१. गजल
तिम्लाई आफन्त बनाउन मन छ!!
नजिक अत्यन्त बनाउन मन छ!!
एक् चिम्टी सिन्दुर सिउँदोमा भरेर,
फोटा यी जीवन्त बनाउन मन छ !!
दुनिया जलुन हामीलाई देखेर,
उदारन् ज्वलन्त बनाउन मन छ!!
सम्हाल तिमि यो पतझर मौशम,
जिन्दगि बसन्त बनाउन मन छ!!
उम्किन नदिन तिमीलाई कहिल्यै,
पिंजडा यो मन्त बनाउन मन छ !!
१३/०३/२०१४ "सुमन काले"
२.गजल
हामी हामी एक कै'ले हुने होला?
दुखेको बिसेक कै'ले हुने होला?
स्वस्वार्थ भुलेर पर सेवा गर्ने,
बुद्धि र विवेक कै'ले हुने होला?
थोरै छ कमाई पेट भर्नै गाह्रो,
मनग्गे निबेक कै;ले हुने होला?
सानो मेरो देश स्वर्ग जस्तै ठाउं,
बिकाश अनेक कै'ले हुने होला?
सधैं साँध मिच्छ दुस्मन झैं गर्छ,
मित्र झैं छिमेक कै'ले हुने होला?
२८/११/२०७० "सुमन काले"
३.गजल
अनिदा रात छन् धेरै धेरै,
दुखेका आँत छन धेरै धेरै!!
जानी भा' जाउ फर्केर नआऊ,
साथ् दिने हात छन् धेरै धेरै!!
झरेर फुल रित्तिदैन बाग,
रुखमा पात छन् धेरै धेरै!!
घाइते छु उसै, नहान बचन्ले,
बल्झेका घात छन् धेरै धेरै!
लैजाउ याद लैजाउ तस्विर,
पत्रका खात छन् धेरै धेरै!
मेटौंला धोको अर्को जुनीमा,
गुम्सेका बात छन् धेरै धेरै!!
कोहि छ रुने कोहि रुवाउने,
मान्छेको जात छन् धेरै धेरै!
१८/०३/२०७० "सुमन काले"
४.गजल
नजरका हमला, लगातार भएको छ,
मुस्कानले फेरी, उपचार भएको छ!!
यति साह्रै राम्री भै नहिन ओ रुपसी ,
कैयौंको बाटो ढुक्ने रोजगार भएको छ !
घरि खुल्छ पर्दा, घरि बन्द हुन्छ उफ्:
मलाइ त्यै झ्याल संग प्यार भएको छ!
नजरको बाटो गरि मुटुमै बसेपछि,
किन यो भिज्लान्ते व्यवहार भएको छ ?
घरबेटीले मलाइ कोठा छोड भन्यो हिजो .
तिम्रो बाउलाई खुसीको समाचार भएको छ !!
"सुमन काले" ११/०१/२०७१
५.गजल
नशालु आँखामा गाजल सुहाउंछ.
त्यै मुनि गालामा खाडल सुहाउंछ!!
सुरा र सुन्दरीको महफिल बाहिर.
घरमा त आमाकै आंचल सुहाउंछ!
न औंशी न चर्को घाम आकासमा,
जुन सुहाउंछ कि बादल सुहाउंछ!!
भयो नझार गोहीका आँशु तिमि,
रुन त म जस्तै घायल सुहाउंछ!
जुन जोगी आए पनि कानै चिरेका,
बरु त्यो कुर्सीमा पागल सुहाउंछ!
१३/२/२०७१ "सुमन काले"
६.गजल
आर्बोटेको भट्टी जा'म साँझपख मामा,
टुच्च खोयाबिर्के ला'म साँझपख मामा!!
उमेरमै हो रंग रस के छ मरी लानु ?
अस्ताउंछ रातो घाम साँझपख मामा!!
जसलाई दिएँ हित्त चित्त उही साथि आज,
निक्लिदियो महा हराम साँझपख मामा!!
यसै खोल्ने आँट छैन के छ होला जवाफ?
आएको छ बन्द खाम साँझपख मामा!
न त बन्यो संबिधान बनेन खै देश पनि,
के गरे हँ तिनले काम ? साँझपख मामा!
बोनस शेर ....
भैगो यौटा गितै गाउ निस्टूरिको नाममा,
कि त म गजल गा'म साँझपख मामा ?
८/०१/२०७१ "सुमन काले
७.गजल
तिमि मेरो धुक्धुकिको भाकामा छौ,
मुटुभित्र अन्तरको मायामा छौ !!
खोज्दै कता हिनु अब तिमीलाई ,
मेरो प्राण बचाउने हावामा छौ !!
बर्सिदिंदा अनायासै आँशुहरु,
लाग्छ तिमि यिनै दुइ आँखामा छौ!
