Showing posts with label मेरो रचना – कविताहरु. Show all posts
Showing posts with label मेरो रचना – कविताहरु. Show all posts

महिला सिट -राम शरण श्रेष्ठ

NepaliTalim | 12:42:00 PM | 0 comments
कविता -महिला सिट
..........................
करिव पचहत्तरको बुढा मान्छे
उभिएको छ बल्ल तल्ल  सकि नसकी
मेरो ठिक अगाडी
एकहातमा लठ्ठिी अर्कोले डन्डी समातेर
माइक्रोमा सँगै

कार्यलय खुल्ने समय
खचाखच छ माइक्रो
भित्र सर्नुस मिलेर बस्नुस्
बच्चा काखमा लिनुस्
नत्र पैसा लाग्छ
भन्दै ढोकाबाट हुरुरुरु
प्यसेन्जर हुल्न सफल  हुन्छ ।

खँलासी,
मुसुक्क हाँस्छ ।
चिच्याउँछ हरेक रोकिएको ठाउँमा
भन्दै
टिचिङ्ग कान्ति चक्रपथ गोल्फुटार नारायनथान ...

सबै हतारमा
कस्लाई कस्को के मतलब
यहाँ ...

२०–२२ का तरुनीहरु
हल्ला गर्दैछन् पहिलो सिटमा
फेसबुक स्टाटस र कमेन्टहरुका बारेमा
कुराकानी गरिरहेछन् ।।

अन्तिम सिटबाट कसैले बोल्यो
सिट छोडिदेओ नानिहो
बुढा बा लाई

यो त महिला सिट हो नि बाजे ।
महिला सिट बोल्यो,

सबै चुपचाप ।
बुढा बा बोल्नुहुन्छ ।
यस्तै रैछ हाम्रो नयाँ नेपालमा ।

धन्यवाद !!


राम शरण श्रेष्ठ
चिसापानी रामेछाप

मेरा ३ छोटा कविताहरू -राम शरण श्रेष्ठ

NepaliTalim | 10:37:00 AM | 0 comments
१.कविता -प्रतिक्षा

अझै पनि छन् !! 
तिम्रै प्रतिक्ष्यामा,
बर्सौ पहिले तिमीले लिन नमानेको रातो गुलाब,
मुटु टक्राएर जिन्दगी राजीनामा दिएको एउटा प्रेम पत्र, 
मैले तिम्रै लागी बचाइ रखेको एक दिनको जिन्दगी

तिमी प्रति हर दिन बढीरहेको कहिल्यै नघट्ने मेरो चोखो प्रेम ।
बस छैनौ त केवल तिमी
र तिम्रो साथ ।
07-01-2015
राम शरण श्रेष्ठ
चिसापानी, रामेछाप 

२.कविता -घृणा

उस्ले पनि त,
प्रेम दिवशकै दिन देखी
सुरु गरेको रहेछ
मलाई घृणा गर्न ।

म बाट रातो गुलाफ
नपाएको झोकमा ।

के गर्नु मैसाप,
माया रहरले
हुँदैन ।

................

राम शरण श्रेष्ठ (राम)

३.कविता 
पिरहरुले कहिल्यै साथ छोडेनन्,
अभावहरुले कहिल्यै साथ छोडेनन्,
न छोड्यो,
मैलै स्वास फेर्ने हावाले,
न छोड्यो,
मैले टेक्ने धर्तिले
न विर्सियो
घडि सुइहरू घुम्न,
..
विर्सिएको त तिमीले हो,
छोडोको त तिमीले हो,
सँगै हिँडेको बाटो,
सँगै खाएका कसमहरु,
..
आज त बस,
धड्कन हराएको मुटु,
बोकी हिँडिरहेछु ।
..
राम शरण श्रेष्ठ (राम)

