिसापानी, रामेछाप ।

२. गजल
शुख शान्ति बनि आओस, घरघरमा बडा दशैं ।। 
मनाउन सबले पाओस, घरघरमा बडा दशैं ।।

टाढा भाका परिवारलाई, फर्काएर यो चाडले
आत्मिय शदभाव ल्याओस, घरघरमा बडा दशैं ।।

माता दुर्गा भवानिले, रक्षा गरुन सबैलाई
दुख सबै हरि जाओस, घरघरमा बडा दशैं ।।

रातो टिका जमरा र, मान्यजनबाट आशिष
हामी सबलाई दिलाओस घरघरमा बडा दशैं ।।

शुभकामना धेरै–धेरै, सबै–सबै नेपालीलाई
खुशीयाली उत्सब छाओस घरघरमा बडा दशैं ।।
25-Sep-2011
राम शरण श्रेष्ठ
चिसापानी ६, रामेछाप

३. गजल
कसैको दशै धुमधाम हुन्छ ।।
कसैको दशैं शुनसान हुन्छ ।।

हुनेहरु कै हो भगवान पनि
नत नहुनेको भगवान हुन्छ ।।

छाक टार्न काम गर्नै पर्छ
नत राम्रो खानपान हुन्छ ।।

नगरे पुजा रिसाउला देउता
नत पुजाकै सामान हुन्छ ।।

आफन्छ कोहि विदेशमा होलान्
नेपालमा रुदै जाहान हुन्छ ।।
12-Oct-2014
राम शरण श्रेष्ठ
चिसापानी ६, रामेछाप

यसपालित घरै गईन आमा कति रुन्छिन् होली -Dashain Sad Song 2075/2018 ।। मार्मिक दशैं गीत Ama Kati Runchhin Holi ।। Laxmi & Sangeet Shrestha

NepaliTalim | 11:28:00 PM | 0 comments
Dashain Sad Song 2075/2018 ।।
मार्मिक दशैं गीत Ama Kati Runchhin Holi ।। Laxmi & Sangeet Shrestha

#HappyDashain #DashainSadSong #NewDashainSong #Dashain2075Song #NewDashainGhazal #SongbyLaxmiShrestha

सबैलाई रुवाउने मार्मिक दशैं गीत
रचना : लक्ष्मी श्रेष्ठ
गायन : लक्ष्मी श्रेष्ठ र सँगीता श्रेष्ठ


यसै गजल लाई गीतको रुपमा गाईएको पस्कँदै हामीलाई मायाँ गरिदिनुहुने सम्पूर्ण साथीहरुलाई हृदयदेखीनै बडा दशैं २०७५ को मंगलमय शुभकामना ब्यक्त गर्द चाहान्छु । तपाईको जिन्दगी फलोस फुलोस माता दुर्गा भवानिले तपाईको जीवनमा सबै कष्ट हरुन र सधै खुसियाली र शुखमय वनाईदियोस यहि शुभकामना भन्न चाहान्छु ।
आमा कति रुन्छिन् होली भन्दै दुई दिदि बहिनिले सुनाए मनै रुवाउने दशैं बिरह  [Dashain Tragedy Ghazal Song]
यस दशैं बिरह गजलका रचनाकार लक्ष्मी श्रेष्ठ हुनुहुन्छ भने गयनमा स्वयं लेखिका स्वयं र वहिनी संगीता श्रेष्ठको रहेको छ ।
Happy Dashain but Sad Sentimental Tragedy Song by Laxmi Shrestha and Sangeeta Shresth
LIKE | COMMENT | SHARE | SUBSCRIBE
2pV6AgnCc

गजल-आधा आधा जोडेरै पुरा हुन्छन् - अजित क्षेत्री (06-04-2018)

NepaliTalim | 2:42:00 PM | 0 comments
आधा आधा जोडेरै पुरा हुन्छन्
आधारातमै बिउँझे सपना अधुरा हुन्छन् ।

