एस.पि.असफल र गिता कार्कि बिच रचनाका पानाहरु नामक साहित्यिक ग्रुपमा भएको मुक्तक दोहोरी
एस.पि.असफल
अरु सँग बोल्दैमा किन तिमि आँखा तर्छेउ ??
माया भए सिधै भन केलाई पछि सर्छेउ ??
केही नभनि मनको कुरा कसरी म बुझु ??
माया नभए मेरो पछि किन तिमी पर्छेउ ??
गिता कार्कि
फूलको भाषालाई भवराले बुझ्नु पर्छ हेर
चोखो फूलले मनको देबता पुझ्नु पर्छ हेर
तिमी त भवरा हौ अनि छौ स्वतन्त्र सधै
हामी फूलले पानी झरिमा रुझ्नु पर्छ हेर
एसश.पि.असफल
मायाको फुल अन्तै फुलाएकि छौकि
अरुलाईनि मलाई झै भुलाएकि छौकि
खालि छड्के नजरले हेर्छेउ,मलाई हेर्ने
बाहानामा अन्तै नजर डुलाएकि छौकि
गिता कार्कि
तिमी सँगै जीवन काट्न गरु भन्थे घरजम
तिमी सँगै यो मन साटी जिउछु भन्थे हरदम
आज तिमिले कालिको चरीत्रमा गर्यौ संका
अन्त माया प्रीती लाको थिईन तिम्रै कसम
एस.पि.असफल
माया बढि हुनाले होकि संका मात्रै लाग्छ
हरदम काली तिम्रो साँथ यो मनले माग्छ
यसपालि त घरबार जोड्नु पर्यो कालि
तेस पछि संका पनि आफै परपर भाग्छ
गिता कार्कि
तिम्रै लागि प्रीतिको फूल थियो कोपिला
संका गरेर दिलमा रोप्यौ भाला किला
आज सम्म काली थिई तिम्रै प्रतीक्षामा
तिमीले बन्द गर्यौ यो प्रीतको सिलसिला
एस.पि.असफल
फूल दिदा पनि ठान्छेउ भाला र किला
कसरी चल्छ यो मायाको सिलसिला
भैगोलिक दुरिले फाटो आउँछ मायामा
छिटै घरजम गरै काली नगरौ भो ढिला
गिता कार्कि
मलाई आफ्नो बनाउ भन्दा मानेनौ पोहोर साल
यसपाली नि गफमै मस्त पार्ने होला तिम्रो चाल
खै कसरी बढ्ला माया घट्छ क्यारी संकाहरु
तिमी जाली बैगुनी छौ बुन्छौ खाली शब्द जाल
एस.पि.असफल
जे जे गल्ती भयो सबलाई पछि छोडेर
जोडि ढुकुर भै बस्उ भो घरबार जोडेर
पछि फेरि एक अर्कालाई सम्झि रुनु पर्छ
आवेगको फैसलामा पाईला अन्तै मोडेर
गिता कार्कि
आज पठाउ लमी यता बिबहाको कुरा लिई
अनि लगन जुराई आउ सिन्दुर पोते चुरा लिई
साथ देउ हात देउ अनि संका होइन माया देउ
नकाटे कोमल मुटु यो घरवार पछि छुरा लिई
एस.पि.असफल
मेरो जस्तो माया अन्त खोजि पाहिदैन
आफौ आउछु माग्न कालि लमि चाहिदैन
स्याङ्जालि हु खरो कुरा गर्छु हेर काली
माया आफै हुन्छ लाउछु भनी लाहिदैन
गिता कार्कि
म प्रती प्रेमको डोरि बाटेकै हो त अब
मन संग मन तिम्रो साटेकै हो त अब
ल ल आए हुन्छ माग्न जुराएर साईत
गरौ घरजम पक्का आटेकै हो त अब ??
एस.पि.असफल
यो मुटुको माझमा नै बसाएर राख्छु
सके सम्म तिमिलाई हसाएर राख्छु
चरि जस्तै भुर्र उडि जाने पो हौ कि
माछिझै मायाजालमा फसाएर राख्छु
गिता कार्कि
तिमी नै हौ मेरो जीवन अनि सास लाग्छ
यहि तिम्रो बोलिको त मलाई आस लाग्छ
आफ्नाहरु सारा दुस्मन बनेछ्न भने पनि
जिन्दगीमा तिमी नै आफ्नो खास लाग्छ
एस.पि.असफल
म माथिको आस तिम्रो मर्न दिने छैन
दुस्मन तिम्रो अघि पछि पर्न दिने छैन
मायाको फुल फुलाई देखाउनु छ अब
फुल्नु अघि कोपिला मै झर्न दिने छैन
गिता कार्कि
पिरतिको साईनो चोखो नाता तिमीलाई
युगौयुग नमेटिने चोखो गाथा तिमीलाई
म प्रण गर्छु तिमी भुली अन्त फूल्ने छैन
तिम्रै सिरको छोई चोखो बाचा तिमीलाई
एस.पि.असफल
तिम्रो यादले सताउदा तिम्रै तस्बिर छुन्छु
तिम्रा मिठा कुरा सुनेर सधैं खुसि हुन्छु
तिमिले झुटो सपना देखाएकि हौ कि सानु
म त कल्पनाको हाम्रो सुन्दर ससार बुन्छु
गिता कार्कि
म रोए नि पलपल तिम्लाई रुन दिन्न
म एक्लि हौली तर तिम्लाई हुन दिन्न
मेरो बिस्वास गर तिमिले धोका हुदैन
म हुदा हुँदै तस्वीर तिम्लाई छुन दिन्न
एस.पि.असफल
सधैं साथ दिन्छु भनेउ खुसि भए म आज
तिम्रो हात माग्न आउछु छोडि काम काज
लमि अनि बाबालाई लिएर आउछु सानू
बाहिर निस्कि आदार गरे नमाने है लाज
गिता कार्कि
अब भनी हाँसी खुसी चल्छ जिन्दगानी।।
चोखो प्रीतको दिप बनी बल्छ जिन्दगानी।।
तिमी साथमा हुनेछौ हेर्दा शुभ बिउझिएर,,
अनि साझ तिम्रै साथमा ढल्छ जिन्दगानी।।
एस.पि.असफल
आएको छु तिमिलाई लिन टाई सुट लाएर ।।
साह्रै खुसि छु म आज रोजेकि लाई पाएर ।।
खुसियाली छाएको छ मेरा घरमा आज त
चेलिबेटी सबै नाच्दै होलान् रतौलिँ गाएर ।।
एस.पि.असफल
भाटखोला ९
स्याङ्जा
बिरानो :मुलुक
…………………………
गिता कार्की
न पा १५
सिन्धुली
रेडियो राप्तीको प्रस्तुती 