"साथी"-राम शरण श्रेष्ठ

NepaliTalim | 10:32:00 AM | 0 comments
"साथी"
.......
उस्ले प्रस्ताब राखेपछीका केही रातहरू,
म निदाउन सकिँन,
***********
थाहै थिएन,
एक्कासी आफ्नो सबैभन्दा मिल्ने केटि साथीले
मलाई मन पराउँदो रहेछिन् ।
***********
थाहै थिएन,
उस्को मुस्कानको तारिफमा मैले बोलेका
केहि शब्दहरुले उस्को मनमा
उथलपुथल ल्याईदिएछ ।
***********
थाहै थिएन,
उस्को सुन्दरताको बयानमा मैले लेखेका
केहि शेरहरुमा उ धड्किएर बसेको रहेछ ।
***********
थाहै थिएन,
मैले नबोलेका कयौं शब्दहरु
मैले नलेखेका शेरहरु
मैले नलेखेका प्रेम पत्रहरु
मैले नगाएका गीतहरु
मा उस्को आश,
मैले बोलोस, लेखोस, गाओस भनेर
पर्खाइको रातोगुलाबको बगैचामा
कोहि बसिरहेको
मलाई पत्तै भएन ।
***********
अब्यत्त प्रेमको कयौं वर्ष बिताईसकेपछी
मैले कसैलाई मन पराउँछु भन्नु भन्दा
ठिक एक घन्टा
पछाडी,
आफ्नो प्रेम प्रस्ताबको एउटा चिठ्ठि दिएर
बेपत्ता भईन
मेरो सबै भन्दा मिल्ने साथी
सायद कतै टाढा
मेरो यादहरु साथ दिएर
अन्तिम पल्ट
एक सानदार मुस्कान दिई
दुई थोपा आँसु चुहाँउँदै ।
विदाईको हात हल्लिएको
मात्र बारम्बार सम्झिरहेछु
बस सम्झिरहेछु ।
....
राम शरण श्रेष्ठ
चिसापानी, रामेछाप

ए यावाहरु....राम शरण श्रेष्ठ

NepaliTalim | 4:09:00 PM | 0 comments
ए यावाहरु,

या हजुरका आँखा बदल्नुस् 
या चस्काको पावर

या बदल्नुस्, 

बाङ्गोलाई सोझो र सोझोलाई 
बाङ्गो देख्ने आदत 

या, 
आफैलाई सर्वशक्तिमान सम्झेर 
गरिने अहंतावादी
स्वार्थी फैसला

सबैको अन्तत्वगत्व, 
पतनको सुरुवात तै हो 

यस्तो लाग्छ, 
नकारात्मक बाट सुरुभएका हरेक
कुराको परिणम सकारात्मक
भन्दा नकारात्मकनै हुन्छन् 
01-12-2015
राम शरण श्रेष्ठ
चिसापानी , रामेछाप 

हतारहरु ...(30-05-2013)

NepaliTalim | 4:57:00 PM | 0 comments
हतारहरु 
यसरी अघि अघि हिँडेका छन् की 
मैले न्वारान देखीको बल 
लगाएर दौडिरहँदा पनि 
कहिल्यै भेट्न सकिँन 

जसरी,
घडिको 
घण्टा मिनेट र सेकेन्ड सुइहरु 
जसरी 
प्रकासका किरणहरु 
जसरी 
अनुभबनै नहुनेगरी 
घुमिरहेको पृथ्वी
एक्कासी कालो आँसिको रात 

चुनौती,
सम्पूर्ण तागत लगाएर मैले
समना गरिरहेँ गर्दैछु र गरिरहनेछु 
हतारलाई भेट्न 
लागिरहनेछु 
मेरो अन्तिम घडिसम्म । 

राम शरण श्रेष्ठ
चिसापानी ६, रामेछाप 

अबसान भएका रहरहरू (10-06-2013)

NepaliTalim | 4:54:00 PM | 0 comments
रहरहरु साना साना खोल्सा खहरे हुँदै
बग्दै बग्दै नदि अनि समुद्र सम्म पुग्दा
रहरहरुको अस्तित्व समाप्त भएका छन् ।

जम्नदै देखेका रहरुहरु
अलि हुर्केर देखेका रहरहरु
अनि समयसँगै आएका
थुप्रै आखाभरी मनभरी सजिएका
अनगिन्ती ताराहरुझैं आकासका
आज बगैचाको फूलझैं टिपिएका छन् चटक्कै
कोही भगवानलाई चढाउन ।

समयले यस्तो दायित्व दिएर गयो
दायित्व भित्रका साना तिना र ठूल्ठूला भएभरका
सुनौंला रहरहरुलारुलाई पूरा गर्दा गर्दा
आज मेरा रहरहरु समयभन्दा धेरै पछी
छुटेका रहेछन्

त्यहि ठाउँहो मैले हिडेका
उकाली ओराली मलिला खेतहरु
अनि बुढीखोरीया बन, बनको विच
त्यहि चिसापानीको देउराली
जहाँ उभिएर चिच्याई चिच्याई
मैले समयलाई भनेको थिएँ
तिमीलाई पनि जितेर देखाउँछु

आज फर्केर हेर्दा
उ धेरै अगाडी पुगिसकेको रहेछ
म भने घस्रिंदै उहि तालमा,
अबसान भएका रहरहरुलाई
काखी च्याप्दै हिडिरहेछु,
बुढो मान्छे थाकेर
रहरहरुको सागर बोकेर ।