एक सारङ्गी बन्नुपर्छ अर्को मिठो धुन
नत्र त जिन्दगीका लय बेसुरा हुन्छन् 

मन उज्यालो बनाउ र हेर संसारलाई
मन शितलो भए घाम पनि मधुरा हुन्छन्

बाँच्नै पर्छ जीवन आँसु पिएरै पनि
नत्र कठै ती बालबच्चा टुहुरा हुन्छन् ।

गजल-अरे दौलत चाँहिदैन मलाइ धन चाहिदैन (प्रकाश मगर बियोगी)

NepaliTalim | 12:35:00 PM | 0 comments
अरे दौलत चाँहिदैन मलाइ धन चाहिदैन
पग्लिएर जिउँछु  पत्थर जीवन चाहिदैन

तिम्रो प्यास बुझाउँछु मदिराको आडमा
बिन्ती प्याला भरी दिनु सितन चाहिदैन

सागरमा थन्काउनु!छ उतै आवस्यकता
एक मुठी दिए पुग्छ अरु पवन चाहिदैन

टुटाउन जाबो पर्खाल किन आनाकानी
मेरो हात हथौड़ा छ लोहा घन चाहिदैन

हुनेगर्छ सुख-दुख मान्छे भइ जन्मे पछि
बियोगमा हौंला तर बियोगीपन चाहिदैन
_______________
प्रकाश मगर बियोगी
सौडियार १ दाङ
हाल भारत

गजलकार एच.एल. गौतमका २ दुई गजलहरु (2 Ghazals by H.L. Gautam)- 22-01-2018

NepaliTalim | 4:19:00 PM | 0 comments
१. गजल 
नेपाली देशभक्त युवा समाज, आजै अघी सर्न चाहन्छौं..!!
सयौं फुलको एक माला भई, समाज सेवा गर्न चाहान्छौ..!!

सफल बनाउ सबै मिली, यो महान अभियानलाई....,
अन्याय संग लड़्दै भिड़्दै, सबैको दु:ख हर्न चाहन्छौ...!!

आउनुस जुट्औ ऑमा-वुवा दाजु-भाई दीदि-वहीनी...,
 थोपा-थोपा मिसीएर, नदी वनी झर्न चाहन्छौ..!!

आफु सक्दो सहयोग गरी, आपत विपत पर्दा कोहीलाई..,
असाहय र दुखीयाको, घाउ-चोट् भर्न चाहन्छौ...!!

अब देखी छोड़्औ गर्न, तेरो मेरो उस्को त्यस्को...,
असान्तिको जरै गोड़ी, शान्तीको वीउ छर्न चाहन्छौ..!!

 नेपाली देशभक्त युवा समाज, आजै अघी सर्न चाहन्छौ.!!
  सयौं फुलको एक माला भई, समाज सेवा गर्न चाहन्छौ..2"]]

 सर्जक- एच.एल. गौतम
   (अर्घाखाँची) मा.गा.३
  खनदह, हाल-भारत||

२.गजल
दु:ख  पिड़ा सबै बिर्से, तिमी आए पछी...!!
मूटु भित्र धड़्कंन वनी, दीलमा छाए पछी...!!

    स्वार्थ  पुरा  गर्ने मात्रै, भेटे  जिन्दगीमा...!
माया के हो आभाष भयो,तिम्लाई पाए पछी...!!

मनका कुरा खुली गर्ने, तिमी नै छ्यौ एउटा...!
सबै बाट् चोट र पिड़ा.., धोका खाए पछी...!!

  भाग्य रेखा, तक्दीरको, हराएको चिनो...!
त्यही मूटुमा भेटे आज.., संसार धाए पछी..!!

