 |
| भिजन गुरागाईं |
यहाँ उपहार यस्तो आएकोछ फसाद हेर्नुहोस आज ।
उस्ले खाली दिल पठाएकोछ फसाद हेर्नुहोस आज ।
दोधारमा छु भरेर पठाऊ या रित्तो थाहा छैन मलाई ।
हिजो अर्कीसंग माया लगाएकोछ फसाद हेर्नुहोस आज ।
भिजन गुरागाईं
२.मुक्तक
छमछम चुरा बजाउदै कता हिड्या हो ?
अलिअलि लजाउदै कता हिड्या हो ?
घरको काम स्वामी लाई जिम्मा लाएर
ओठमा मुस्कान सजाउदै कता हिड्या हो ?
भिजन गुरागाईं
३.मुक्तक
दुनिया कति जाली रैछ आजै थाहा पाएँ
यो दिल पनि खाली रैछ आजै थाहा पाएँ
रम्न सम्म रमिएछ ब्यर्थ सुन्दरता मा
गोडमेल गर्ने माली रैछ आजै थाहा पाएँ
भिजन गुरागाईं
४.मुक्तक
छन् संसारमा धेरै-धेरै मित्र छन् ।
कोही बाहिर कोही मन भित्र छन् ।
हेर्दा त सबै उस्ता-उस्तै लाग्छन् !
ब्यबहारले यहाँ चित्र-विचित्र छन् ।
भिजन गुरागाईं
५.मुक्तक
हिड्नै पर्ने जिन्दगी को भिर खराब छ
आ-आफ्नै कथा व्यथा पिर खराब छ
खै अरु को त यहाँ के कुरा गर्नु र हजुर
सवै भन्दा ठुलो आफ्नै तक्दिर खराब छ
भिजन गुरागाई
शिवगंज १ झापा नेपाल
0 comments:
Post a Comment