गजल-जस्लाई मईले सम्जीएथें सबैभन्दा माथी (हरी गौतम)_24-04-2017

जस्लाई मईले सम्जीएथें सबैभन्दा माथी.!!
आज उ नै भईदीयो तितो वीगत साथी.!!

फकाएर-झुक्काएर यसो गर्छु भन्दै..,
आफु बनी बिगार्नलाई, गर्छन ना-ना भाती.!!

आफु भन्दा बढी विश्वास,गर्छौ हामी जस्लाई,
उसैले नै धोका दीदा पोल्दो रहेछ छाती.!!

दोष कस्को कसुर कस्को आफन्त नै वैरी,
आज उन्कै कारणले, भयो औशीं राती.!!

भयो अब कसै संग,कुनै संबन्ध छैन,
यस्तो नाता हुनु भन्दा नभएकै जाती.!!

[[२"जस्लाई मैले सम्जीएथें सबै भन्दा माथी.!!
आज उ नै भई दियो, तितो विगत साथी.२"]]

हरी गौतम (अर्घाखाँची)
-खनदह३|| हाल-भारत

Nepali Ghazal , अतिथि गजलहरु

गजल- जरुर उसका अाखाँ खजानामा हुन सक्छ, (शारदा खड्का)- 02-04-2017

जरुर उसका अाखाँ खजानामा हुन सक्छ,
मान्छे न हाे बग्रेल्ती चाहनामा हुन सक्छ।

लुटेरा अनेक रुपमा गाउँ पस्लान हाेसियार,
चाहे समाजसेवा गर्ने बहानामा हुन सक्छ।

कसले गर्याे उसकाे हत्या कसैले बताएन,
अाशा गराैँ इतिहासकाे पानामा हुन सक्छ।

हर कुराकाे बिराेध गर्छ क्रान्तिकारी मान्छे,
तिमि यता खाेज्छाै उता धर्नामा हुन सक्छ।

किन हेरिरहन्छ ऊ मुस्कुराउदै मलाई,
यो  प्रस्नकाे जवाफ एेनामा हुन सक्छ।
(शारदा खड्का)

Gazals , अतिथि गजलहरु

गायक तथा गजलकार खेमराज तमोलीज्यूका १० गजलहरू (10 Ghazals by Khemraj Tamoli)

१.गजल
हराइने कता कता खाडी मुलुकमा।
रहेनछ मानवता खाडी मुलुकमा।।

केहीगर्छु भनी धेरै सपना लिइ छिरे।
भइन्छ कि  बेपत्ता खाडी मुलुकमा।।

सत्य कुरा लुकाएर झुटो प्रचार मा।
ढाट्नु पर्ने बेबस्ता खाडी मुलुकमा।।

इमान्दार कोहि छैनन ठग्नेमात्रै धेरै।
चोरै चोर जताततै खाडी मुलुकमा।।

सबै जानी सबै बुझी हार खानु पर्ने।
नहुने भो सफलता खाडी मुलुकमा।।
खेमराज तमोली
अ.न.पा १ डडेलधुरा
हाल साउदि

२.गजल
दिलसंग दिल दुख्दा हारेको मान्छे मत।
महल बनाउन छाती खारेको मान्छे मत।।

निष्ठुरीको लागी मैले चिर आयु दिँदा।
आफ्नै उमेर आफैँले मारेको मान्छे मत।।

जुन तारा झार भनी अनेक भाँती गर्दा।
सारा चारै धामनै चारेको मान्छे म त।।

उनको मनमा मैले धन जोख्न नसकेर।
उनको आँगनी  बारेको मान्छे म त।।

त्याग्नु जती सबै त्यागेँ मात्र उनकै लागी
भावीले नै हेँलामा पारेको मान्छे म त।।

निराश यो एक्लो यात्रा गर्न नसकेसी।
अन्तिम सासमा घाट सारेको मान्छे मत।।
खेमराज तमोली
अ.न.पा १ डडेलधुरा
हाल साउदि

३.गजल
पुजारीहरु भन्छन भगवान मन्दिरमा छ।
म भन्छु हजुर भगवान सतिको पिरमा छ।।

बोल्दैन पत्थर सुन्दैन कसैको पुकारपनि।
तर वास्तवमा मान्छे उसैको अधिरमा छ।।

हातको रेखा र निधार हेर्छन जोतिषले।
भन्छन भाग्य त हजुर को जन्जिरमा छ।।

दुख गर्छु सफलता मिल्नेछ हरेश खादिन।
आमा बुवाको आशीर्वाद मेरो शिरमा छ।।

बाचुन्जेल जिन्दगी पानीको फोका जस्तो।
मरेपछि को जिन्दगी खोलिको तिरमा छ।।
खेमराज तमोली
अ.न.पा १ डडेलधुरा
हाल साउदि

४.गजल
कोइ भन्छिन मेरोलागि चोली लिएर आउँनु।
कोइ भन्छिन मेरोलागी डोली लिएर आउँनु।।

सुनाउछिन चिल्ला कुरा देखाउछिन मिठा सपना।
भन्छिन मेरा लागि खुशीको  खोली लिएर आउँनु।।

भन्छिन हजुर बिना फिक्का देखिन्छ यो जोवन।
मेरो जीवन नै रंगिन पार्ने होली लिएर आउँनु।।

बिन्ती विश्वास गर्नुस गर्दिन घात कहिल्यै पनि।
भन्छिन माया राख्नलाइ झोली लिएर आउँनु।।

पर्दिन म कसैको भर कुरा टार्न बैशाखमा भन्छु।
भन्छिन बैशाख होइन आज भोलि लिएर आउँनु।।
खेमराज तमोली
अ.न.पा १ डडेलधुरा
हाल साउदि

५.गजल
जे गर्न  नि अरुकै खटन हुन्छ बिदेशमा।
मनै छियाछिया पार्ने वचन हुन्छ बिदेशमा।।

स्वदेशको जस्तो शितल का पाउनु र खै यहाँ।
मरुभूमिको तातो हावा बहन हुन्छ बिदेशमा।।

ठेगान हुन्न जिन्दगीको कोहि कसैको त कठै।
टेक्न नपाई स्वदेश माटो मरण हुन्छ बिदेशमा।।

मानव हौं कहिलेकाही गल्ती पनि हुनसक्छ।
माफी भन्दा पनि फाँसी चलन हुन्छ बिदेशमा।।

चर्को घाम रगत र पसिनाको भेल सङ्गै।
मर्दै मर्दै बाँचेको जीवन हुन्छ बिदेशमा।।
खेमराज तमोली
अ.न.पा १ डडेलधुरा
हाल साउदि

६.गजल
तिम्रो मेरो सम्बन्धको अर्थ खोज्न कर लाग्यो।
ऐना हेरी आफै संग प्रश्न सोध्न डर लाग्यो।।

जिन्दगीको लामो यात्रा संगै गर्छु भन्नेले।
तिमी संगै हाँसी खुशी संगै मर्छु भन्नेले।।

दोबाटोमा छाडदिएउ एक्लै हिड्न कर लाग्यो।
ऐना हेरी आफै संग प्रश्न सोध्न डर लाग्यो।।

मुटुभित्र बास मागी, मन मुटु डढाउनेले।
थाहै नदिई कलेजीमा छुरा चलाउनेले।।

हास्दै बिदा मागीदिएउ जाऊ भन्नै कर लाग्यो।
ऐना हेरी आफै संग प्रश्न सोध्न डर लाग्यो।।

स्मृतिका छाल छाडी टाढा गईदियौ सानी।
आँखाभरी आँसु दिई पराई भइदियौ सानी।।

हृदयमा घाऊ दिएउ सुम्सुम्याउनै करलाग्यो।
ऐना हेरी आफै संग प्रश्न सोध्न डर लाग्यो।।
खेमराज तमोली
अ.न.पा १ डडेलधुरा
हाल साउदि

७.गजल
अधिकारी थर बनाउन मन छैन कि सानी।
पश्चिम तिर घर बनाउन मन छैन कि सानी।।

के छ तिम्रो बिचार कुन्नी बुझ्न खोजेको हो।
मलाइ तिम्रो भर बनाउन मन छैन कि सानी।।

मत खुशि हुन्छु हेर तिमी जीवन साथी भए।
मलाइ आफ्नो वर बनाउन मन छैन कि सानी।।

स्वच्छ हावा चिसो पानी डडेलधुरा को।
तिमिलाइ रहर बनाउन मन छैन कि सानी।।
खेमराज तमोली
अ.न.पा १ डडेलधुरा
हाल साउदि

८.गजल
शत्रुहरु आउलान सानी होसियार हुनु तिमी।
कुराको भेउ पाउलान होसियार हुनु तिमी।।

