गजल- कोपिला बढेर .......फूल हुनु नौलो हैन

यो साँझ यो सुबासमा बाचन भएको यौटा गजल :
.....................................................
कोपिला   बढ्दै गई फूल हुनु नौलो हैन ।।
मान्छेबाट सानो तिनो भूल हुनु नौलो हैन ।।

फुलले नि दुखाउँछ, भूलले नि दुखाउँछ
बढ्दै जाँदा पिडाहरु, सूल हुनु नौलो हैन ।।

कोहि गरिब मर्दैछन् अनिकालले भोकभोकै
अमिरको घरमा खर्च, फजुल हुनु नौलो हैन ।।

कतै धोका प्रेममा, कतै खुसि खुसि यहाँ
पाउनु र गुमाउनुको, असूल हुनु नौलो हैन ।।

बगर हरु सोच्दाहुन्, किनारहरु सोच्दाहुन्
हामी लाई जोडिदिने, पुल हुनु नौलो हैन ।।
राम शरण श्रेष्ठ
चिसापानी, ६, रामेछाप