मेरा केही गजलहरू - राम शरण श्रेष्ठ (20-05-2015)

२०७२ बैशाख १२ गते महाँ विनाशकारि महाँ गएपछि लेखिएका केहि गजलहरु 

१.गजल
यो डरको बिमारी कहिले सम्म हो 
सधैं महामारी कहिले सम्म हो
...
बिज्ञानले पनि त बताउन सकेन
हल्ला हवादारी कहिले सम्म हो
..
जिन्दगी अघि बढाउनु पर्ने रहेछ
खाली आसु झारी कहिले सम्म हो
..
घर भत्केका छन् मन भत्केका छन्
त्रास अझै जारी कहिले सम्म हो
..
नियतीले नेपालीको भाग्य लेख्ने
दुखै दुख पारी कहिले सम्म हो
राम शरण श्रेष्ठ
चिसापानी रामेछाप
बुलबुलको २९७ श्रृंखलामा बाचन भएको गजल -20-05-2015

२.गजल
मनको घर भत्कियो आफ्नै आँखा अगाडी
सिङ्गो सहर भत्कियो आफ्नै आँखा अगाडी
..
परिश्रममि हातले ठड्याईएका धरोहर 
जग र चर भत्कियो आफ्नै आँखा अगाडी
..
उस्ले पनि छोडेर गइन नाता तोडेर
मायाँको भर भत्कियो आफ्नै आँखा अगाडी
राम शरण श्रेष्ठ
चिसापानी, रामेछाप