यो दुनियाँमा सबै स्वार्थि मात्रै छ रे सानी।
घरबार उठाउलान होसियार हुनु तिमी।।

सुखको लोभ देखाइ धनको लालच देखाइ।
कसैले  फकाउलान होसियार हुनु तिमी।।

जिवनको सहि मार्ग देखाउछु भन्दै उल्टो।
खाल्डो देखाउलान होसियार हुनु तिमी।।

तिम्रो मन जित्नलाई  मेरो बारे कसैले।
खिल्ली उडाउलान होसियार हुनु तिमी।।
खेमराज तमोली
अ.न.पा १ डडेलधुरा
हाल साउदि

९.गजल
लाखौं रुपैयाँ दलाललाई दिएर बिदेश जादैछु।
बेदना का आँसु हरु पिएर बिदेश जादैछु।।

सबै छुटे मातृभुमी ममि बाबा साथि गाउँ घर।
खिया लागेको फलाम झै खिएर बिदेश जादैछु।।

केही छैन मेरो साथमा गह भरी आँसु सिवाय।
आमाबाको माया र आशीर्वाद लिएर बिदेश जादैछु।।

दुख्यो छाती पोल्यो मुटु जन्मथलो छोडी हिड्दा।
बिदाइको हात हल्लाइ फाट्या मन सिएर बिदेश जादैछु।।
खेमराज तमोली
अ.न.पा १ डडेलधुरा
हाल साउदि

१०.गजल
फेसबुकमा खस्रो माया साट्ने कति कति।
झुठो मायाप्रेमको डोरि बाट्ने कति कति।।

जानीजानी घातगर्ने डराउदैनन कहिले।
दुबै हात लड्डु चाइ आट्ने कति कति।।

घात हुने रैछ यहाँ मायाको नाटक गरि।
रुदै दिन रुदै रात काट्ने कति कति।।

मत तिम्रो कान्छू अरे मनमुटु ठान्छु अरे।
तिम्रै प्यारी काली भन्दै ढाटने कति कति।।

गरिब भन्दा धनिको होडबाजी दुनियाँमा।
धोका दिदै अर्काको मुटु फाट्ने कति कति।।
खेमराज तमोली
अ.न.पा १ डडेलधुरा
हाल साउदि

Note : All Above Ghazals Copyright Reserved with Writer 

Gazals , अतिथि गजलहरु

गजलकार सुशील पराजुली (सुशील बा) का ६ गजलहरू (6 Ghazals by Sushil Parajuli) 25-09-2016

Sushil Parajuli

१.गजल
सनसनी छ खबर शहर भित्र!!
बाच्दैछ मान्छे प्राय डर भित्र! 
,,
चुलो बल्न छोड्यो महासय!! 
ग्यास सकिएको छ घर भित्र!
,,
भगवान छैनन् यो संसार मा!!
न'खोज यार ति पत्थर भित्र!
,,
मत बहुत चोट सहेर बाच्दैछु!!
नआउ तिमी मेरो सफर भित्र!
,,
कतारबाट पत्र आउला पढ्नु!! 
दुख सुख सबै छ खबर भित्र!
,,
सुशील पराजुली ( सुशील बा )
कपिलवस्तु -
भृकुटी नगरपालिका
बर्कलपुर ५ ईमिलिया
हाल- मरुभूमि को छाती
दोहा कतार बाट ✌
सुशील बा
सुशील

२.गजल
भन्न सक्दैन पत्थर कोमल हुन्छ हुदैन!!
मेरा आँसु त्यो पबित्र जल  हुन्छ हुदैन!

भत्काउनु छ अब तिम्रो दिलको पहाड!!
फिजाएर एकदिन समथल हुन्छ हुदैन!

बिश्वास गर्दा धोका हुन्छ माया प्रेममा!!
धोका पाएको मान्छे पागल हुन्छ हुदैन!

आगनिमा बसेर एकछिन यहीँ सोचिरहे!!
क्षितिज माथि कालो बादल हुन्छ हुदैन!

आश्चर्य लाग्न सक्छ सबैलाई प्रश्न गर्दा!!
तपाईंले भने जस्तो मेरो गजल हुन्छ हुदैन!
सुशील बा
कपिलवस्तु - भृकुटी नगरपालिका
बर्कलपुर ५ ईमिलिया
हाल- मरुभूमि को छाती
दोहा कतार बाट
सुशील बा
सुशील

३.गजल
मेरो समय अनि कालसँग परिचीत रहेछ !!
भनेको थिए, आज दुश्मन भयभीत रहेछ !
,,
बहुत देखियो युदिस्ठिर बन्ने, मेरो देशमा !!
न्याय नपाउने कानुन अझै सुरक्षित रहेछ !
,,
पाठशाला भित्र एउटा प्रश्न, राखिदिए मैले !!
जवाफ आयो जिवन केवल समर्पित रहेछ !
,,
कुकुरलाई भात दिन्छन् भित्र ढिढो खाएर !!
नेपाली को यस्तो बानी निकै चर्चित रहेछ !!
,,
युवा पसे खाडी मुलुक गाउँघर भयो शुन्य !!
कर्मभुमी प्यारो भो जन्मभूमि अतित रहेछ !
सुशील पराजुली ( सुशील बा )
कपिलवस्तु २ ईमिलिया
हाल- मरुभूमि को छाती
दोहा कतार बाट ✌
सुशील बा
सुशील

४.गजल
मेरी सुन्दरी धेरै फुरफुर नगर जवानीमा !!
सक्छौं भने आगो बालेर देखाउ पानीमा !
,,
,,
दिमाग लगाउन सुरु गर तिमी आजबाट !!
आखिर के रहस्य लुकेछ त्यो मदानीमा !
,,
,,
धोका दिएर जानेलाई कुन सजाय होला !!
भनत निस्टुरी मलाई सुटुक्क काहानीमा !
,,
,,
सुख खोज्दा खोज्दै जीवन गुलामी भयो !!
यार दुख मेरो साथी रहेछ जिन्दगानीमा !
,,
,,
सधैं बिर्सनु अगाडी सम्झिरहे तिमिलाई !!
मुटुमा माया छ तिम्रो तस्बिर सिरानीमा !
सुशील पराजुली ( सुशील बा )
कपिलवस्तु- २ ईमिलिया
हाल- मरुभूमि को छाती
दोहा कतार बाट ✌
सुशील बा
सुशील

५.गजल
दिन्छौं जिन्दगीभर साथ देउ, दिन्नौँ मारी देउ
के फैसला लियौँ तिम्ले, कृपया जानकारी देउ

मेरो भबिस्यबाणी गर्नेहरुको प्रतीक्षामा हुनेछु
ए ईश्वर के के बोझ छ मेरो शिरमा,उतारी देउ

जमिन टेकेर आकाश छुने चाहना हो मेरो पनि
बिन्ती सुनिदेउ कसैले त्यो आकाश झारी देउ

संसार हेर्ने दृस्ठि तिम्रो फरक भयो किन आज
आँखा लोभी पापी मन अब तत्काल सारी देउ
सुशील बा
सुशील बा
सुशील

६.गजल
यतैकतै हाम्रो आसपास मा छ जिन्दगी !!२
सबैभन्दा ठुलो बिश्वास मा छ जिन्दगी !१
,,

पाकेको फल खान त्यति हतार नगर्नुस् !!२
धैर्य गर्नु समाज बिकास मा छ जिन्दगी !१
,,

पुग्यो मलाई खान्न यो गुलामीको रोटी !!२
फर्किम भने टाढा प्रवास मा छ जिन्दगी !१
,,

उठिउठी काम गर्छु पैतालामा पर्छ ठेला !!२
कैलै भएन खुशी निराश मा छ जिन्दगी !१
,,

यो बिदेश हो कि कारागार बुझ्न सकेन !!२
सुशीलबाको सधैं उदास मा छ जिन्दगी !१
मरुभूमि को छाती
दोहा कतार बाट ✌

Note : 
Copyright Reserved with Writer

Gazals , अतिथि गजलहरु

उमेश गजलका ४ गजलहरू -22-09-2015

१.गजल
के हेर्छन यि सारा खुलेआम सडकमा  
छ फुलको हत्यारा खुलेआम सडकमा 

घर ढलेझै मेरो जिन्दगि ढालिदियो
अनि गरे गुजारा खुलेआम सडकमा 

यो सहर कदापी सुन्दर बन्दै बन्दैन 
रोपेर बनमारा खुलेआम सडकमा 

अचेल बलेको बत्ति मान्छेले हेर्ने गर्छन 
मानौ झर्या छ तारा खुलेआम सडकमा 
उमेश गजल 
इटहरी, सुनसरी 

२.गजल
तिम्रो घमण्ड र अहम साबित गर्नुछ 
मलाइ तिम्रो प्रियतम साबित गर्नुछ 

बाबुले छोरी बेचेकै प्रमाणित भैसक्यो 
लिएको कति हो रकम साबित गर्नुछ 

स्कुल गएकी नाबालिका रुदै फर्कंछे 
कसले गर्या हो कुकर्म साबित गर्नुछ 

देश लुटिने खतरा बढेको छ अचेल 
आफैले आफुलाई बम साबित गर्नुछ 

'गजल'ले सबैको दिलमा राज गर्या हो 
म आफुलाई धमाधम साबित गर्नुछ 
उमेश गजल 
इटहरी, सुनसरी 

