यो दुनियाँ रहुन्जेल पृथ्वी रहुन्जेल ।
चन्द्र सुर्य अनि जिन्दगी रहुन्जेल ।
यो समयले जुन कुनामा लागेपनी
नेपाली नै रहनेछु ढुकढुकी रहुन्जेल ।
राम शरण श्रेष्ठ
चिसापानी, रामेछाप
२. मुक्तक
चालकको लापरबाहिले दुर्घटना हुन्छ ।
अनि निर्दोशको मृत्यु सँग सामना हुन्छ ।
जाँड रक्सि खराब हुन् पिउँदै नप्यूनु
नत्र मृत्युको भयात्रक यातना हुन्छ ।
राम शरण श्रेष्ठ
चिसापानी, रामेछाप
३. मुक्तक
नबनेका जोडिहरु होलान् कतिकति
कहाँ हुन्छ सचेजस्तै सधै सहमती ।
जिन्दगीका बाटाभरी सधै काँडै काँडा
समयले पनि सधै दिन्छ किन क्षती ।
राम शरण श्रेष्ठ
४. मुक्तक
नकाब पछाडी अनुहार भिन्दै छ ।
बास्तबमा उस्को विचार भिन्दै छ।
जे देखिन्छ उ त्यस्तौ हुँदै हैन
पर्दा पछाडी सुरसार भिन्दै छ ।
राम शरण श्रेष्ठ
चिसापानी, रामेछाप
५. मुक्तक
हुनेछु यति बेखबर सोचकै थिएन ।
तिमी सँगको सफर सोचेकै थिएन ।
म आफ्नै धुनमा हिँडिरकेको थिएँ
देला गुलाबले ठक्कर सोचेकै थिएन ।
राम शरण श्रेष्ठ
६. मुक्तक
फूल जस्तै अनुहार कसैकसैका ।
बुद्ध झै बिचार कसैकसैका ।
घायल बनाइरहेछन् परिवेशहरुलाई
मुस्कान थिए हतियार कसैकसैका ।
राम शरण श्रेष्ठ
चिसापानी, रामेछाप
७. मुक्तक
त्यो ढुङ्गामा पनि जीवन पक्कै होला ।
..............................
यो मौसमले पनि साथ दिएझैं लाग्छ
कसैको आज आगमन पक्कै होला ।
राम शरण श्रेष्ठ
चिसापानी ६, रामेछाप ।
८. मुक्तक
न हावाले न हुरीले ।
न दुर हुन्छ दुरीले ।
दुई आत्मा मिल्छ प्रेममा
न भेद्न सक्छ छुरीले ।
राम शरण श्रेष्ठ
चिसापानी, रामेछाप
९.मुक्तक
पहिला गुलाब उपहार बनायौ ।
चिनजान बढाएर प्यार बनायौ ।
दिएपछी जम्मै राजिनामा धड्कन
मुटुपनि तिमीले कारागार बनायौ ।
राम शरण श्रेष्ठ
चिसापानी ६, रामेछाप
10.मुक्तक
आशै आशा देखिरहेछु जनताहरुमा ।
कतै भने निराशाछन् मोर्चाहरुमा ।
बन्दुक मार्ग तिर कोही हिँडिरहेछन्
कोही देश खोजीरहेछन् नक्साहरुमा ।
राम शरण श्रेष्ठ
चिसापानी ६, रामेछाप
धन्यवाद ।
