 |
| Shekhar Astitwa |
नमस्कार,
धेरै वर्ष देखी भारतको मुम्बइमा बसेर नेपाली गजलमा कलम चलाईरहनुभएका हाम्रा अति आदरणिय अग्रज गजलकार दाजु शेखर अस्तित्वको अनुमतिमा चिसापानी नेपाल ब्लगमा उहाँले फेसबुकमा सुरु गर्नुभएको गजल प्रशिक्षणको छैठौं श्रृंखला यहाँ हरु सामु लिएर आएको छु । आशाछ उहाँले सुरु गनुएको यो गजल प्रशिक्षणले गजलमा भर्खर पाईला चाल्दै गर्नुभएका र गजल मनपराउनुहुने सबैलाई गजलको दिब्य दर्शन प्राप्त हुनेछ । यो अमुल्य प्रशिक्षणको लागि हामी उहाँ प्रति मुरि मुरि धन्यवाद ब्यक्त गर्दछौं र ईश्वर सँग प्रार्थना गर्दछौ उहाँको क्षत्र छायाँ हामीलाइृ सदैब प्रदान भईरहोस ।
Note :
यो लेखमा सर्वाधिकार लेखकमा निहित रहनेछ ।
प्रशिक्षक अग्रज आदरणिय गजलकार शेखर अस्तित्व ।
स्रोत फेसबुक : Facebook - Shekhar Astitwa
.......................................................................................................
नेपाली गजल प्रशिक्षण श्रृंखला-६ (Tuesday, 25th July 2014, 9.44Pm)
..............................
प्रिय साथीहरू ! नमस्कार !
संचै हुनुहुन्छ ? म पनि एकदम ठीक छु ! एउटा कुरा भन्छु ल ? आज हामी यो गजल यात्राको पाँचौं श्रृङ्खला पछि छैटौंमा प्रवेश गर्दै छौं ! मेरो मन मा के बिचार आयो भने, हामी प्रत्येक रुक्नमा आधारित बहरलाई सिक्नको लागि सातामा 5 दिन राखौंला र बाकी 2 दिन अनलाईन गजल लेख्ने प्रयास गरौंला ! सबैलाई रदीफ र काफिया थाहा छ ! बहर कतै बिग्रियो भने मिलेर ठीक गरौंला ! सबैलाई मिसरा लेख्ने र गलत छ भने दुरूस्त गर्ने अधिकार छ ! सबै बराबर छन् ! आज मैले एउटा निवेदन गर्न चाहन्छु कि बहरको जानकारी पछि हामिलाई उसको भाव पक्ष र अभिव्यक्तिको पनि ध्यान राख्नुपर्छ ताकि गजल समग्र रूपमा शक्तिशाली होस् ! मात्र शब्दहरूको सङ्ग्रह न होस् ! ओ के ?
ल मैले एउटा मतला दिन्छु ! बाकी सबैले मिलेर पूरा गर्ने प्रयास गर्नुहोस् है त !
पसीना / चुहाई / फसल आ / ज लेखौं
ल साथी / मिलेरै / गजल आ / ज लेखौं
(Shekhar Astitwa)
समेटौं / म के के / गजलमा / न सोधौं
लगाए / र थो रै / अकल आ / ज लेखौं
(Prakash Acharya)
बहरको / खडेरी / परेको / गजलमा
मुहानै / फुटाए / र जल आ / ज लेखौं
(Kapil Khanal)
ईलामे पुत्र जी को सम्पूर्ण गजल 2 आंशिक संशोधनको साथ यस भित्र परेको जानकारी गराउन चाहन्छु !
Thank you
0 comments:
Post a Comment