२.गजल
यो सिंगो शरीर मेरो पहरा बनाएको छ 
खै कसले यो मनलाई चरा बनाएको छ 

मलाई हेर्ने नहुने कुरुप बनाएर
भगवानले उस्लाई अप्सरा बनाएको छ 

यी आखाका आँसुले मेरै जिन्दगि बगाउछ 
र उसको जिन्दगि हराभरा बनाएको छ 

उसको कातिल चेहरा, म बिर्सिदिउ भन्छु 
यादहरुले दिलमा कमरा बनाएको छ 

तिमीले नियाल्नु, जस्तै मैहु भन्नेलाई पनि 
समयले एकदिन बिचरा बनाएको छ 

प्यार नजान्नेलाई हाकिम् बनाई सर्कारले
जबरजस्ति मलाई आवरा बनाएको छ 
उमेश गजल 
इटहरी, सुनसरी 

४.गजल
देखाउनु देखायो रमिता बन्धकी राखेर 
कुरान भागवत र गीता बन्धकी राखेर 

बालाई एउटा टोपी सम्म नि आएन 
मेरा गजल र कविता बन्धकी राखेर 

कोहि यसरीपनि बाच्न बाध्य देखिन्छन
आफ्नी श्रीमतीको अस्मिता बन्धकी राखेर 

सम्पति कमाएको, हो यसरी कमाएको हो 
उसले आफ्नै मातापिता बन्धकी राखेर 
उमेश गजल 
इटहरी, सुनसरी 

Gazals , अतिथि गजलहरु

नबिन शिशिरका २ गजलहरू -(02-07-2015)

१.गजल 

नबिन शिशिर 

बन्दुक   ताकी   रहेछ  फुल  राखेर निशानामा
खै के गर्न खोजेको हो त्रिशुल राखेर निशानामा

उसले  मसंग  बदला  यसरी  लग्छु भन्यो 
मेरो सुदुर्को कर्णाली पुल राखेर निशानामा

उ   धेरै   चलाख  रहेछ  मन्द   बुध्दिको 
तिर्खा मेट्छ पानीको मुल राखेर निशानामा

यो  गगन  यो  ब्राह्मणका  तार  देखाई दिन्छ 
कवि गजलकारको एक हुल राखेर निशानामा

देश  बनाउने  भत्काउने कसरत गरिरहेछ्न
राष्ट्रिय संघीयताको बिगुल राखेर निशानामा
नबिन शिशिर 
लम्की कैलाली

२.गजल 
सिरेटो बनेर आउन्छ पिर बतासजसरी 
अनि छातीमा लाग्छ तिर बतासजसरी

हारमा  जित  जितमा  हार  भएपछि 
खै कसरी उडाईन्छ अबिर बतासजसरी

बिधताले  निधारमा केही  लेखेको हुनुपर्छ 
त्यसैले बद्ली रहन्छ तक्दिर बतासजसरी 

देशको  भारी  बोकाईदेउ  आधी  तुफानमा 
आफ्नै गतिमा दौडिनेछ 'शिशिर' बतासजसरी 
नबिन शिशिर 
लम्की कैलाली

Gazals , अतिथि गजलहरु

बिनोद पौडेलका ५ गजलहरू (12-06-2015)

बिनोद पौडेल 

१.गजल
कतै  झिल्को होला जोरेर त हेर आगो छ!
बाकस दिल्को होला फोरेर त हेर आगो छ !! 

जीवन सङलो  देखाइ किनाराका पासमा !
थापी ज्यानको बाजि चोरेर त हेर आगो छ !!

पोखिदै छ्न आसु ओसिदैछन काँटि हरु!!
सलाइ मन्को पारी  कोरेर त हेर आगो छ !

गए जाउन घुर्की  फर्किने छ्न नासो हरु !
बिचार उनको मारि सोरेर त हेर आगो छ!!
बिनोद पौडेल 
साउने चौर 7 खोटाङ 
हाल साउदी अरेबिया

२.गजल
मज्दुरी र ज्याला  कामको खोजिमा
प्रबाह गरिन पसिना दामको खोजिमा

बिलासिता जीउँदो छ महँगि ले आज। 
फेसन बनी  सधै बस्छ यामको खोजिमा

आफ्नो भाग्य आफैसङ अपरिचित हुदा    
भाग्य कोर्ने मसि सक्यो नामको खोजिमा

दिब्य बस्ती चारैधाम नखोजेको होइन दैब
मन्दिर जान्छु भक्त बनी रामको खोजिमा

बिनोद पौडेल
साउने चौर 7 खोटाङ 
हाल साउदी अरब ।

३.गजल
बाध्यता र बिबसता मा अडेकाे जीवन छ !,
त्रास अनि त्रास को मात्रा बडेको जीवन छ !!,

भरलाग्दैन ज्वालाअचेल धर्तीमै पलाउछ ,!
लैजाउ तिम्रा सन्तान संग डडेको जीवन छ!!

कहिले दिनै पत्तै न दिई आउछौ र पो मार्यो !
नियालि हेर ति झुप्रा मुनि सडेको जीवन छ!!

दैब हेर्छौ टुलु टुलु धर्ती सबै छिद्रा पारी ,!
के हुनु र अन्जान माथी लडेको जीवन छ !!
.बिनोद पौडेल 
साउने चौर 7 खोटाङ

४.गजल
ओठ रसिला पारेर थाक्यौ क्यारे  
आत कसिला पारेर भाक्यौ क्यारे

धमिरा थिए काठ का पलास मा 
अग्राख भनीआरन मा फाक्यौ क्यारे

घाम छिरेन दिलका कुना कुना मा
ओसिलो पारामा ज्यान ढाक्यौ क्यारे

प्रबास मा सहन्छु आधीहुरि र बतास 
सर्त थियो नआउने  तर डाक्यौ क्यारे
बिनोद पौडेल
साउने चौर 7 खोटाङ 
हाल साउदी अरेबिया

५.गजल
मैले देख्ने सपना ले, धिकार्छ  आज भोलि ,
बेताल मा बोल्ने ले, स्वीकार्छ आज भोलि

बातै पिछे राम राम, बगली मा छुरा तिन्का
भस्टचारी भ्रष्ट भए ,ती डकार्छ  आज भोलि

देश बाचे हामी बाच्छौ,बचाइ राखौ सधै सधै 
लोकतन्त्र को दाबी गर्दै हकार्छ आज भोलि

सुरा हुन्छ्न देश भक्ती लछारिन्छ्न कतै कतै 
पाखुरी मा दम हुने ति  नकाछ आज भोलि
बिनोद पौडेल 
साउने चौर 7 खोटाङ 
हाल साउदी अरेबिया

Gazals , अतिथि गजलहरु

प्रदिप प्यासीका चार गजलहरू - 19-05-2015

प्रदिप प्यासी

1. गजल
थोपा बन्यो रहर मेरो झर्ने ,पक्कापक्की भयो । 
निर्मोहिको याद्ले दिल मर्ने, पक्कापक्की भयो ।

कुन देवटा पुकारीन कुन मन्दिर धाइन होला ।
तर आत्मा अन्तै बसाइ सर्ने, पक्कापक्की भयो ।

जिज्ञासामा नङ र मासु अलग हुन्न भन्थेउ तिमी ।
एउटा मुटु धड्कन अलग गर्ने, पक्कापक्की भयो ।

साध थिएन न सिमाना सबै हाम्रो सङ्गोल थियो ।
आज प्रिये माना पाथी भर्ने, पक्कापक्की भयो ।
प्रदिप प्यासी 
रानीटार, पाँचथर

2.. गजल
परेलिमा मुहान फुटाइ लातमारी निर्दोस मुटु ।
सिन्दुर पुछी पोते चुटाइ लातमारी निर्दोस मुटु ।

बाचा थियो उकाली र ओरालिको सँगइ यात्रा
दोबाटोमा बिश्वास टुटाइ लातमारी निर्दोस मुटु ।

झुटा रैछन उनका कसम बारबार बाचा भन्थी 
बिछोडका गोली भुटाइ लातमारी निर्दोस मुटु ।

बाकी अब रहेन केहि जिउने आधार मरेपछी 
झोला बोकाइ डेरा उथैइ लातमारी निर्दोस मुटु ।
प्रदिप प्यासी 
रानीटार, पाँचथर

3.. गजल
फुल पनि सिर झुकाउछ तिमीलाई देखेर ।
डाहा गर्छ दिल दुखाउछ तिमीलाई देखेर ।

तलाउ गयौ इनार गयौ रुझ्ने रहरमा
नदी पनि मुल सुकाउछ तिमीलाई देखेर ।

भन्छन सबै धातु बहुमुल्य कहाँ हुन्छ
हिरा पनि मोल चुकाउछ तिमीलाई देखेर ।

अनुपम सुन्दरता प्रकृतिको निस्चल देन 
हिमाल पनि हिउ लुकाउछ तिमीलाई देखेर ।
प्रदिप प्यासी 
रानीटार, पाँचथर