[[2"दु:ख  पिड़ा सबै बिर्से, तिमी आए पछी...!!
  मूटु भित्र धड़्कंन वनी, दीलमा छाए पछी...2"]]

   सर्जक- एच.एल. गौतम
  (अर्घाखाँची) मा.गा. ३"
  खनदह, हाल- भारत।।

Thank you, 

Ghazal copyright reserved with Writer 

गजलकार सन्तोष गिरी का २ दुई गजलहरु (2 Ghazals by Santosh Giri) -18-01-2018

NepaliTalim | 12:17:00 PM | 0 comments
Santosh Giri
सन्तोष गिरी
१. गजल 
मलाई मात्र थाहा छ म पागल भा छु भन्ने
मलाई मात्र थाहा छ मैले चोट खा छु भन्ने।। 

शरीर धर्तीमा देख्दा सबैले धर्ती मै छ ठान्छ
मलाई मात्र थाहा छ धर्ती छोडि गा छु भन्ने

संसार नै अन्धो लाग्छ मेरो वस्त्र रंगिन भन्दा
मलाई मात्र थाहा छ मैले कात्रो ला छु भन्ने

दुनियाँले फुर्काइ भन्छन् पुग्नु भा छ ठाउँमा
मलाई मात्रा थाहा छ म कहाँ आ छु भन्ने

खुल्ला आकाशमा दिन अनी रात गुजार्छु तर
मलाई मात्र थाहा छ छानो केले छा छु भन्ने

मलाई मात्र थाहा छ म पागल भा छु भन्ने
मलाई मात्र थाहा छ मैले चोट खा छु भन्ने।।
नाम- सन्तोष गिरी
ठेगान - कपिलवस्तु,१८ लुम्बिनी 
आमा- बिष्णु गिरी

२. गजल
चस्केला छाती, खाडीमा मदन, ढलेको समय
एक् थोपा आँसु, नझार्नु देह जलेको समय

भौतिक शरीर , भएनी टाढा, म संगै आत्मा छ
भनेर जान्नु, मध्यनी रातमा, छलेको समय

बिछोडले मुटु, दुखेमा अति , सम्झेर भुलिदेउ
यौवन छँदा , काखमा बसी, चलेको समय

धराको हामी, अतिथि रैछौं, दुईदिनको निमित्त
फर्केर उतै, जानु नै पर्छ , गलेको समय

गए म टाढा, आउँदछ भनी, भर पर्नु अबश्य
चुलाको आगो, भर्भर गरी, बलेको समय।।  
नाम- सन्तोष गिरी
ठेगान - कपिलवस्तु,१८ लुम्बिनी 
आमा- बिष्णु गिरी

Note :
Copyright of Above Ghazal Reserved with Writer 

गजलकार सुरेश पाण्डेयका २ गजलहरू (2 Ghazals by Suresh Pandey) - 01-12-2017

NepaliTalim | 1:17:00 PM | 0 comments

१. गजल
उपहारमा लैजाऊ मुटु साँची राख्नु!!
जिन्दगीमा आफु मात्र बाँची राख्नु!!

बारम्बारको चोटले घाईते भयको छु!
तिमी यो संसारमा सधै नाची राख्नु!!

प्रहार गर्छ्यौ कति यो छातीमा सधैं!!
अभाव होला मेरो पनि जाँची राख्नु!

जिन्दगीमा खेल खेल्यौ दुख लाग्यो!!
त्यो तिम्रो महङ्गो माया फाची राख्नु!!

बाँच्ने रहर कत्ति छैन मर्छु हुँला अब!!
यो लासमा एउटा तुलसी भाँची राख्नु!
सुरेश पाण्डेय 
सुर्खेत विरेन्द्रनगर

२. गजल
सफा र सुन्दर राख्नु पर्छ मन बाले भन्नुहुन्छ!!
संसारमा अरु भन्दा बेग्लै बन बाले भन्नुहुन्छ!!

आफ्नो जिम्मेवारी उठाउनु  पर्छ छोरा भयर!!
सधैं कहाँ रहन्छ यो बालापन बाले भन्नुहुन्छ!!

छोरो यस्तो पनि देखियो वृद्धाआश्रम पठाउने,
यस्ता कति छोरा जन्मेका छन बाले भन्नुहुन्छ!

बुढेसकालमा आमा बाको सेवा सत्कार गरी!!
बस्छस् की  नै मेरो साथ भन बाले भन्नुहुन्छ!!

