गजल- पाएँभने पाउमै बास, जिउन सक्छु म

पाएँभने पाउमै बास, जिउन सक्छु म ।।
भै हजुरको दास, जिउन सक्छु म ।।

कहाँ गुड्छ र रथ, बिना दुई पाङ्ग्रा
पाए हजुरकै साथ, जिउन सक्छु म ।।

दुःख सुःख जेभएनी, संगै हिड्ने रहर
भोगेर अरुभन्दा खास, जिउन सक्छु म ।।

एक्लीनै छु म पनि, ठानी हजुरनै साहारा
बनाई मुटुकै पास, जिउन सक्छु म ।।

लेखिदिएँ मेरो, सबै सबै हजुरलाई
पाए मायाँ आभास, जिउन सक्छु म ।।
Composed Date
20th May 2010 Thrusday
6th Jestha 20667
राम शरण श्रेष्ठ
चिसापानी ६, रामेछाप ।