राम शरण श्रेष्ठ
चिसापानी ६, रामेछाप ।

कविता - आँध्यारो

NepaliTalim | 10:37:00 PM | 0 comments
लाखौ सूर्यको तेज लिएर 
भर्खर उदाएको कलिलो सुर्य 
लागिरहेछ ब्लाकहोलमा फस्दैछ
कहिल्यै नफर्कने गरी ।

जीन्दगी त्यही एक किरणको लागि 
जन्मदेखी यो बुढेसकालसम्म
हजारौ ठक्कर खाँदै यो निराकार निष्पट्ट 
आँध्यारोका एक झुल्का उज्यालोको 
खोजिमा निरन्तर भौतारिरहेको बेला
चिरविर चिरविर चराहरुले मलाई
आभास दिएका थिए र भनेका थिए
अब उज्यालो हुँदैछ ।

आगोको विद्रोह बोकेर
मुटु मन र छातिभरी देश राखी
हिडेको पनि हिजै जस्तो लाग्छ
निरंकुशता विरुद्ध शान्ति यज्ञमा
हातमा हात मिलाई काँधमा काँध मिलाई
तानाशाहको बन्दुकको अगाडी
अलिकती पनि नडराई लडेर जितेर
अधिकारको अस्तित्व स्थपित गरेको पनि
हिजै जस्तो लाग्छ
तर आज फेरी किन ??
नेपाल आमाले गुहार मागीरहेछिन्
आफ्ना सन्तानहरु सँग ।

लाग्दैछ, मैले सोचेको परिस्थिती
र परिवर्तन भएकै रहेनछ
दिन प्रतिदिन उज्यालो हैन अँध्यारेमा
गहिरो खाडल भित्र हराउँदैछ
केही अदृस्य शक्तिले निलीरहेछ या
पूरै पृथ्वीनै ब्लाकहोलमा परिरहेछ
देखिरहेछु केवल निराकार निष्पट्ट
आँध्यारो नै आँध्यारो ।
राम शरण श्रेष्ठ
चिसापानी ६, रामेछाप ।

कविता- ए मुटु ढुङ्गा हुनेहरु.... (राम शरण श्रेष्ठ)

NepaliTalim | 3:47:00 PM | 0 comments
ए मुटु ढुङ्गा हुनेहरु...., 
सक्छौ स्विकार गर यो चुनौती,
आफ्नो मुटु टुक्रा टुक्रा पार
अनि इटको सट्टा
आफु बस्ने महल बनाउ
अनी नाचगान गर
एक्लै रमाउ एक्लै हाँस
किनकी...
तिमीहरु माया
बिना बाँच्न सक्छौ ।

ए मुटु ढुङ्गा हुनेहरु....,
यो अर्को चुनौती
तिमीहरु मिलेर
यौटा संगठन खोल
क्रान्तिकारी पार्टि खोल
दस्ता खोल
चुनाव लड...जित
अनि कसैले मायाँ गर्न नपाउँने
नियम कानुन बनाउ
मायाँको बिरुद्धमा संविधान बनाउ
अनी मायाँ गर्नेहरुलाई
सजाय फाँसी देउ ।

ए मुटु ढुङ्गा हुनेहरु....,
मेरो अन्तिम चुनौती
सक्छौ भने आजै
मुटु दान गर
किनकी तिम्रो छाति भित्र,
धड्कीनु बेकार छ
तिमीहरु दिमागले काम चलाउ
तिमीहरु मुटुविना बाँच्न सक्छौ
तर.......
तर म सक्दिँन
मलाई मुटु चाहिन्छ
मायाँ चाहिन्छ
अहँ सक्दिँन एक्लै बाँच
अहाँ सक्दिँन  ।।

>राम शरण श्रेष्ठ
चिसापानी ६, रामेछाप ।
http://chisapaninepal.blogspot.com/



भावना -जवाफ त्यहि हो, नसोध नसोध

NepaliTalim | 10:19:00 PM | 0 comments
साथीहरु गजल लेख्न खोज्दा खोज्दै भावना वनि यौटा गजल हुन नसकेका रचना आज तपाईहरु सामु राखेको छु ।

भावना
जवाफ त्यहि हो, नसोध नसोध ।।
अभाव त्यहि हो, नसोध नसोध ।।

हुँदैन हुँदैन, अहँ धोका हुँदैन
विस्वास त्यहि हो, नसोध नसोध ।।

भनेकै छु नि दोहोर्याई दोहोर्याई
माग त्यहि हो, नसोध नसोध ।।

झुकाई नजर, लजाई आएछौ
लाज त्यहि हो, नसोध नसोध ।।

टक्रयाई मुटुनै, परास्त पर्यौनी
हार त्यहि हो, नसोध नसोध ।।
राम शरण श्रेष्ठ
चिसापानी ६, रामेछाप ।

कविता- जिन्दावाद र... मुर्दाबादका नाराहरु...

