प्रेम दिवश विशेष गजलहरुको बाचन । Valentine's Day Special Ghazal । प्रणय ...

१. राम शरण श्रेष्ठको प्रेम दिवस बिशेष गजल
नजिक सर्ने कोही भए, प्रस्ताव राख्नु प्रेम दिवसमा
मन पर्ने कोही भए, प्रस्ताव राख्नु प्रेम दिवसमा
...जति माया गर्छौ तिमी, त्यो भन्दा बढी तिमीलाई
माया गर्ने कोही भए, प्रस्ताव राख्नु प्रेम दिवसमा
...साथी मध्ये त्यस्तो मिल्ने, तिमीप्रति अति पागल
चैन हर्ने कोही भए, प्रस्ताव राख्नु प्रेम दिवसमा
..नबोलेरै कति कति, आँखा आँखाबाट मुटु
माया भर्ने कोही भए, प्रस्ताव राख्नु प्रेम दिवसमा
..पवित्र प्रेम साईनो कहिल्यै, नछुट्ने बाचा गर्दै
जीउने मर्ने कोही भए, प्रस्ताव राख्नु प्रेम दिवसमा
..सुखदु:ख सँगै काट्न, आँधी भेल जिन्दगीका
जँगार तर्ने कोही भए, प्रस्ताव राख्नु प्रेम दिवसमा
..सम्बन्धको सुरुवात नयाँ, रातो गुलाबबाट गर्दै
खुसि छर्ने कोही भए, प्रस्ताव राख्नु प्रेम दिवसमा
राम शरण श्रेष्ठ
चिसापानी , रामेछाप

२. राम शरण श्रेष्ठको प्रेम दिवस बिशेष गजल

हुन्छ मान्छे पागल जस्तै, प्रेम रोग लागेपछी ।।
जाग्राम बन्छन् रातपनि, यस्ले सिमा नागेपछी ।।
-------------लाग्छ उ नै सर्बस्व हो, सुरु अन्त्य उसैबाट
नचाहेर के हुन्छ र, आत्माले नै मागेपछी ।।
-------------छट्पटी नि तिब्र हुन्छ, पलभर छुटिदिंदा
मनहरु देह छोडी, अन्तकतै भागेपछी ।।
------------------एउटा यस्तो कसम बन्छ, संगै जिउने संगै मर्ने
कसै प्रति सच्चा प्रेम, यतिधेरै जागेपछी ।
राम शरण श्रेष्ठ
चिसापानी , रामेछाप

३. राम शरण श्रेष्ठको प्रेम दिवस बिशेष गजल

मुटु भित्र सिंहाशनमा, बसाउँकी हजुरलाई ।।
प्रेम पत्र रातो गुलाफ, पठाउँकी हजुरलाई ।।

लुकि छिपी दिल भित्र, पसुँ पसुँ लाग्यो आज
कि त आई मनको कुरा, बताउँकी हजुरलाई ।।

मनै हर्ने मुस्कान सँगै, नजर हाना हान भयो
नजर बाटै ईसाराले, मनाउँकी हजुरलाई ।।

किन किन आजभोली, उसैलाई भेटुँ लाग्छ
मुटु झिकी टक्राएर, चढाउँकी हजुरलाई ।।

मायाँ छ कि छैन भन, यता जस्तै उता पनि
आफू जस्तै पागल प्रेमी, बनाउँकी हजुरलाई ।।
राम शरण श्रेष्ठ
चिसापानी-6, रामेछाप

४. राम शरण श्रेष्ठको प्रेम दिवस बिशेष गजल

प्रेम दिवसमा प्रेमै प्रेम, जोडिएला मन कतै ।।
चकनाचुर कति सपना, तोडिएला मन कतै ।।
पाउलान कतिले, नायाँ साथी नयाँ जीवन
टुक्रिएला कतै झन, मोडिएला मन कतै ।।
कलिलो कोपिलमा, मल जल गर्नुपर्छ
झुक्किएर जरैसित, गोडिएला मन कतै ।।
कति होलान् प्रणयमा, रम्दै आनन्दमा मस्त
कतै आँसु धरधरी, फोडिएला मन कतै ।।
कतै मायाँ मात्र मायाँ , कतै घृणा मात्र घृणा
प्रेम आड भरोसामा, ओडिएला मन कतै ।।
प्रेम प्रतिक रातो गुलब, सँगै बिशेष उपहार
होस गर्नु मन दुख्ला , छोडिएलमा मन कतै ।।
  (मिति - २०६७ फाल्गुन १)राम शरण श्रेष्ठ (राम)चिसापानी ६, रामेछाप

५. राम शरण श्रेष्ठको प्रेम दिवस बिशेष गजल

नयाँ यौटा सम्बन्धको बिस्तार गर्दैछु ।।
उस्लाई भन्ने कसरी हो बिचार गर्दैछु ।।
चोखो प्रेम गर्नेहरु, डराउँदैन भन्छन्
नयाँ जोस अफुभित्र प्रसार गर्दैछु ।।
धेरै सोधे मेरो र उस्को बारे आफन्तले
आज हाम्रो प्रेम रैछ स्विकार गर्दैछु ।।
लेखेकोछु प्रेम पत्र, मनको कुरा समेटेर
अन्तर्मुखीआफ्नो स्वभाव सुधार गर्दैछु ।।
थाहा छैन तिमीलाई, मन पर्छ पर्दैन
जानि जनी प्रेम रोगले, बिमार गर्दैछु ।।
राम शरण श्रेष्ठ
चिसापानी ६, रामेछाप

प्रेम दिवसको सबैलाइ शुभकामना