मैले गर्नु पर्ने कर्तव्य सबै पुरा गरिदिँदा पनि!!
बिस्वास छैन यस्तै सोच्छु झन बाले भन्नुहुन्छ!
सुरेश पाण्डेय 
सुर्खेत विरेन्द्रनगर


Note : Copyright of above ghazals are reserved with Writer 

एच.एल.गौतमको गजल -सादा जीवन फिल्मी भए म,नी तिम्रै हुन्थे होला

NepaliTalim | 10:17:00 AM | 0 comments
सादा जीवन फिल्मी भए म,नी तिम्रै हुन्थे होला !!
हाम्रो जोडी छुटाउने लाई नमज्जाले धुन्थे होला !!

सानो संसार सजाउनलाई तिम्रो  अनी भनी मेरो "
साचों भन्छु तिम्रै लागी  सारा खु:शी चुन्थे होला !!

वशन्तको स्पर्श साथै ह्रदय भीत्र छरीएर "
अजम्बरी पिरतिको डोरी वाटी् वुन्थे होला !!

आकाशमा उड्थे होला,पातालमा डुल्थे होला"
सोंचे जती पुग्ने भय भर्खर सगरमाथा छुन्थे होला !!

[[२ सादा जीवन भील्मी भय म,नी.तिम्रै हुन्थे होला-"
हाम्रो जोडी छुटाउने लाई नमज्जाले धुन्थे होला २]]

   सर्जक- एच.एल.गौतम
    (अर्घाखाची) मा.गा.
खनदह3! हाल- भारत।।
Sent from my Samsung device.

गजलकार सुनामी कोसिसका ५ गजलहरू (5 Ghazals by Sunami Kosis) -24-04-2017

NepaliTalim | 5:59:00 PM | 0 comments
१.गजल        
सपना देखेथे सपनै बनेर गयो 
रहरहरुले तँ मेरो हैन भनेर गयो

वाधाको पर्खाल सघर्षले भत्काउदा 
बारम्बार तगारोको पैह्रो म नेर गयो

सुरक्षित मौज्दातमा राख्न खोज्दा मन 
अतितका यादहरुले खनेर गयो

गुहार माग्दा मृत्युसंग बिना निर्णय 
पालो मिच्न हुन्न भन्दै गनेर गयो 
 सुनामी कोसिस 
 बिर्तामोड -3 झापा

२.गजल        
यो कदापी पनि अमर हुनै सक्दैन
भगवान हो मन पत्थर हुनै सक्दैन

जसरी सोच्यो त्यसरी कहाँ रंग फेर्छ
अरे यार गाउँ हो यो शहर हुनै सक्दैन

जमिनमा छ मान्छे जमिनकै छ औकात 
आसमानमा उस्को सफर हुनै सक्दैन

डाक्टरले मृत घोषणा गरेर भन्यो 
जुगौ पैले मर्या हो उ भर्खर हुनै सक्दैन 
 सुनामी कोसिस 
 बिर्तामोड -3 झापा

३.गजल        
सानोलाई ठूलोबाट खतरा छ अचेल 
बाबूलाई छोराबाटै हमला छ अचेल

सिहंदरबार निदाको छ संसद भवन उस्तै 
जनताको यहि विचार जहाँ छ अचेल

दुश्मन खोज्नु छ भने कमाउनु होस थोरै 
अरे मेहनतमा पनि यो कुण्ठा छ अचेल

हे भगवान यो कस्तो जमाना आउदैछ 
रासनको लाइनमा नि कोटा छ अचेल

एउटा हुदा त जनतालाई यो विधि सास्ती छ 
झन गाउँ गाउँमा सिहंदरबार चर्चा छ अचेल 
 सुनामी कोसिस 
 बिर्तामोड -3 झापा

