गजल-अरे दौलत चाँहिदैन मलाइ धन चाहिदैन (प्रकाश मगर बियोगी)

अरे दौलत चाँहिदैन मलाइ धन चाहिदैन
पग्लिएर जिउँछु  पत्थर जीवन चाहिदैन

तिम्रो प्यास बुझाउँछु मदिराको आडमा
बिन्ती प्याला भरी दिनु सितन चाहिदैन

सागरमा थन्काउनु!छ उतै आवस्यकता
एक मुठी दिए पुग्छ अरु पवन चाहिदैन

टुटाउन जाबो पर्खाल किन आनाकानी
मेरो हात हथौड़ा छ लोहा घन चाहिदैन

हुनेगर्छ सुख-दुख मान्छे भइ जन्मे पछि
बियोगमा हौंला तर बियोगीपन चाहिदैन
_______________
प्रकाश मगर बियोगी
सौडियार १ दाङ
हाल भारत