तिम्ल्यै गर्दा रमेको छ भवरा यो,
फुल-पात सुवास यो सारामा छौ !
म सक्दिन छोडी जान तिमि सक्छौ ?
सक्दैनौ कि ? पिरतीको वाचामा छौ !!
०७/०२/२०७१ "सुमन काले"
८.गजल
तिम्रो बिहेको, मण्डपमा, जव अग्नि, बल्न थाल्यो,
तिमि बसेकै, मुटु मेरो, अनायासै, जल्न थाल्यो!!
मन्त्र गुन्जीयो, पन्चै बाझा, नाच्न थाले, जन्तीहरु,
रसायो आँखा, अनि हुरी, मुटु भित्र, चल्न थाल्यो!!
फुल अक्छेता , खस्दै थियो, तिम्रो घर, बस्दै थियो,
महल मेरो, सपनाको, यताउता, ढल्न थाल्यो !!!
घुम्टो ओडेउ, जग्गे घुम्यौ, डोली माथी, बस्छौ अब,
कम्पित भयो, भुमी सारा, लौन जिऊ, गल्न थाल्यो!!
अन्धकार भो', दुनियानै, जव तिम्रो, डोली उठ्यो,
तिर्मिराए, आँखा मेरा, तोरी फूल, फल्न थाल्यो!!
तिम्रै नाममा, मर्छु होला, बाँच्दिनकी, अब धेरै?
यमराजले, सपनीमा, घरी-घरी, छल्न थाल्यो!!!
तिमि बसेकै, मुटु मेरो, अनायासै, जल्न थाल्यो!!
महल मेरो, सपनाको, यताउता, ढल्न थाल्यो !!!
२५/१०/२०६८ "सुमन काले"
९.गजल
राख्दा प्रेम प्रस्ताब हुन्न भनिनौ,
हुन्छ आयो जबाफ हुन्न भनिनौ!!
डराए झैं गरि तिम्रो स्वीकारोक्ति,
मेरो हातको गुलाफ हुन्न भनिनौ!!
बत्तीमा पुतली झैं हुर्रींदै आइदियौ ,
देखाएनि रवाफ हुन्न भनिनौ!!
खुली गए सबै लाजका पर्दाहरु,
उतारिंदा नकाब हुन्न भनिनौ!!
होस् खुल्दा थिएँ चरम उत्कर्षमा,
पिएकोथें सराब हुन्न भनिनौ !!
उत्तेजना कि समर्पण के थ्यो कुन्नि?
पोखीईंदा तेजाब हुन्न भनिनौ!!
सन्तुस्टिमा लिन मेरै अंगालोमा,
गरेछु क्यारे निसाब हुन्न भनिनौ!!
त्यो रुपसंग यो बैंश को मिलनमा ,
बराबर भो हिसाब हुन्न भनिनौ!!
:) :P ११/०१/२०७० "सुमन काले"
१०.गजल
झिनो आशामा दिनहरु बिताएको छु,
आंशुलेनै जलेको मन चिस्याएको छु!!
लुकामारी खेल्ने तिम्रा यादहरुलाई,
मनकै अन्तर कुन्तर लुकाएको छु !!
सके भुल्ने नसके जसरि पनि भुल्ने,
मैले पनि यौटा अभियान चलाएको छु!!
दिलबाट त सकिन खिलै बनेको छ,
मोबाइल बाट "मेरी काली" मेटाएको छु !!
आजकल पिउने बहाना तिमि बनिछौ,
मदिरालाइ धुवाँ संग मिसाएको छु!
२२/०९/२०७० "सुमन काले"
११.गजल
यो छातीमा दुश्मनको छुरा भए के गर्छ्यौ ?
बाउ नचिन्दै लालाबाला टुहुरा भए के गर्छ्यौ ?
देशको लागि प्राण दिन हिनेको छ तिम्रो सुहाग,
घरमा रोगि सासु अनि ससुरा भए के गर्छ्यौ ?
तिमि मेरी गन्तब्य हौ देश मेरो कर्तब्य हो,
तिमि लम्जुङ्ग म बझांग बाजुरा भए के गर्छ्यौ ?
आश गरि पर्खि बस्नु बाटो कहिले नबिराउनु,
गाउँ समाजमा जथाभावी कुरा भए के गर्छ्यौ ?
रहर गर्छौ मेरै काखमा, निदाउने र बिऊँझने,
तिम्रा मेरा सपना साच्चैं अपुरा भए के गर्छ्यौ ?
२१/०८/२०६९ "सुमन काले"
नाम : सुमन घिमिरे (सुमन काले)
ठेगाना : श्री मंज्यांग - ८ लम्जुङ्ग, हाल काठमाडौँ !
E -mail : kalemansu@gmail.com
फोन नं : 9851039964
