गजल

आँखा बन्द गरि सोचें, तिमी याद आयौ ।।
मुटु भित्र धड्कन खोजें, तिमी याद आयौ ।।

कोहि एउटा मायाँ गर्ने, जुराई देउन भनि
मंदिर गई देउता ढोगेँ, तिमी याद आयौ ।।

वित्दै जाँदा जिन्दगी, कमि लाग्यो कसैको
मायाँ गर्ने साथी रोजें, तिमी याद आयौ ।।

एक तस्विर नजिक-नजिक, सरेजस्तो लाग्यो
को हो भनि प्रश्न सोधेँ, तिमी याद आयौ ।।

अन्तर्मुखी रहेछु म, मनको कुरा पोख्न गह्रो
भै गो भनि सहर छोडें, तिमी याद आयौ ।

चिसापानी गा.वि.स बडा नं. ६, तल्लो टोल
रामेछाप, नेपाल ।