 |
| प्रज्वल अधिकारी |
कोही कोहिले यहाँ भुकेरै टोके
साध सिमाहरुमा ढुकेरै टोके ।
मिलाउदै थिए म मेरै आगनी
मेरै आगन मुनी लुकरै टोके ।
आफ्नो घर आफै मिलाउनु भन्थे
आफ्नै बचनहरुमा चुकेरै टोके ।
अग्लो हाम्रो सगरमाथा अगाडी
लाजले निहुरिएर झुकेरै टोके।
प्रज्वल अधिकारी
२.गजल
बोल्दैन अब उ लास बनेछ
देखिदैन अब उ बतास बनेछ ।
गोलिको निशान बने पछी पो
नेताको बल्ल उ खास बनेछ ।
परिवारले दस लाख पाए पछी
तीनको भोका मेट्ने गास बनेछ ।
कहिल्लै शिर झुकाएन उसले
को भन्न सक्छ उ दास बनेछ ।
प्रज्वल अधिकारी
३.गजल
गाडिभित्र भन्दा यहाँ छतमा धेरै छन
सच्चाइमा हैन झुटको मतमा धेरै छन ।
देश बनाउछु भन्छ उ नारा मात्र न हो
भड्काउने र बिगार्ने कुलतमा धेरै छन ।
नत बैनी नत छोरी कसैलाईनी चिन्दैन उ
मान्छे रुपका पशुहरु जगतमा धेरै छन ।
उ फस्यो बिना कसुर कसले छुटाउछ ?
छुट्ने अपराधिहरु जमानतमा धेरै छन ।
प्रज्वल अधिकारी
४.गजल
पानी नानी र जवानी किनेर मोदी
कहाँ गएउ अधिकार छिनेर मोदी ?
छिमेकी हौ मिलेर बस्नेछौ भन्थेउ
कहाँ गएउ भुसको आगो उधिनेर मोदी ?
गोर्खाली हौ झुक्न जानेका छैनउ
धारिलो खुकुरिको धार लिनेर मोदी ?
लैजाउ जे चाहन्छौ खुलेर भन
दार्जलिङ र सिक्किम हामिलाई दिनेर मोदी ?
प्रज्वल अधिकारी
0 comments:
Post a Comment