4.. गजल
नआउ भन्दा मान्दिनौ कर गर्छौ बेसरी
उत्तै बस्दा के हुन्छ र यत्ता सर्छौ बेसरी

तिमी पो एक्लो मान्छे अधुरा छन् बाटाहरु
आप्नो त श्रीमती छे आ‌खा तर्छौ बेसरी

तिमी माथी म तल डेरा भःण्डै एउटै हो
बजार जान्छे श्रीमती तल भःर्छौ बेसरी

भुलाउछ ति तिमा कोमल हातका स्पशले
अंग अंग चार चौरास चार्छौ बेसरी ।
प्रदिप प्यासी 
रानीटार, पाँचथर
pradippyasi@gmail.com

Gazals , अतिथि गजलहरु

भक्तपुरका सुनील स्पन्दनको १६ गजलहरू (२०७१ भाद्र ०६०)

सुनील स्पन्दन

1. गजल (सवाइ लय)
भन्छन् अझै बुढापाका, नलाऊ कर्के आँखा
खुल्लै भए मनको ढोका, लाग्छ चोर डाँका

शुद्धि छैन बुद्धि छैन, कस्तो मति लाग्यो !
आजकालका मान्छेहरू, केके भाका भाका

नबोल्नु नै बेस होला, बोले बढ्छ दुःख
बन्द हुन्छ सबै मार्ग, आउने सबै नाका

के खाँदो हो लाउँदो हो, भन्छिन् बूढी आमा
कान्छो विदेश हानिएथ्यो, पोहोर यसै ताका

राजनीति भन्नु पनि, सत्ता मोह मात्रै
सत्ता मोह कोही काखा, कोही पारि पाखा

हुत्तिहारा रैछन आखिर, सबै टाउकेहरू
यो त्यो गर्छु भन्नेले नै, कसले मा¥यो माखा

कस्तो दृश्य देख्नुपर्यो यो कलिमा प्रभू !
आगो बाली डढाउँदैछन्, माहुरीले चाका
–सुनील स्पन्दन, भक्तपुर


2. गजल (सवाई)
केके अर्थ हुन सक्छ, मेरो बुझाईमा
रहस्य र पीडा आ’छ, तिम्रो बधाईमा

सत्य सत्य बोल्दैछु म, झुट रामो राम
दिल मेरो हरी गयौ, एकै बसाईमा

आफ्नै मन कुनबेला, भयो परदेशी
म पनि त बाँचेको छु, तिम्रो पखाईमा

सगरमाथा चढ्न पनि, मुटु हुनु पर्छ
विश्वासले गाँस माया, पुग्छ उचाईमा

कुनै दिन म पनि त, जानै पर्छ हेर
तिमी पनि हास्नु साथी, मेरो विदाईमा
सुनील स्पन्दन, भक्तपुर

3. गजल (बहरे मुतकारिब)
छ रोजी र छाडी विचारी चुनेभो
म आ’को छु तिम्रो दिलैमा थुनेभो

महङगी छ यस्तो गरीबी छ चर्को
हरे यो जमाना अकासै छुनेभो

नहेरी नसोधी सही छाप लाएँ
पर्यो लौन आपत नि केके हुने भो

अभागी छ भाग्य र कर्मैै छ खोटो
सधैँ नै सुनील यो नहाँसी रुनेभो
सुनील स्पन्दन,
भक्तपुर

4. गजल (असारे लय)
भन्दछौ भने देशको लागि हाँसेर मर्छु म
मुलुकभरि पठाऊ शान्ति पुकार गर्छु म

बनाऊ खाका नलाऊ पाखा बनाऊ संविधान
बिग्रीए सोच राष्ट्रिय बोझ, अन्यौलमा पर्छु म

हिमाल हैन, तराई हैन दुवै हो नेपाल
लगाए भाग सन्तान तिमै्र, अरुमै सर्छु म

के होला देशाँ मनमा सधै चिन्ताले गाँज्दछ
हिम्मत हार्नु हुँदैन भनि विश्वास भर्छु म

नहुने के छ हातमा हात बढाइ हेरौँ त
नवीन जोस नवीन चेत सबैमा छर्छु म
सुनील स्पन्दन,
 भक्तपुर ।

5. गजल
अँजुलीमा सारा खुसी छेकी ल्याउने मान्छे ।
कलेजीमा मैरे नाम लेखी ल्याउने मान्छे ।

हरायो कि कतै कुन्नी, पाउन छाडे खबर,
तिम्रो पत्र कोशौँ दूरदेखि ल्याउने मान्छे ।

कुरा काट्न थालिसके, मेरो आजभोलि
नआउँछ डोली भार ठेकी ल्याउने मान्छे

प्रतिक्षामा बसूँ कति आशा संगालेर
आऊन हो सिन्दुरको रेखी ल्याउने मान्छे

अँजुलीमा सारा खुसी छेकी ल्याउने मान्छे ।
कलेजीमा मैरे नाम लेखी ल्याउने मान्छे ।
सुनील स्पन्दन, भक्तपुर ।

6. गजल
आफू बदलिन्न, मान्छे बदल्छे
दैनिक विभिन्न, मान्छे बदल्छे

यस्तो अनौठो, बानी छ उसको
र केही सम्झिन्न, मान्छे बदल्छे

कति आए गए, सम्झाउनेहरु
उसलाई सकिन्न, मान्छे बदल्छे

यसरी सुनील, भो नपछुताऊ
अबेर भो चिन्न, मान्छे बदल्छे
सुनील स्पन्दन,
भक्तपुर ।

7. गजल 
कैलेकाहीँ नसोचेको, हुन्छ किन साथी !
उनकै मात्र सपनी, देखिरा’छु राती ।

उनी उस्तै म नि उस्तैै, पुग्ने लक्ष्य एकै,
लक्ष्य एकै भएपछि, किन राख्ने थाँती ?

हराएको छैन मेरो, आस्था मनबाट,
अझै पनि द्यौरालीमा, चढाउँदैछु पाती ।

भाग्य आफै कोर्नुपर्छ, सफलताको लागि,
परिश्रमका बाटाहरू, कोरिएकै जाती ।

अविराम अविराम, गर्दै गए यात्रा,
अवश्य नै एक दिन, पुगिन्छ रे ! माथि ।
सुनील स्पन्दन, भक्तपुर ।

8. गजल
तिम्लाई आफ्नो ठान्दा–ठान्दै, रुवायौ नि कठै !
कोमल मुटु जान्दा–जान्दै, रुवायौ नि कठै !

कत्ति सारो छियाछिया, पा¥यौ सानो मन
तिम्रो वचन मान्दा–मान्दै, रुवायौ नि कठै !

कुदृष्टिले हेर्छ मान्छे, आँखा फुटेपछि
लक्ष्मणरेखा तान्दा–तान्दै, रुवायौ नि कठै !

कोही होला लिलामीमा,  आफैलाई बेच्ने ?
गृहस्थी यो धान्दा–धान्दै, रुवायौ नि कठै !

म नै होची म नै काली, म नै अरघेली
राम्री राम्री छान्दा–छान्दै, रुवायौ नि कठै !
सुनील स्पन्दन, भक्तपुर ।

9. गजल (सवाई)
कैले आफ्नै नजरबाट, झर्नुपर्छ बुझ्यौ !
निराशाका जङ्घारहरु, तर्नुपर्छ बुझ्यौ !?

रावणको राज्यभित्र, जन्म लिएपछि
रामलेपनि छद्म भेष, धर्नुपर्छ बुझ्यौ !

के हुँदैन यो माटोमा, केही गरी हेरौँ
यही भिरमा कोदो मकै, छर्नुपर्छ बुझ्यौ !

धैर्यबाँधी बसिरा’छु, भाग्यको तिरैमा
मेरै भागमा ठूलो माछा, पर्नुपर्छ बुझ्यौ !

सुनील आज मर्यो भनी, झ्याली नपिटाऊ
तिमीले पनि कुनैदिन, मर्नुपर्छ बुझ्यौ !
–सुनील स्पन्दन,
 भक्तपुर

10. गजल
सस्तोमा बिक्यौ, भाउमा पनि
दाग लगायौ, नाउमा पनि

कागज गरायो, किन छोराले ?
भरोसा छैन, बाउमा पनि

होला त निको, मनको चोट?
नुन छर्केर, घाउमा पनि !

ऊ जालभित्र, पार्दैछ मलाई
कुटिल हाँसो, साहुमा पनि

काँडामा टेक्छु, खुसीमा तिम्रो
फूल नै फूल होस्, पाउमा पनि
सुनील स्पन्दन,
भक्तपुर ।


11. गजल
जगाएर हृदयमा आश अचम्मै !
कहाँबाट ल्यायौ मधुमास अचम्मै !

