१.गजल
न चिठी आयो न समचार आयो ,
हजुर ! सम्झना लगातार आयो ।
छुट्टिदा कसम खायौ भेट हुने ,
त्यही सपनामा बारम्बार आयो ।
नाटकको मञ्च बनाइदियौ दिल् ,
माया गर्न पनि कलाकार आयो ।
सोच्थेँ गुलावको फूल पठाउला ,
खामभित्र काँडा उपहार आयो ।
आउन प्रदेशी तिमी फर्किएर ,
उर्लेर यौवन वारपार आयो ।
- गणेश प्रसाद पौडेल " बहुरुपी ",
स्याङ्जा , रापाकोट-७
२.गजल
जिन्दगी बिसाउने चौतारी तिमी ,
मेरो मन् मन्दिरको पुजारी तिमी ।
वास्नामय बनि सुगन्ध छरेर ,
जिन्दगी सजाउने फूल्बारी तिमी ।
मरो अस्थित्व कहाँ छ तिमी बिना ,
म त कोरा तस्बिर चिनारी तिमी ।
तिर्छी नजरले बाण् हान्न सिपालु ,
कठै ! मेरो दिलको सिकारी तिमी ।
चाहे मार काट माया पिरतीले ,
मेरो सुख दुखको हक्दारी तिमी ।
कहिँ दिनरात काट्दै हौली प्रिय ,
मनभित्र सम्झना थुपारी तिमी ।
बेहुली बनेर मनमा बसौली ,
केही दिन पर्ख कुमारी तिमी ।
- गणेश प्रसाद पौडेल " बहुरुपी ",
स्याङ्जा , रापाकोट-७
३. गजल
लुकाएर चरीत्र राम्रो बन्दै छ ,
पक्कै खोट् छ उ भित्र राम्रो बन्दै छ ।
सातधाम धाएर गंगा स्नान् गर्यो ,
के को हुन्थ्यो पबित्र राम्रो बन्दै छ ।
आवरण हेरेर झुक्कियो संसार् ,
लुकाइ नग्न चित्र राम्रो बन्दै छ ।
फकाएरै मार्छ चिल्ला वचनले ,
ललिते विश्वमित्र राम्रो बन्दै छ ।
च्यात्तिएर गयो पुरानो लुगा झैँ ,
परेर पित्र पित्र राम्रो बन्दै छ ।
- गणेश प्रसाद पौडेल " बहुरुपी ",
स्याङ्जा , रापाकोट-७
Note : Copyright Reserved with Writer
