यज्ञ प्रसाद गिरीका ५ गजलहरू : 05-07-2015

1.गजल
तिमी छौ र त यो शहर सुन्दर लाग्छ ;
तिमी छौ र त यो घर मन्दिर लाग्छ ।
(१)
लाग्दैन केही’नि ठुलो यो दुनियामा ;
तिम्रो मायानै, श्रेष्ठताको शिर लाग्छ ।
(२)
मन तिम्रो उदार र ऊच्च सोचको धनि ;
सुन्दर र स्वस्थय, तिम्रो शरिर लाग्छ ।
(३)
के के लाग्छ, सक्दैन भन्न, किमार्थ म;
माया भने तिम्रो कसम, गम्भिर लाग्छ।
(४)
साथ तिम्रो नपाउँदा, जिन्दगीको सफरमा;
सम्मो बाटो’नि, अनकन्टार भिर लाग्छ ।
रचना : यज्ञ प्रसाद गिरी
आनन्दबस्ती, ललितपुर
बैशाख ३ गते बिहीबार, २०७२ साल

2.गजल
आफैलाई नचिन्नेले , पहिचानका कुरा गर्यौ् ;
राष्ट्रघाती लुटेराको, गुणगानका कुरा गर्यौौ ।
(१)
कुरा गर्यौी, कुरै गर्यौ , कुरै-कुरा मात्र गर्यौ ;
अरुकै श्रम खानेले , स्वाभिमानका कुरा गर्यौौ ।
(२)
कुरा एउटा काम अर्कै, मनमा पाप लुकाएर ;
राष्ट्रभक्ति , आदर्श र, बलिदानका कुरा गर्यौि ।
(३)
चरण छुन्छौ बिदेशीको, सत्ता प्राप्त हुने भए ;
नेपाल र नेपालीको कुन, शानको कुरा गर्यौक ?
(४)
मठ- मन्दिर देखाउँछौ, पुजा- पाठ सिकाउँछौ ;
लालसाले ग्रस्त हुदै, कुन ध्यानको कुरा गर्यौा ?
(५)
अत्याचारी, भष्ट्राचारी, भनी चिन्छ समाजले ;
लाज घिन पचाएर, अभियानको कुरा गर्यौ ।
रचना: यज्ञ प्रसाद गिरी
आनन्दबस्ती, ललितपुर
फागुन २८ गते, २०७१ साल

3.गजल
उल्टो-उल्टो काम गर्दै, जमानालाई दोष किन ?
कुठाँउमा पाइलो राखी, सिमानालाई दोष किन ?
(१)
कर्मले नै तोक्ने गर्छ, जित-हार जिन्दगीमा ;
हात बाँधी बस्ने गर्छौ , दैवसंग रोष किन ?
(२)
नदौडेरै जित्छ कस्ले, दौड जिन्दगीको ;
काम गर्नु भन्दा अघि, राखिदैन होस किन ?
(३)
कुरा उल्टो, काम उल्टो, उल्टो सोचमात्र देख्छु;
राखिएको पाईदैन , सकारात्मक सोच किन ?
(४)
पवित्र छ भन्ने गर्थ्यौ, यो सम्बन्ध हिजोसम्म;
समयले कोल्टो फेर्दा, आज अपशोच किन ?
रचना: यज्ञ प्रसाद गिरी
आनन्दबस्ती, ललितपुर
माघ २२ गते, २०७१ साल


4.गजल
त्यै नजरले कुनै बेला, गर्‌यो स्वागत मलाई;
कुनै बेला सडकछाप, ठान्यो फगत मलाई ।
(१)
नाता ह्रदयको भए , हाल यस्तो किन हुन्थ्यो ;
ननिल्नु र ओकल्नु भो, तिम्रो चाहत मलाई ।
(२)
साख्खिएर कुनै बेला, मिठा, चिप्ला कुरा गर्‌यौं ;
मौका छोपी जानी-जानी, गर्‌यौं आहत मलाई ।
(३)
चोटै-चोट सहेको छु, तिम्रो सहयात्री बनी ;
यो निहुँ वा त्यो निहुँमा, छैन राहत मलाई ।
(४)
भेटिएन दयावान , दैव कुनै देवस्थलमा ;
शुन्य, खल्लो मात्र लाग्छ, तिम्रो जगत मलाई ।
(५)
चन्द्र एउटै, सुर्य एउटै, प्रकृतिको रित एउटै ।
किन लाग्छ दुनियाको, उल्टो नियत मलाई ।
रचना: यज्ञ प्रसाद गिरी
आनन्दबस्ती, ललितपुर
मंसिर २४ गते, २०७१ साल

5.गजल
गर्न अझै बाँकी रह्यो, युद्ध आफैसित ;
नबुझेरै बन्दै हिड्छौं क्रुध्द, आफैसित ।
(१)
सबैतिर अशान्ति छ, शान्ति कतै छैन ;
हुँदा-हुँदै बिर्सि दियौ , बुद्ध आफैसित ।
(२)
किन बित्था अरुलाई, औला ठड्याउँने ,
जाँचौं मन छ कि छैन, शुद्ध आफैसित ।
(३)
बेकार छ दुनियाको, दोष खोजी हिड्नु ;
पाली-पोषी वासनाको , गिद्ध आफैसित ।
(४)
अभिलाषा जिवनको, धन्य पार्ने भए;
हुर्काउन सक्नु पर्छ , सिद्ध आफैसित ।
रचना: यज्ञ प्रसाद गिरी
आनन्दबस्ती, ललितपुर
मंसिर १८ गते, २०७१ साल