के गर्यौ नि भन ए, आँखा जुधाएर
कहाँ गयो भोक–निद्रा, प्यास अचम्मै !

के हुदैछ मुटुभित्र, भन्न सक्दिन म
खुशी अलि पीडा अलि, आभाष अचम्मै !

छैन–छैन भन्दा भन्दै, जति ठाउँ छेक
दिइसकेछौ मुटुभित्र, बास अचम्मै !

तिमीभनि मरि मेट्ने, हजारौ पो थिए
के देख्यो र सुनीलमा, खास अचम्मै !
सुनील स्पन्दन,
भक्तपुर ।

12. गजल
सस्तोमा बिक्यौ, भाउमा पनि
दाग लगायौ, नाउमा पनि

कागज गरायो, किन छोराले ?
भरोसा छैन, बाउमा पनि

होला त निको, मनको चोट?
नुन छर्केर, घाउमा पनि !

ऊ जालभित्र, पार्दैछ मलाई
कुटिल हाँसो, साहुमा पनि

काँडामा टेक्छु, खुसीमा तिम्रो
फूल नै फूल होस्, पाउमा पनि
सुनील स्पन्दन, भक्तपुर ।

13 गजल (बहरे मुतकारिब)
रहेनौ तिमी नै, गयो खेर वाचा
म पानी बिनाको, भएको छु माछा

म हार्नेछु शायद्, चलेको छ युद्ध
उताकै शकूनी, उतै देख्छु पासा

नियालेर हेरँे, रगतको निशानी
नमर्ने सपुत्को, छ यो एक गाथा

शिशिरको तुवाँलो, छ पाखा पखेरी
लुकाएर सूर्जे, नपोखेर आभा

सुनील के बुझेनौ, र हेर्दै बसेको ?
कि आउनेछ सङ्कट, बजाएर बाजा
सुनील स्पन्दन,
भक्तपुर


14. गजल  (सवाई लय)
पिरतीको मोल भाउ, तोक्छौ तोकी राख
पराइलाई काँधमाथि, बोक्छौ बोकी राख

भाषणमा बोल्छौ तर, छैन जातपात
अझै पनि धारा पानी, रोक्छौ रोकी राख

मिल्ने भए फेर्ने थियौ, लेखी आको भाग्य
रिसाउँदै आफ्नै टाउको, ठोक्छौ ठोकी राख

कति भन्नु सुपारीले, राम्रो हुन्न बूढा !
मरिहत्ते कुटुकुटु टोक्छौ टोकी राख

गुनासोको दुई शब्द, के कोरेथ्यौ ‘सुनील’
भै’गएछौ गजलकार !, खोक्छौ खोकी राख
सुनील स्पन्दन,
भक्तपुर

15. गजल (झ्याउरे लय)
शिरको म त, पाउमा राखी, यसरी नहाँस
भीरमा फुलेँ, भीरैमा झरेँ, म लाली गुराँस

लेक र बेसी, सजाएँ तिम्रो, बिकिन बजार
दैवलाई पनि, नचल्ने म त, फुलेँछु पलाँस

सबैले राम्रो, भनेको देख्छु, बेली र चमेली
अभागी रैछु, म मखमली, मालामा नगाँस

मगमा मग, वासना दिने, छ इन्द्र कमल
शोभा नै छैन, धर्तीलाई पनि, फुलेर यो काँस

न बन्न सकेँ, म सुनगाभा, न बनेँ गुलाफ
न लागेँ काम, म बनमारा, न फूल न घाँस
–सुनील स्पन्दन, भक्तपुर


16. गजल शङख् नारी छन्द
।ऽऽ ।ऽऽ
नपर्खेर हुन्छ !?
नफर्केर हुन्छ !?

उडाउँदैछ हाँसो
नझर्केर हुन्छ !?

म भित्रै छ मेघ
नदर्केर हुन्छ !?

शिशा फुट्छ फुट्छ
नचर्केर हुन्छ !?

भई फूल बास्ना
नछर्केर हुन्छ !?
सुनील स्पन्दन
भक्तपुर ।

Gazals , अतिथि गजलहरु

डिल्ली प्रसाद खराल "घायल" का १० गजलहरू -19-04-2015

१. गजल एक 
आँखाभरि टिलपिल आँसु पार्दै म परदेश आएँ
जिन्दगीलाई सात समुद्र तार्दै म परदेश आएँ ।"

मिठो पिठो जे भएनि बाँडी खाउँला सँगै भन्थे
नयनबाट बलिन धारा झार्दै म परदेश आएँ । "

बाँच्नु पर्ने जिन्दगीले कैले पालुवा फेर्ला भनी
छिया छिया भाको मुटु बार्दै म परदेश आएँ

भाग्यको नै खेल सम्झी आफ्नो मन बुझाएर
तिर्सना ती मनभित्रका मार्दै म परदेश आएँ ।"

चारैतिर पीडा मात्र खुशी कैले नमिलेसि
जिन्दगीसँग हरेक पल हार्दै म परदेश आएँ । "

डिल्ली प्रसाद खराल"घायल "
बिरेंद्रनगर चितवन,
हाल : मरुभूमिको छाती दुबई,

२.गजल दुर्इ 
जस्कोपनि जिन्दगी त्यो जालमा पर्न सक्छ 
दुस्मनले रचेको त्यो चालमा पर्न सक्छ 

दौलतको आडमा आज जतिसुकै नाच तिमि 
सम्पतीभोलि कौडाको त्यो खालमा पर्न सक्छ 

कुडेको त्यो दु:ध झैं नउम्लभो तेत्ती सारै
आजाद त्यो समुन्द्रको छालमा पर्न सक्छ

ईष्या अनि क्रोध लाई काबु राख नत्रभने 
जिन्दगी त्यो रगतको तालमा पर्न सक्छ 

सुमार्गलाई छोडि आज कुमार्ग चल्ने हरु
ख्यालगरहै जिन्दगी त्यो अ-कालमा पर्न सक्छ ,
डिल्ली प्रसाद खराल"घायल "
बिरेंद्रनगर चितवन,
हाल : मरुभूमिको छाती दुबई,


३.गजल तिन 
हास्न भन्छौ मन मेरो टुटेको देख्दा देख्दै
सिसा जस्तै भाग्यआज फुटेको देख्दा देख्दै..?

सागरको लहर जस्तै असान्त यो जिन्दगिमा
गास्न भन्छौं सम्बन्द त्यो छुटेको देख्दा देख्दै..?

उजाड यो जिन्दगिमा बिरहले पाईला टेक्दा 
बाच्न भन्छौ खडेरिले भुटेको देख्दा देख्दै..? 

यो छातिमा घायल मुटु बोकेर मैले हिंड्दा 
नाच्न भन्छौ दैबले आज चुटेको देख्दा देख्दै..?

कंयौ पटक फुटेर तेसै छुटेका ति सपना लाई 
साच्नभन्छौ भाग्यले यति लुटेको देख्दा देख्दै..?

निर्दोष त्यो आशुहरु पुछीदिने हातलाई किन 
भाच्न भन्छौ काडाले मुटु खुटेको देख्दा देख्दै..?
डिल्ली प्रसाद खराल"घायल "
बिरेंद्रनगर चितवन,

हाल : मरुभूमिको छाती दुबई,

४.गजल चार
साथ दिन्छु भन्नेहरू छुटे कति जिन्दगीमा
आफ्नैले आफैलाई लुटे कति जिन्दगीमा,

एकपछि आर्को पीडा नियति दे'को बेला
जरैसित उखल्नलाई जुटे कति जिन्दगीमा,

चर्किएका सपनाहरू पौरखले टाल्छु भन्दा
समयको फाइदा उठाई चुटे कति जिन्दगीमा,

बिधताले छड्के नजर यो दु:खिलाई तरेपछि
आँधी-हुरी असिनाले कुटे कति जिन्दगीमा,

आफ्नो बाटो सिधा पार्न, स्वार्थी यो दुनियाले
यो घायललाई भट्टमास झैं भुटे कति जिन्दगीमा,
डिल्ली प्रसाद खराल"घायल "
बिरेंद्रनगर चितवन,

हाल : मरुभूमिको छाती दुबई,

५.गजल पाँच
जन्मेदेखि आजसम्म घात मात्र दियौ जीवन
चारैतिर आन्धकारको, रात मात्र दियौ जीवन,

हाँसो खुशी बटुलेर जिउने आशा गर्दै थिए
पीडासँगै वेदनाको खात मात्र दियौ जीवन,

मिठा-मिठा सपनाहरू हृदयमा सजाको थे
पाइलैपिच्छे ठोक्कर अनि लातमात्र दियौ जीवन,

जब जब पहिलाहरूलेसहारा को साथ् खोज्यो
अबाकीलाई दु:खदायी हात मात्र दियौ जीवन,

उजाड यो जिन्दगीमा सुबास केही छ्रर्छु भन्दा
बाँचुन्जेल आँशुको त्यो बर्सात मात्र दियौ जीवन,
डिल्ली प्रसाद खराल "घायल "
बीरेन्द्रनगर चितवन,

हाल : मरुभूमिको छाती दुबई

६.गजल छ
ओइलिएर फूल जस्तै झरेझैं भाको छ,
दु:खी जीवन जिउदा जिउदै मरेझैं भाको छ ?

