शंकर सिम्खडा "आखेटक"का ९ गजलहरू

१.गजल 
जीवनको पहिलो पत्र, तिम्रै नाउँमा लेखेँ मैले
रातो गुलाव दिन्छुँ भनि, तिम्रो बाटो छेकेँ मैले

मन भित्र जता ततै, तिमी नै भैदिदा
हजारौँको भिडमा पनि, तिमी मात्रै देखेँ मैले

दिन रात पागल सरि, माँयाकै याद आइदिँदा
कयौँ रात तिमी सम्झि, शिरानीलाई चेपेँ मैले

गाह्रो रहेछ भित्र भित्रै,माँयालाई लुकाइ राख्न
पारि शुभ दिन प्रेम दीवशको, आँगनीमा टेकेँ मैले

लुकाउनु हुन्न अरे, हजूरबाले भन्थे माँया
मन मुटु दह्रो पार्दै, आज तिमीलाई भेटेँ मैँले

२.गजल
यसपाली उपहार, छ भिन्न तिमीलाई
गुलाब रातो, म दिन्न तिमीलाई

जीवन सँगै, अब हामी जीउन
आउनेछु सिन्दूर, लिई किन्न तिमीलाई

निधार माथिको, त्यो खाली सिउदोमा
दिनेछु कोरी, रातो चिन्न तिमीलाई

खानेछु कसम, प्रेम दिवस भाकी
पार्नेछैन गाह्रो, जीवन हिन्न तिमीलाई

गर्नेछु माया, अन्तिम स्वाश सम्म
बनाउने छैन मायामा खिन्न तिमीलाई

३.गजल
गौतम बुद्ध जन्म भूमि संसारमा मान छ
सगरमाथा उच्च शिर मेरो देशको शान छ

कयौँ जाति भाषा धर्म, संस्कृति नि आफ्नै भाको
सयौँ थुङगा फूलका हामी जस्को राष्ट्र गान छ

सगरमाथा शिर देखि तराईको फाँट सम्म
प्रकृतिको हराभरा सुन्दर देशमा वरदान छ

सबै सँग भाइचारा शान्तिको त्यो बिगुल फुक्ने
विश्वमा नै अलग झन्डा देशको पहिचान छ

कसै सँग नझुकेको स्वतन्त्र यो नेपालको
नेपाली हु स्वाभिमानि ,संसार ले नै जान छ

४.गजल
तिहारको अन्तिम टिका, यो दिदी को लाउन बाबु
अर्को साल त बाँच्दिन रे यही साल आउन बाबु

परिवार सबै जम्मा नभएको धेरै भयो
यो तिहारमा जम्मा भई घरमा खुसी छाउन बाबु

कयौँ तिहार तँ उता म यता रुदै बित्यो
सप्तरङगी टिका लाउने धोको फुकाउन बाबु

जुन दिन तँ मुग्लान पसिस ,छैन म माइत गाकी
इच्छा थियो अन्तिम भैलो माइतीघर गाउन बाबु

धेरै भयो यो दिदी ले तेरो मुख नदेखेकी
मर्ने बेला तेरो मुख हेरि मर्न पाउन बाबु

५.गजल
छुटी पाए यो दसैँमा, घर फर्की आउँला सानु
जमरा र रातो टिका, निधार भरि लाउँला सानु

पाउनु पर्ने केहि पैसा, साहुले यदि दियो भने
चुहिने त्यो छानो फेरि, आर्को छानो छाउँला सानु

सालौँ साल छुटिएका साथी सङ्गी, भेला भई रमाउदै
लिंगे पिङग . रोटे पिङग ,खेल्न संगै जाउँल सानु

नाता गोता सबै सित, आशिर्बाद र टिका थाप्दै
माथि पूर्णिमाको मेला भर्न ,लेक सम्म धाउँला सानु

सुख दु:ख हासिँ खुशी रमाउदै , विदा गरि दसैँलाई
फेरी तिहार सबै मिली, देउसी भैलो गाउँला सानु

६.गजल
अध्यादेश मै देशको काम सरकारले गर्दै गए
देश अफ्घान बन्छ नेता आ-आफुमा लर्दै गए

संविधान र संसद नभई देशमा सङ्कट छाको बेला
मिल्न छाडि एक- अर्कामा रिस राग भर्दै गए

राजनीति सिकार भई देशमा बजेट नआइदिदा
देश विकासका सबै काम सधैँ पछि पर्दै गए

भ्रष्टाचारी ठहर भई देशको शत्रु जेल पर्दा
बचाउन त्यही नेता सडक भरी कार्यकर्ता छर्दै गए

राजनीति अस्तिरताले देशमा ठुलो बढी आको बेला
सबै मिली तर्न छोडी एक्ला -एक्लै तर्दै गए

७.गजल
जवानिले पुर्ण प्रवेश ,तिमि भित्र पाको देख्छु !
आज भोलि चोलि तिम्रा, उचालिदैँ गाको देख्छु !!

बात पनि त्यस्तै गर्छौँ ,काउकुति नै लाग्ने गरि
ओठ पनि वैंशले तिम्रो, रसिलो भाको देख्छु !

हाँसो तिम्रो झनै यस्तो, नशालु ति आँखा पनि
लठारीदै सपनि मा, तिमि सितै, माया लाको देख्छु !

कस्तो मिठो बास्ना तिम्रो, शरीर सबै जलाउने
त्यसैले त वरिपरि,भमराको छाको देख्छु !

माटो भित्र लुकि लुकि, पाकेको त्यो खनायो लाई
खोतलेर चाख्न तिमि ,लठी खोज्दै आको देख्छु !

८.गजल
तिम्रो मरो सम्बन्धमा जल्ने यहाँ धेरै छन्
छुटाउन हाम्रो साथ,चल्ने यहाँ धेरै छन्

हाम्रो बारे जता ततै ,गलत व्यख्या गर्दै यहाँ
नाना भाति भनि हाम्लाई ,छल्ने यहाँ धेरै छन्

हामि बिचको विश्वास रुपि ,निभाउन खोज्दै दियो
सब को सामु राम्रो बनि , बल्ने यहाँ धेरै छन्

मेरो कुरा तिमिलाई अनि,तिम्रो  कुरा मलाई लगाई
हाम्रो बारे खराब कुरा , मल्ने यहाँ धेरै छन्

भेटमा भने हामि सित असल हात बढाउदै
भित्र भित्र हाम्रो खिलाफ , फल्ने यहाँ धेरै छन्

९.गजल
नेताहरू सब्को यहाँ, गरि खाने ठाम भयो
संविधान त नेपालमा,कुन चरीको नाम भयो

दुई वर्ष भित्र मानै ,संविधान दिन्छौ भन्ने हरु
सालौ साल पुक्दा मात्रै, सरकार फेर्ने काम भयो

सानो देश धेरै पाटि, सभासदै छ सय एक
संविधानको धारा भन्दा, सभासद्कै लाम भयो

संविधान सबै पाटि, आफ्नै अनुरुप खोज्दा कोर्न
आफ्नो आफ्नो स्वार्थ राख्दै, कयौँ सभा जाम भयो

मै गोरुको बार्है टक्का, भन्दै नेता अघि बढ्दा
नेपालीको सारा सपना, पुष माघ को घाम भयो

शंकर सिम्खडा "आखेटक"
सिमारा_७ औराहा(बारा)नेपाल