1.गजल
धोका खाएँ उसैबाट ,जस्लाई माया गरे धेरै ।
कुरी बसें बाटो हरु ,......बनाउँछु भनी मेरै ।।
विश्वाश गरें भर परें ,यही हो मेरो जिबन भनी ।
सपना रैछन मेरा रहर, छिन् भर मै गयो खेरै ।।
ऊ त खुशी होली शायद ,मायाँ गर्ने अरु नै छ ।
समाप्त होस् मेरो जिबन ,उस्कै याद मा तड्पिएरै ।।
बुझाउन सक्दिन यो मन ,छैन आधार बुज्ने पनि ।
छोडि जाने निस्ठुरी लाई,.....बसेको छु सम्झेरै ।।
मरी गयँ भने पनि ,...गर्छु मायाँ सधैं भरी ।
यो आत्मा मा बस्नु तिमी ,सधैं भरी धड्केरै ।।
राजु चालिसे :बिछोड"
हाल::दुबइ.......
2.गजल
हत्या हिंसा बढ्दै छ यो, शहर कस्तो अनौठो ।
काटमार मै ब्यस्त मान्छे,रहर कस्तो अनौठो ।।
आफ्नै दिदी बैनी अब, सुरक्षित छैनन् यहाँ ।
मान्छे भित्र फैलिएको , जहर कस्तो अनौठो ।।
बलत्कार त हिजो भन्दा , आज धेरै बढ्दै छ ।
निर्दयी भै गर्छ मान्छे , प्रहर कस्तो अनौठो ।।
हिजो मात्र होइन यहाँ,आज भोली पर्सी पनि ।
बिग्रिदैछ मान्छे झन झन्,लहर कस्तो अनौठो ।।
हाथ जोडी आँशु झार्दै,जिबनको भिक माग्दा पनि ।
बाध्यता मै शोषण हुन्छन,कहर कस्तो अनौठो ।
सुनी दिने कस्ले यहाँ,जान्छ की इज्जत भनी ।
पिडा मन मै साँच्नु पर्ने, डर कस्तो अनौठो ।।
राजु चालिसे "बिछोड"
कपिलवस्तु भलवाड ८, हाल::दुबइ
3.गजल
दुई आँखा बन्द हुन्छ तिम्रो सम्झना मा ।
हाँस्दा हाँस्दै मन रुन्छ तिम्रो सम्झना मा ।।
यो मुटुमा तिम्रै मायाँ बोकी हिड्ने गर्छु ।
मनले धेरै सपना बुन्छ तिम्रै सम्झना मा ।।
दुरी टाढा भएपनी घुम्छौ मेरै वरी परी ।
मेरै दिलले बोली सुन्छ तिम्रै सम्झना मा ।।
तिम्लाई खुशी बनाउन रुन्न भन्छु तर पनि ।
झरी आशु मुख धुन्छ तिम्रै सम्झना मा ।।
मायालु त्यो बोली सधैं पाईरहुँ तिमी बाट ।
झर्कियौ भने मुटु छुन्छ तिम्रै सम्झना मा ।।
राजु चालिसे "बिछोड"
कपिलवस्तु भलवाड ८ भर्तापुर
हाल::दुबइ
4.गजल
आफ्नो मुटु आफै देखी छुट्दा धेरै रोएँ ।
दैबले नि मेरो खुशी लुट्दा धेरै रोएँ ।।
मन भित्र सजिएका मिठा सपना हरु ।
चक्नाचुर भई सिसा सरी फुट्दा धेरै रोएँ ।।
सँगै जुनी काट्ने भनी खाको कसमहरु ।
बिचबाटोमा आई आज टुट्दा धेरै रोएँ ।।
जिन्दगीले खुशी लुटी आँशु मात्र दीई ।
एक्लो पारी आज मलाई कुट्दा धेरै रोएँ ।।
अनायासै निर्दोस मेरो यो जिबन मा ।
बिछोड को तुफानले चुट्दा धेरै रोएँ ।।
राजु चालिसे "बिछोड"
कपिलवस्तु,भलवाड ८
हाल:: दुबइ
5.गजल
पराई को सिन्दुर, हालेर गयौ ।
यो मेरो जीबन् ,गालेर गयौ ।।
सम्हाल भनी, दियँ यो मुटु ।
छीया छिया पारी, फालेर गयौ ।।
तिम्रै हुँ भनी खाकी थियौ कसम ।
आर्कैलाई मन मा पालेर गयौ ।।
गर्छु नि मायाँ, सधैं लाई भन्दै ।
फाटेको.. मुटु, टालेर गयौ ।।
खरानी जस्तै, भएँ म आज ।
जिउँदो यो लास, बालेर गयौ ।।
राजु चालिसे "बिछोड"कपिलवस्तु
हाल : दुबइ
0 comments:
Post a Comment