४.गजल        
वेदलाई तुलना गरिन्छ बिज्ञानसंग
मन्दिरका पत्थर दाँजिन्छ भगवानसंग

उ महान हो ममता कि खानी यसै भनिन्छ 
तर बेचिन्छे नारी बजारका समानसंग

समावेशी देशमा भूगोल भाग गरिदैछ 
कसैलाई वास्ता छैन आफ्नो पहिचानसंग

जस्को पतन निश्चित छ थोरै समय पछि 
मात्र उहीँ शशंकित छ मतदानसंग

निरन्तर सत्तामा छन जनताकै मान्छे 
समृद्धि खुबै रछ आदरणीय महानसंग 
 सुनामी कोसिस 
 बिर्तामोड -3 झापा

५.गजल        
अखण्ड यो देश अब कस्तो हुन्छ होला 
इतिहास पुर्खाको नि सस्तो हुन्छ होला

जनतालाइ एकजुट हुन नदिएर 
आयातित राजनीति पस्तो हुन्छ होला

सोचेन कसैले यो सिङ्गो देश हो भन्ने
सार्बभौम देशको सान खस्तो हुन्छ होला

न त झुक्यो न त चुक्यो वीरहरुको शिर 
जंङे किल्ला अब चुरे पस्तो हुन्छ होला

स्वाभिमान गिरे पछि देश भक्त मान्छे 
वैराग्येर अमरसिङ जस्तो हुन्छ होला 
 सुनामी कोसिस 
 बिर्तामोड -3 झापा

Note :
Copyright Reserved with Writer 

गजल-जस्लाई मईले सम्जीएथें सबैभन्दा माथी (हरी गौतम)_24-04-2017

NepaliTalim | 9:53:00 AM | 0 comments

जस्लाई मईले सम्जीएथें सबैभन्दा माथी.!!
आज उ नै भईदीयो तितो वीगत साथी.!!

फकाएर-झुक्काएर यसो गर्छु भन्दै..,
आफु बनी बिगार्नलाई, गर्छन ना-ना भाती.!!

आफु भन्दा बढी विश्वास,गर्छौ हामी जस्लाई,
उसैले नै धोका दीदा पोल्दो रहेछ छाती.!!

दोष कस्को कसुर कस्को आफन्त नै वैरी,
आज उन्कै कारणले, भयो औशीं राती.!!

भयो अब कसै संग,कुनै संबन्ध छैन,
यस्तो नाता हुनु भन्दा नभएकै जाती.!!

[[२"जस्लाई मैले सम्जीएथें सबै भन्दा माथी.!!
आज उ नै भई दियो, तितो विगत साथी.२"]]

हरी गौतम (अर्घाखाँची)
-खनदह३|| हाल-भारत

गजलकार सुदिप डल्लाकोटीका ५ गजलहरू (5 Ghazals by Sudip Dallakoti)-09-01-2017

NepaliTalim | 1:14:00 PM | 0 comments
१.गजल
अरे यार समयले मलाई नाना थरी बनायो!!
कहिले रुने कहिले हास्ने घरी घरी बनायो!!

म यसरी चाडै नै बदलिने मान्छे हुँदै होईन!! 
एउटा प्रेम रोगले मलाई मन परि बनायो!!!

लाग्छ मेरा आँखामा अतितहरु मडारिदै छ!
बिना मौसम आँखा बाट झर्ने झरी बनायो!!

सबै कुरा भुल्न सक्छु,सकिन तिम्रा यादहरु!
भुल्नै पर्ने अतितहरु यार अजम्बरी बनायो!!

प्रेम ठानेर मैले सबै कुरा सुम्पिदै गए पछि!!
अरे यार मलाई घर न घाटको यसरी बनायो
सुदिप डल्लाकोटी
भन्डारा,चितवन

२.गजल
चल्न त समय आफ्नै रफ्तारमा चलेको छ!!
कोहि बिस्वासमा कोहि प्यारमा चलेको छ!!

जुन दिन देखि मैले जिन्दगी जिउन नै बिर्से!!
तेहि दिन बाट जीवन अन्धकारमा चलेको छ!

