 |
| Ram Chandra Chaudhari |
१. गजल
अचेल अलि सारै दबाव मा छ जिन्दगी |
थोरै भन्दा धेरै अभाव मा छ जिन्दगी ||
जता-ततै, तेरो मेरो मपाइको खाडल मात्रै |
यो तामझाम देखि तनाव मा छ जिन्दगी ||
कोहि गगन छोई सके, आफ्नो भने यहाँ |
तरंग बिहिनको यो बहाव मा छ जिन्दगी ||
आडम्बरी यो दुनिया बीच चल-खेल धेरै |
अनि त सबैमाझ नकाव मा छ जिन्दगी ||
रामचन्द्र चौधरी
मुनुवा गा.वि.स. - ४, कैलाली, नेपाल
२. गजल
सकिन त्यो तिम्रो बनावटी मुस्कान चिन्न म |
गल्तिहरु मेरै थियो दोष तिमीलाई दिन्न म ||
ति तिम्रा इच्छाहरु अनि चाहनाहरु पुरा गर्न |
आफ्ना दु:ख बेची सकिन खुशीहरु किन्न म ||
साथ छुट्यो, नाता टुट्यो हुँदाहुँदा अचेल यहाँ |
आफ्नै ठान्नेहरु माझ बिस्तारै भए भिन्न म ||
फेरी नि ति सम्झनाका पलहरु मनमा साँच्दै |
तिम्रो प्यारमा बाध्य छु मद्होस भै हिन्न म ||
रामचन्द्र चौधरी
मुनुवा गा.वि.स. - ४, कैलाली, नेपाल
३. गजल
माया र प्रित बिनाको छुट्टै संसार नहोला |
मैले जति हजुरलाई गर्ने कतै प्यार नहोला ||
खुशी छौ रे भुलेउ मेरो मायालाई पराईसामु |
तर मेरो जस्तो माया उसमा अपार नहोला ||
सुनकै बडेमान महल भए पनि उसंग हजुर |
म जस्तै माया गर्ने दिलको दरबार नहोला ||
टाढियो तिमि एकाएक यो जिन्दगीबाट सानु |
यो जीवनमा अब कुनै खुसीको बहार नहोला ||
रामचन्द्र चौधरी
मुनुवा गा.वि.स. - ४, कैलाली, नेपाल
४. गजल
बगैचा बीच फूल्ने सुन्दर फूल नहुँला हजुर |
तिमीले खोजेको घरानिया कुल नहुँला हजुर ||
तकदिर कहाँ मेरो मन्दिरमा चढिने फूलसरी |
मत मन्दिरमा फहराउने तुल नहुँला हजुर ||
खै के? कुन्नि प्यासहरु हजुरको लहराउँदो |
त्यो अतृप्त प्यासहरु मेट्ने मूल नहुँला हजुर ||
भूल गरेर कहिले कसैको चित्तहरु दु:खाउँदिन |
कतै मत स्वीकार्न मिल्ने भुल नहुँला हजुर ||
रामचन्द्र चौधरी
मुनुवा गा.वि.स. - ४, कैलाली, नेपाल
५. गजल
बर्षातमा रिमझिम झर्ने झरी हुनु तिमी |
आकाशमा निर्बाध उड्ने चरी हुनु तिमी ||
दु:ख, पीडाले अतालिएको छ समाज यहाँ |
दु:खहरु, पीडाहरु हर्ने परी हुनु तिमी ||
जता हे-यो भेदभावको खाडल मात्रै यहाँ |
तर समानताको प्रतिमूर्ति सरी हुनु तिमी ||
साँच्चै सबैलाई प्यार बाँड्ने फूल जस्तै |
हरेक आँगनी, डालिहरु भरी हुनु तिमी ||
रामचन्द्र चौधरी
मुनुवा गा.वि.स. - ४, कैलाली, नेपाल
६. गजल
मिलन पछि, निकैनै दु:खद बिछोड थियो |
तिमि छुट्टिने बाटोमा घुम्ती - मोड थियो ||
तिमिसंगै खुशीले रमाएका पल मन भित्रै |
उमंगहरु त्यहाँ अनेकन जोड - तोड थियो ||
प्रितमय संसार थियो, झुमेको थियो तिमी |
त्यही बीच चुम्बनहरुको निकैनै होड थियो ||
थोरै मेरो थोरै तिम्रो प्रितमय मिलनहरुको |
आहा ! त्यो पलहरु साच्चैनै बेजोड थियो ||
रामचन्द्र चौधरी
मुनुवा गा.वि.स. - ४, कैलाली, नेपाल
७. गजल
कुना, कन्दरा हरेक आँगनबाट उठ्नु पर्छ अब |
एकतामा बाँधिन हरेक नेपाली जुट्नु पर्छ अब ||
सत्ताशिन अगुवा देश फुटाउने होडमा छ्न यहाँ |
तर नेपाली खबरदारी आवाज फुक्नु पर्छ अब ||
रोएकी छिन नेपाल आमा, रोएको छ नेपाल |
आऊन सबै मिली उनको आँसु पुछ्नु पर्छ अब ||
के पहाड, के हिमाल, के तराई सबैतिरबाट |
हातेमालो गर्दै एकताको माला उन्नु पर्छ अब ||
रामचन्द्र चौधरी
मुनुवा गा.वि.स. - ४, कैलाली, नेपाल
बिम्ब प्रतिबिम्ब