बाचुन्जेल संघर्षको खेती गर्दा गर्दै,
जिन्दगि यो आन्दोलनमा परेझैं भाको छ ?

सजायका सपनाहरू खहरेको बगर हुँदा,
विधाताले खुशी मेरो हरेझैं भाको छ ?

खातै-खात कल्पनालाई सकार पार्ने चाह हुँदा,
मनको डेरा आज किन सरे झैं भाको छ ?

एकपछि आर्को पिंडा पाहिलै पिच्छे मिलेपछि ,
भाग्यले नि पक्षपात गरेझैं भाको छ ?

डिल्ली प्रसाद खराल"घायल "
बिरेंद्रनगर चितवन,
हाल : मरुभूमिको छाती दुबई,

feedback:-dilipkharal@gmail.com,

७.गजल सात 
त्यों फूलको डाली भाचेर के पायौ
ल भन-त्यो जवानी नासेर के पायौ ?

दुनियाले मेरो घाऊमा नून चुक लगाउदा
ल भन-म रुदा तिमी हाँसेर के पायौ ?

आफ्नो स्वार्थ पुरागर्न-जिउदै मलाई जलायौ
ल भन-मलाई मारी तिमी बाँचेर के पायौ ?

खै कसरी बुझेउ यो निस्छल नातालाई
ल भन-जीवनलाई दलदलमा भासेर के पायौ ?

पिरतीको को डुंगा पल्टायर बिचमै
ल भन-अन्तै नाता गासेर के पायौ ?
डिल्ली प्रसाद खराल"घायल "
बिरेंद्रनगर चितवन

हाल : मरुभूमिको छाती दुबई

८. गजल आठ
दुनियाको त्यो भीडमा मान्छेको कयौ जाति पाए
दु:खी अनि पीडित मात्र जिन्दगीमा साथी पाए ?

भाग्य लेख्दा विधाताले पच्क्षपात गरेपछि
जिन्दगीका हर प्रहरमा अन्धकार त्यो राति पाए ?

चाहना र आकांक्षाहरू मनमा हजार हुदाहुदै
अधुरा सपनाहरूको मात्रखाली ताती पाए ?

आकाशको जुनतारालाई साक्षी राखी चल्दा पनि
साथ् दिन्छु भन्नेहरू धोकेबाज र घाती पाए ?

दुई हात फैलाएर भगवानसँग खुशी माग्दा
चुँडाएर चढाएका मन्दिरका तिनै पातीपाए ?
डिल्ली प्रसाद खराल"घायल "
बिरेंद्रनगर चितवन

हाल : मरुभूमिको छाती दुबई

९. गजल नौ
विवशताले गर्दा आज छोडी आए नेपाल आमा,
तिम्रो माया ममतालाई तोड़ी आए नेपाल आमा,

हिरा मोती त्यही धर्तीमा, हुदा हुदै पनि मैले
संग्लो जीवन जानी जानी, गोडी आए नेपाल आमा,

सात समुद्र काटे मैले छातीमाथि ढुंगा राखी
आफ्नो मुटु आफैले नै फोडी आए नेपाल आमा,

थिए कति इच्छहरू, आफ्नै देश मै रमाउने
विवश भई पाइलाहरू मोडी आए नेपाल आमा,
डिल्ली प्रसाद खराल"घायल "
बिरेंद्रनगर चितवन

हाल : मरुभूमिको छाती दुबई

१०. गजल आठ
आमा बाबा सदै तिम्रो ओरिपरि हुन पाऊ.
कोमल तिनै पाउहरुलाई सदै मैले छुन पाऊ 

चाहीदैन अरु कुनै संसारको खुशी मलाई 
नयन भित्र न विजाई त्यो,आसु बनि चुनपाऊ.

दसौं धारा दु:धको भारा तिर्नमैले नसकेनी 
हर्षको त्यो आशुहरुले मुहार सदै धुनपाऊ,

अधुरो छ जिबन यो,आमा तिम्रो काख बिना
तिम्रा हरेक पिडाहरुलाई अङ्गालेर रुनपाऊ 

जन्म दिई कर्म दीयौ सुनौलो यो संसार दीयौ.
सातौ जुनी किन नहोस तिम्रै सन्तान हुनपाऊ,
डिल्ली प्रसाद खराल”घायल ”
बिरेंद्रनगर चितवन,
हाल :दुबई यू.ए.इ,

Gazals , अतिथि गजलहरु

राम चन्द्र तामाङ(राम उदासी) का ५ गजलहरू -27-02-2015

१. गजल
पानी थापीरहे कहिले भरिएन।
गाग्रो चुहिएको अन्दाजै गरिएन।

ठग्यो धेरै धेरै मलाई बिधाताले।
आफु नजरमा उनको परिएन।

हावा चल्यो जोड जोडले फुल्नेबेला।
बाध्यो बन्धनले पीरमा झरिएन।

सुक्यो आशाहरु मनमा पलाएका।
टुट्यो मनमुटु आखिर मरिएन।
 राम चन्द्र तामाङ(राम उदासी)
 पाचथर रानीटार

२. गजल
रुख नै बिनाको लहरा जीवन मेरो।
तारे भीर अनि पहरा जीवन मेरो।

शिसिर छ याम पात बनी झरेको छु।
सुसाउने छागा छहरा जीवन मेरो।

जीवनको रङ उडेको छ धुवा सरी।
पुरानो चुहीने टहरा जीवन मेरो।

राँको छ हातमा हावाको बेग तिब्र छ।
औसीको रातको सहारा जीवन मेरो।

राम उदासी
 पाचथर रानीटार

३. गजल
 हावाको त्यो पहिलो झोकाले मन छोयो।
फुटि जाने पानीको फोकाले मन छोयो।

आफु पिन उस्तै छु रित्तो रित्तो यहाँ।
सडकका नाङ्गा र भोकाले मन छोयो।

चढ्दैछिन् मेरी आमा अजङको पहाड।
पुरानो पछ्यौरीको पोकाले मन छोयो।

नाघ्दैछु संघार,छेक्छ प्रियको आँसुले।
कलाश सजिएको ढोकाले मन छोयो।

माया त छ मुटु भरि बन्धकी हुदैछु।
यो नियतीको तितो धोकाले मन छोयो।
राम उदासी
पाचथर रानीटार

४. गजल
संझनाका खोली सबै बगाएर जाउ।
जादा जादँ ढोका पनि लगाएर जाउ।

दुःख पिडा मेरो साथी बनी सकेको छ।
खुसि,चैन र मुस्कान भगाएर जाउ।

पोखिदेऊ गुनासाका सारा छालहरू।
बाकी नरहोस बात टुङ्गाएर जाउ।

खुसिको पलमा रुनु हुन्न मुस्कुराउ।
अत्तर फैलाई मगमगाएर जाउ।

राम उदासी
पाचथर रानीटार

५. गजल
गाउ घरमा बसाई सर्नेको ताँती छ।
आज गाउ छाड्ने मेरो आत्मिय साथी छ।

एकनासे खरको छानो,सानो गोरेटो।
मेरो घर अलि तल उसको माथी छ।

बर पिपल उहि तर चौतरा खाली।
सगै गुच्चा खेलेका यादहरु काफी छ।

थाहा छैन,उसलाई पनि उस्तै होला।।
गाउमा त बियोगले चर्केको छाती छ।

 राम उदासी
पाचथर रानीटार

All Copyrights Belongs to Writer of Above Gazal

Gazals , अतिथि गजलहरु

गजल- सपनाहरु अधुरा हूँदैछन्,बिस्तारै बिस्तारै (रोहित राना )

सपनाहरु अधुरा हूँदैछन्,बिस्तारै बिस्तारै।
मन भरी कुरा हूँदैछन्, बिस्तारै बिस्तारै।
..
उनिहरुका कोही नि,छैनन् रे यो धर्तिमा।
सायद टुहुरा हूँदैछन्, बिस्तारै बिस्तारै।
..
हिजो सम्म नितान्त, नौनी नरम देख्थें।
अचानक छुरा हूँदैछन्, बिस्तारै बिस्तारै।
..
संघर्षका पाइलाहरु,नचालेको पनि होइन।
गन्तब्य अपूरा हूँदैछन्,बिस्तारै बिस्तारै।
..
मौन बस्न रुचाउने उनि, चुप पनि बसेकै हो।
आज साँच्चै  सुरा हूँदैछन्, बिस्तारै बिस्तारै।
रोहित राना
बुटवल-१३रुपन्देही
03-Jun-2012
यो साँझ यो सुबासको २०१२ मा उत्कृष्ट गजल छनौटमा नोमिनेटमा परेको गजल

