के दशैं के तिहार , गरिवको घरमा-राम शरण श्रेष्ठ

के दशैं के तिहार, गरिवको घरमा ।।
दुःख हुन्छ अपरम्पार, गरिवको घरमा ।।

छोरा छोरी परिवार, पाहुना पुजापाठ
कसरि थेग्नु ब्यवहार, गरिबको घरमा ।।

घाँटी हेरी हाड निल्न, खोज्दा खोज्दै पनि
पर्छ धेरै ब्यय भार..., गरिवको घरमा ।।

हाँसि खुसि रमाएर.., पुग्दैन मनाउन
परिवार हुँदा नि चार, गरिवको घरमा ।।

मुल्य बृद्धि दिनदिनै, हुँदै गाछ नेपालमा
कमाईको छैन आधार, गरिवको घरमा ।।

नआएकै बेश बरु, दशै तिहार चाडहरु
अनिकालले पर्दा मार, गरिवको घरमा ।।

राहत लिँदै जनतामा, दशै र तिहारको
कहाँ पुग्छ र सरकार, गरिवको घरमा ।।

राम शरण श्रेष्ठ
चिसापानी गा.वि.स
बडा नं. ६, तल्लो टोल
रामेछाप ।

गजल संगम (2069-07-22/07-11-2012) मा बाचन भएको