आत्मा हत्या गर्न धेरै चोटि प्रयास गरेकै हो!
सकिएन मर्न, जीवन उपहारमा चलेको छ!!

भाबिले बिर्से छैटौ दिन जिन्दगी लेख्नलाई!!
भाग्य बिहिन यो खाली निधारमा चलेको छ!
सुदिप डल्लाकोटि
भन्डारा,चितवन

३.गजल
प्रेम गर्ने मैले तेस्तो कुनै आधार भेटिन!!
अरे यार आफ्नै सुहाउदो संसार भेटिन!

प्रेम गर्नु भन्दा पासो लगाउन ठिक बरु!
जीवन जिउन पर्ने खास बिचार भेटिन!!

अरे जिन्दगी जिउन तेहि दिन देखि बिर्से!
खोज्दा खोज्दै जिन्दगीको किनार भेटिन!

जस्को लागि मैले आफ्नो बा आमा भुले!
उसैको मनमा थोरै भए पनि प्यार भेटिन!
सुदिप डल्लाकोटी
भन्डारा,चितवन

४.गजल
मन भित्र पीडा भए पनि मुस्काउन पर्ने!!
अरे यार जिन्दगी यसरि नै चलाउन पर्ने!!

यो मनमा के छ, कसैले बुझिदिएन पनि!!
आफू रोएर भएनी अरुलाई हसाउन पर्ने!

बिगत छ म सग, म कसरी भुल्न सक्छु!!
पराईलाई नै आफ्नो भनी सजाउन पर्ने!!

यादहरु खोइ किन हो,अझै पनि आउँछ!
अरे बिगत लिएर सधै सधै निदाउन पर्ने!!
सुदिप डल्लाकोटी
भन्डारा,चितवन

५.गजल
जब सम्म मेरो यो शरीरमा सास रहिरहन्छ!
तब सम्म तिम्रा यादहरु बिन्दास रहिरहन्छ!

मानिसको मन बदलिन समय लाग्दैन पनि!
त्येसैले तिमी आउछौ भन्ने आस रहिरहन्छ!

तिमी छौ र म छु भरोसा यहि एउटा लाग्छ!
अरे यार धर्ती रहुन्जेल आकाश रहिरहन्छ!

म मर्न सक्छु होला तर मेरो मन मर्दैन पनि!
तिमिले दिएको चोटको आभास रहिरहन्छ!
सुदिप डल्लाकोटी
भन्डारा,चितवन

Note : Copyright Owned by Writer 

गजलकार गणेश प्रसाद पौडेल " बहुरुपी "का ६ गजलहरू (6 Ghazals by Ganesh Prasad Paudel Bahurupi) -08-11-2016

NepaliTalim | 1:51:00 PM | 0 comments
१.गजल
गजल् चोरहरु गजलकार बने  ,
तिनैका पत्रिकामा समचार बने ।

जस्ले जिन्दगी पोखे मसी बनाएर ,
दुनियाँसामु तिनै निराधार बने ।

कठोर परिस्थितिमा फूल फुलेर ,
कोही खुकुरी कोही तरवार बने ।

जो सहजै तरिन्थे खोला खोल्साहरु ,
बढेर  महासागर अपार बने ।

थोरै थोरै गरि मिच्दै मन सिमाना ,
 शत्रुहरु  पनि खातिरदार बने ।

हिजो अस्ति नरम नौनी हातहरु ,
अचानक कसरी हतियार बने ।

जब मौलिकता मर्यो गाउँघरमा ,
सारङ्गी अनि मादल गितार  बने ।
गणेश प्रसाद पौडेल " बहुरुपी ",
स्याङ्जा , रापाकोट-७