Gazals , अतिथि गजलहरु

तपाईकै भाई छोरो साथि एस पि माथवरका ५ गजलहरू : 21-01-2015

१.गजल 

सुनसान छ हाम्रो घर हजुर गएदेखि।। 

साझ परेसि लाग्छ डर हजुर गएदेखि।।

बाचिछु घिटिघिटि नआउदा फोन र चिठी।

पाकि छैन केही खबर हजुर गएदेखि ।।

हेर्नुन्थ्यो बारबार मैले गर्थे सोर्ह शृङ्गार।

अचेल केही छैन रहर हजुर गएदेखि ।।

दियोमा तेल थप्दै हजुरको नाम जप्दै।

काँपिरन्छन् मेरा अधर हजुर गएदेखि।।

मुटु पारि धुजा धुजा एक्लै भइ यता पुजा।

निष्ठुरी मेरा माथवर हजुर गएदेखि ।।

तपाईकै भाई छोरो साथि एस पि माथवर

दाङ देउखुरी

हाल दोहा कतार

२.गजल

द्रौपतिका पनि थिए पाँच वटा पोइ सबैलाई थाहा छ।

मर्ने बेलामा आफ्न्त  हुदैनन कोइ सबैलाई थाहा छ।

यहा बिश्वास कस्को रह्यो अब र न रावणको न रामको।

सिताले अयोध्या छाडिथिन रोइ रोइ सबैलाई थाहा छ ।

बार्ह बर्ष सम्म कतिको काँख कतिको सिउदो उजाडेर ।

पाप पखाल्दै छौ रे अचेल मुर्ति छोइ सबैलाई थाहा छ ।।

इतिहास पल्टाइ हेर्नुहोस साथ कसरी छोड्छन नत्र।

कृष्ण मर्दा सोर्ह हजार गोपिनि खोइ सबैलाई थाहा छ ।।

एउटा फ्रि मै सुचना घरबार कसरी सुध्रिन्छ बिग्रिन्छ।

जब घरमा पर्दर्छिन गतिलि जोई सबैलाई थाहा छ ?

तपाईकै भाई छोरो साथि एस पि माथवर

दाङ देउखुरी

हाल दोहा कतार

३.गजल

शिर देखि पाउ सम्म सजाएर तिमिलाई ।।

ल्याएको हु पञ्चे बाजा बजाएर तिमिलाई ।।

लागेको थ्यो नकचरि रैछौ तिमी साच्चै परी

हेरे  जब अरु  सँग  दजाएर  तिमिलाई ।।

बसेकि थियो नबोलि घुम्टो सम्म नि नखोलि।।

तेहि रात हेरेको थिए  लजाएर तिमिलाई ।।

लागेमा भोकप्यास बालि हाल चुलो ग्यास।।

बसि बसि खान पुग्छ रजाएर तिमिलाई ।।

छुट्टेको छु  रुदै रुदै  महिना दिन नहुदै ।।

घरबार काम काज कजाएर तिमिलाई ।।

तपाईकै भाई छोरो साथि एस पि माथवर

दाङ देउखुरी

हाल दोहा कतार

४.गजल

देश छोड्नु पर्दा धरधरि रोए।।

उन्को आशु झर्दा धरधरि रोए।।

शान्तिको दिप बोकि हिडेका बुद्ध ।।

अकालमै  मर्दा  धरधरि   रोए।।

राहदानी दिई रोजगारी दियो ।

देश्ले यसो गर्दा धरधरि रोए ।।

भालेको डाको सँगै एका बिहानै ।।

राप्ती  नदि तर्दा  धरधरि रोए ।।

भाडा नदिई कोही दिल्मा बसेथ्यो ।

आज  डेरा सर्दा  धरधरि  रोए ।।

तपाईकै भाई छोरो साथि एस पि माथवर

दाङ देउखुरी

हाल दोहा कतार

५.गजल

मुना भन्छिन ,मदनको भरै लाग्न छाड्यो ।

चोखो पिरति ,बन्धनको भरै लाग्न छाड्यो ॥

नौनि जस्तै न ,हो बग्ने मन बगिरहन्छ ।

बगि रहने ,योमनको भरै लाग्न छाड्यो ॥

उन्को यादमा ,हरेक पल धड्किरहन्छ ।

बन्द हुन्छ कि ,धड्कनको भरै लाग्न छाड्यो ॥

स्वाहाग रात ,अगाडि टुट्छन सक्छ प्यार।

अग्नि साँचेको ,लगनको भरै लाग्न छाड्यो ॥

अचेल एस ,पि ले यस्तो भन्दै हिड्छ किन ॥

भर नभाको ,जिबनको भरै लाग्न छाड्यो ॥

तपाईकै भाई छोरो साथि एस पि माथवर

दाङ देउखुरी

हाल दोहा कतार

तपाई कै भाई छोरो साथी एस पि माथवर 

दाङ देउखुरी हाल दोहा कतार

Gazals , अतिथि गजलहरु

प्रयास अस्थिपन्जरका ६ गजलहरू-(12-Dec-2014)

प्रयास अस्थिपन्जर

१.गजल
भ्यागुता नि माछा भयो पोखरीमा परेपछि
बुर्कुसी मारीरह्यो वर्षे झरीमा परेपछि

मैदाबाट पिज्जा र रोटी बन्छ होटेलमा हुँदा
डोनट अनि बिस्कुट होला बेकरीमा परेपछि

बोराभित्रको चामल थालीमा आउँदा अछेता
भयो प्रसाद दुना अनि टपरीमा परेपछि

पैसा पैसा भनी नदौडी बरु पढ राम्रोसँग
पछुताउनु पर्ला है नोकरीमा परेपछि

तिम्रो जग्गा महँगो छ भैरहवाको छेऊमा
मेरो निकै सस्तो भयो पडसरीमा परेपछि
प्रयास अस्थिपन्जर
दयानगर २ छपिया रुपन्देही /बुटवल
(रचना : २०६५/ ११/ २८ एम् ए पढ्दा , भैरहवा बहुमुखी क्याम्पस )

२.गजल 
डढेलो लागी बस्ती खरानी भो कतै
बाढी र पहिरो पानी पानी भो कतै

ज्वालामुखी भूकम्प आयो आँधी हुरी
सबै भन्दा निष्ठुरी सुनामी भो कतै

देशैमा असुरक्षा विदेश छ बिरानो
हरायो आशा भरोसा हैरानी भो कतै

बढेका बढ्यै भए समस्या अनेकौँ
नमीठो त्यो पीडाको कहानी भो कतै

नाफा र सजिलो बनेछ कसैलाई
बाधा र अडचन जिन्दगानी भो कतै

प्रसिद्धि कमाको कमाइछ कुनै नर
किन फेरि कोही त बदनामी भो कतै
२०७१.. ०८.. १९ सउल दक्षिण कोरिया
प्रयास अस्थिपन्जर
दयानगर २ छपिया रुपन्देही /बुटवल

३.गजल 
उनी जादाँ माइत बिरालोले बाटो काट्यो
परेन रे साइत बिरालोले बाटो काट्यो

मान्छे मरेकै हो दुर्घटना नि भएकै हो
भरतपुरैको हाइट बिरालोले बाटो काट्यो

कहाँ गइछिन तिम्री ती दिदी नयाँ ठाउँमा
बैनी मात्र आइत बिरालोले बाटो काट्यो

दाइहरु आइसके सब भेला भैइसके
कहाँ गयो भाइ त बिरालोले बाटो काट्यो

छोरी सानै छे झोला बोक्छे स्कुलको धेरै ठूलो
साह्रै दु:ख पाई त बिरालोले बाटो काट्यो

कुसाइत हटाउन हतारको यात्रा त्यो
यस्तै भो मलाई त बिरालोले बाटो काट्यो

लोडसेडिङले हैरान पारयो पानीको धनी नेपाल
छैन वाईफाई त बिरालोले बाटो काट्यो
२०७१.. ०८..१९ सउल दक्षिण कोरिया
प्रयास अस्थिपन्जर
दयानगर २ छपिया रुपन्देही /बुटवल

४.गजल 
झार जिलाउँदै किसान खेतमा भेटिन्छ
रात दिन काम गरी आधा पेटमा भेटिन्छ

लत बसेको मान्छे अचेल पक्कै पनि
भट्टीमा या त इन्टरनेटमा भेटिन्छ

" कुकुरदेखि सावधान " कुकुर छैन घरमा
यस्तै लेखेको अचेल गेटमा भेटिन्छ

वृक्षारोपणले प्रकोप रोक्छ रोपौं रुख
फाइदा जति बाँस र बेतमा भेटिन्छ

आज भैँसी हाँसेको छ खित्का छाडी
भोलि मोमो बन्छ र प्लेटमा भेटिन्छ
२०७१.. ०८ ..१७ सउल दक्षिण कोरिया
प्रयास अस्थिपन्जर
दयानगर २ छपिया रुपन्देही /बुटवल

५. गजल 
जसरी कार्तिक पछि मङ्सिर आउँछ
गर्दा परिश्रम सफल तक्दिर आउँछ

जिन्दगीमा केवल समथर यात्रा हुन्न
उकाली ओराली अनि भीर आउँछ

दौडाइ जित्न सङ्घर्ष गर्ने खुट्टा
तर टीका ग्रहण गर्न शीर आउँछ

पानी भेट्न सजिलो हुँदै हुँदैन
खोलाको बगर सँगसँगै तीर आउँछ

उदाहरणीय काम गरे समाजमा
पत्रिकामा नाम अनि तस्वीर आउँछ

जीवनको म्याराथन जित्न जरुरी छ
गलाँ माला निधारमा अवीर आउँछ

गर प्रयास निरन्तर बनी इमानी
सफलता तिम्रो भागमा आखिर आउँछ
२०६२ .. ०८.. ११
प्रयास अस्थिपन्जर
दयानगर २ छपिया रुपन्देही /बुटवल

६.गजल
बजार आएपछि सहर आएपछि
रमाउँछ सबको मन घर आएपछि

सानो कुलो देख्दा पनि तर्सिन्छु म
मरेको लास बोकी नहर आएपछि

गजल रच्न सिपालु हुनेछौ तिमी
काफिया रदिफ र बहर आएपछि

त्यो गाउँको सानेले प्रगति ग-यो
मान सम्मान एकाएक कदर आएपछि

सफलताको शिखर अवश्य भेटिन्छ
लक्ष्य भेट्ने उच्च रहर आएपछि
 २०६२..०३..०४ बुटवल
प्रयास अस्थिपन्जर
दयानगर २ छपिया रुपन्देही /बुटवल

Gazals , अतिथि गजलहरु

दशरथ शाही ठकुरीका ५ गजलहरू (09-Dec-2014)

गजल.१

घर बार बिहिन पारी हिनि दिय पछि।। 

मेरा सारा खुसी कसैले किनि दिय पछि।।

जागर चल्न छाडे नसानसा रगत बहन, 

धुलो पर्ने गरि छाला मेरा पिनि दिय पछि।।

तिम्रो नामका उपहार हराउदै गए कति, 

मेहनतको कमाइ तिम्ले नचिनी दिय पछि।।

रफ्तार थियो मायाको अघि अघि जहिले,

चल्नै छाडे डाेरी लगाई बानी दिय पछि।।

हराए तेयो आकासका जुन तारा कहा, 

भागे होलान सायद भाला हानी दिय पछि।।

दशरथ शाही ठकुरी

कालिकोट नेपाल 

हाल:-दोहा,कतार

गजल.२

केही गरि सकिँदैन भुल भन्छौ तिमी।।

सधै भरी सकिँदैन भुल भन्छौ तिमी।।

ढुङ्गा जस्तो मन रहेछ कोमल भन्थे, 

चाहे मरी सकिँदैन भुल भन्छौ तिमी।।

खुल्ला गगन खुलै मन थियो यो संसार, 

उड्न चरी सकिँदैन भुल भन्छौ तिमी।।

हावा पनि लाग्छ बादल हिमालमा ठाेकिदै, 

कहिले झरी सकिँदैन भुल भन्छौ तिमी।।

बरु तिमी खुसी हुनु खुसी मै जीवन बिताउ, 

माया अजम्बरी सकिँदैन भुल भन्छौ तिमी।।।

दशरथ शाही ठकुरी

कालिकोट नेपाल

हाल:-दोहा,कतार 

गजल.३

तिम्रा पनि आखाले ती गरिब लाई हेर्न सक्छौ।।

पिडा उस्का देखि कतै आँसु धारा झार्न सक्छौ।।

अरुको यस्तो हाल देखि छि छि गर्ने हरु पनि, 

दैबको यो खाडलमा पकै एक दिन पर्न सक्छौ ।।

तिमी सगै जवानी सब थोक पुग्या छ भन्दैमा,

धर्ती कहाँ आकाशका जुन तारा सार्न सक्छौ।।

हत्लेकाले छेकौला सुर्य तेयो बरु मानुला ,

भ्रष्ट मान्छेको गला कस्ले निचोर्न सक्छौ ।।

बालुवा उचाली ढुङ्गा गिट्टी कुटि पालिनेहरुका,

तिनका बस्ती बस्ती खुसिको दियो छर्न सक्छौ।।

दशरथ शाही ठकुरी

कालिकोट नेपाल

हाल :- दोहा , कतार

गजल.४

सानो मन नि न'भाका जन्मिएका रैछ्न।।

दुखै दुख यहाँ पाका जन्मिएका रैछ्न।।

यस्तो गति बनाई दियो पापी दैब लेनी,

पापकै माला थुक्क लाका जन्मिएका रैछ्न।।

तिम्री मेरि सब जनाकी दिदी बैनि हुन यिनि,

आफ्नै चेली मार्ने डाका जन्मिएका रैछ्न।।

दुनियाँको आँखा रसायो पापिलाई भो मोज, 

दिन दिनै गर्ने धमका जन्मिएका रैछ्न।।

दशरथ शाही ठकुरी

कालिकोट नेपाल

हाल:-दोहा,कतार

गजल.५

आखाका सानासाना तिमी नानीमा बसेकी छौ।।

मैले खाने हरेक घुट पानीमा बसेकी छौ।।

तिमी साथ नहुदा बेहाल थियो जिन्दगी,

प्रतेक साझ बिहानी कसम बानी बसेकी छौ।।

जता हेर्यो तिम्रै रुप झल्किन्छ आज भोलि, 

प्राय बाँस हेर्दा तिमी चादनिमा बसेकी छौ।।

यो मुटुको कुना कन्दरामा तिम्रै नाम छ, 

ए सानू तिमी साचै मायाको खानीमा बसेकी छौ।।

दशरथ शाही ठकुरी

कालिकोट नेपाल

हाल:-दोहा कतार

Gazals , अतिथि गजलहरु

बी. पी. न्यौपाने “दिपेश” का ३ तिन गजलहरू (20-NOV-2014)

बी. पी. न्यौपाने “दिपेश”

१. गजल
पलासको फूलाई याहाँ लालिगुँरास भनिएको छ
मूर्ख मान्छेहरुलाई पनि साधुराम गनिएको छ ।।

नातावाद र चाकडीवाद फस्टाउदै छ दिन दिनै
भष्ट्रचारी दलालहरुलाई नै नेता मानिएको छ ।।

मानव अधिकार रे ! खै कहाँ छ मानव अधिकार ?
दिनदहाडै सर्वसाधारणलाई गोली हानिएको छ ।।

विज्ञहरुले मौका नपाएर परदेशीनु पर्याछ
राजनीतिमा समेत दादागीरीलाई छानिएको छ ।।

सबै दल मिलेर देश निर्माणमा जट्नुको सट्टा
आआफै लुछाचुडी गरी देशको जरा खनिएको छ ।।
 बी. पी. न्यौपाने “दिपेश”
   गोरखा, हाल काठमाडौ

२.गजल
आफ्नोलागि हैन देशकोलागि क्यै गर्न पाय हुन्थ्यो
देशमै क्यै गरेर देशकै निम्ति मर्न पाय हुन्थ्यो ।।

सत्यताको युद्धमा आफु बलि चडेरै भए पनि
यै नेपाली माटोमा शान्तिको बिज छर्न पाए हुन्थ्यो ।।

देशको छातिमा लात मोरर विदेशीनु भन्दा त
स्देशकै भीर, पाखा र पखेरु चर्न पाए हुन्थ्यो ।।

गाँउका सक्षम युवालाई अरबजान रोकेर
बाँझो खेत,बारीमा अन्नबाली भर्न पाए हुन्थ्यो ।।

देशकै निम्ति लड्दा लड्दै देशमै परान फालेर
शहीदहरुको अमर सुचिमा पर्न पाए हुन्थ्यो ।।
 बी. पी. न्यौपाने “दिपेश”
   गोरखा, हाल काठमाडौ

३. गजल
जवानीमा नक्कली नानीले बिगार्यो
आजकल बोतलको पानीले बिगार्यो

म तनाव मा त्यस्सै फसेको छुइन
मलाइ छोडी अन्तै जानीले बिगार्यो

म सोजो थिए बिग्रने थिइन हजुर
जे जे मागेनी दिने दानीले बिगार्यो

कहिले के ले कहिले के ले बिगार्छ
हिजोआज दिलकी रानीले बिगार्यो

तनाव ले नै गर्दा दारु पिउँदैं सधैँ
मलाई गजललेख्ने बानीले बिगार्यो
 बी. पी. न्यौपाने “दिपेश”
   गोरखा, हाल काठमाडौ

Note :
All Copyright Reserved with Writer 

Gazals , अतिथि गजलहरु