२.गजल
आएन फर्केर बालापन मेरो ,
दाह्री जुँगा फुल्यो झनझन मेरो ।

सुनेर हाँस्छन् ति केटाकेटीहरु ,
जवानीको मीठो गनथन मेरो ।

प्राण नै त्यागेर लालायित हुन्छ ,
प्रेम सागरमा तनमन मेरो ।

मलाई नाङ्गो देख्थ्यो दुनियाँ अन्धो ,
उन्को मीठो सुवास् पहिरन मेरो ।

ध्यामग्न हन्थेँ उन्को मन् आँगनमा ,
उन्को शरीर् थियो तपोबन मेरो ।
गणेश प्रसाद पौडेल " बहुरुपी ",
स्याङ्जा , रापाकोट-७

३.गजल
सपनाको महल नयनभरि ,
देखियो हरपल नयनभरि ।

गाजलले छेक्यो दृश्यावलोकन ,
को थियो र असल नयनभरि ।

घुमिरहन्छिन् दिनरात यसरी ,
मायालु ति चंचल नयनभरि ।

मौसम झैं परिवर्तित सपना ,
नभएर  अटल नयनभरि ।

हिलो छिचोल्दै सुन्दरता पोखेर ,
फुले फूल कमल नयनभरि ।

उसले राखेर गयो मृत्युु पश्चात्
मीठा मीठा गजल नयनभरि ।
गणेश प्रसाद पौडेल " बहुरुपी "
स्याङ्जा रापाकोट-७

४.गजल
प्रकृतिले गर्यो बबालको संगत ,
माछापुच्छ्रे र फेवातालको संगत ।

बाघसँग तिम्रो जम्काभेट् हुनुपर्छ ,
अनि बल्ल बिर्सन्छौ स्यालको संगत ।

मृत्यु देखेर डराउने मनुष्यले ,
कहाँ गर्न सक्छ र कालको संगत ।

जिन्दगीको कथा बुझेन त्यो धनीले ,
गरेर सधैं धनमालको संगत ।

खाली र शुन्यतामा पनि केही पाएँ ,
जबदेखि गरेँ कंगालको संगत ।
गणेश प्रसाद पौडेल "बहुरुपी"
रापाकोट-७ स्याङ्जा

५.गजल
छवि बेचेर नाङ्गियो छविलाल ,
कहिले महान थियो छविलाल ?

रगतको पाइला टेकि सत्तामा ,
अँह ! भएन बलियो छविलाल ।

के टिक्ला र टिकेहरुको भरमा ,
अब पक्का लखेटियो छविलाल ।

जनभावना कुल्चेर हिंडिस तँ ,
अब राम्ररी चिनियो छविलाल ।

सिनोमा धोतीले किरा हालिदियो ,
हेर ! कसरी कुहियो छविलाल ।
गणेश प्रसाद पौडेल " बहुरुपी"
 स्याङ्जा रापाकोट-७

६.गजल
जिन्दगी यो दुखिरहेछ प्यार गरेदेखि ,
दिल दिन कसैलाई  हतार गरेदेखि ।

रित्तियो गोजी पसिना बेचेर भरिएको ,
कहिले गाउँ कहिले बजार गरेदेखि ।

सम्बन्धमा पनि हिसाबकिताब खोजियो ,
समयले नै सम्बन्धको व्यापार गरेदेखि ।

व्यापारी नै बनायो माया पिरतीले पनि  ,
मनले मनसँग कारोबार गरेदेखि ।

छल कपट गर्यो चाउरीएको छालाले ,
मायालुले नानाथरी श्रृङ्गार गरेदेखि ।

तर्किन्छे तरुनी तेलमा पानी तर्के जस्तै ,
बुढाले माया लाउने बिचार गरेदेखि ।

सडकमै रह्यो माया बटुवा झैँ बनेर ,
लैजाउ या छोडौँ मन दोधार गरेदेखि ।
 गणेश प्रसाद पौडेल "बहुरुपी"
स्याङ्जा रापाकोट-७

Note :
All Copyright Reserved with Writer

Followers

 
Support : Chisapani Nepal Blog | Unicode Converter | Blog Author-Ram Sharan Shrestha
Copyright © 2011. Chisapani Nepal चिसापानी नेपाल - All Rights Reserved
Template Modify by Gaurab Shrestha
Proudly powered by Blogger