NepaliTalim | 10:13:00 PM | 0 comments
जिन्दावाद र...
मुर्दाबादका नाराहरु,
सुन्दा सुन्दा म वाक्क भैसकेँ
ए कोहि सुनाउन बुद्ध वाणीहरु

ति पक्कै भाग्यामानिहरु हुन्
जस्ले देशको लागि मरेर गए
जस्ले क्रान्तिमा आहुति दिए
समानताको लागि
मुक्तिको लागि देशको लागि
तर देश फेरीएन
बरु फेरी यि ब्वाँसाहरु सिर उठाउँदैछन्
जिन्दावाद र....
मुर्दाबादका नाराहरु,
सुन्दा सुन्दा म वाक्क भैसकेँ
ए कोहि सुनाउन बुद्ध वाणीहरु

आहा त्यो कुर्सि
मेरै हो केवल मेरै
छोड्दिँन ...
त्यो प्राण हो
मेरो ज्यान हो
देश भन्दा पनि बढी
भन्दै उफ्न्छि यहाँ झारहरु
शिर उठाउँदैछन् गद्धारहरु
चर्काउँदै थर्काउँदै
जिन्दावाद र...
मुर्दाबादका नाराहरु,
सुन्दा सुन्दा म वाक्क भैसकेँ
ए कोहि सुनाउन बुद्ध वाणीहरु 

Copyright
राम शरण श्रेष्ठ
चिसापानी ६, रामेछाप ।

कविता- पूर्ण बिरामहरु !!!!

NepaliTalim | 11:37:00 AM | 0 comments
!!! पूर्ण बिरामहरु !!!!

आहो !!!
कति शक्तिसाली हुन यि पूर्ण विरामहरु ....
पछ्याईरहेछन् सबैलाई....
कुरिरहेछन् सबैलाई ...
सखाप पार्न...
जिवन लिला अन्त्य गर्न..
मोड मोडहरुमा ...
सिकरी झैं सिकारको प्रतिक्षामा...
आफैलाई शक्तिसाली शिद्ध गर्न...
त्रासित पार्दै सबैलाई तर्साउँदै
उहि पूर्ण विरामहरु
आहो !!! कति शक्तिसाली हुन यि पूर्ण विरामहरु ....

घडिका सुईहरु सँगै
प्रगतिका पाईलाहरु सँगै
घामको झुल्काहरु सँगै
हर तत्वहरुमा कणहरुमा
लगाउन अँकुश देखाउँदै तुजुक
बाएर मुखहरु... निल्दै थुकहरु....
झैं परम शत्रु
हुँदै अन्तिम विजयी
आफ्नै जयजय गाउँदै
पछि पछि आउँदै रमाउँदै
गराउँछ अष्तित्व बोध
उहि पूर्ण विरामहरु
आहो !!! कति शक्तिसाली हुन यि पूर्ण विरामहरु ....


हर कोसिस हरुका पछाडी
जो हिडेपनि अगाडी अगाडी
सताउँछ असफलताले
लक्ष निकट भएपपनि
सफल हुँदै गएपनि
जन्म देखि पछ्याउँछ
यात्राभरि.. मृत्युसम्म
जिवन भरि मन परि
अनि दस्तखत दिन्छ अन्तिममा
उहि पूर्ण विरामहरु
आहो !!! कति शक्तिसाली हुन यि पूर्ण विरामहरु ....


छन् कि केहि विकल्पहरु
भटिएनन् नहुने अन्तहरु
हो अनि स्विकारेँ
तिम्रो पूरुशार्थलाई
अति आज्ञाकारीझैं
जय हो पूर्णविराम ..
धन्य पूर्ण पूर्णविराम..
यो राम लाई पाखा लगायो
भित्री सत्य सिकायो
लाएँ अनि
उहि पूर्ण विरामहरु
आहो !!! कति शक्तिसाली हुन यि पूर्ण विरामहरु ....।।।

राम शरण श्रेष्ठ
चिसापानी ६,रामेछाप

कबिता - कुर्सी ...

NepaliTalim | 4:02:00 PM | 0 comments

Composed Date:- 5th April 2010
================
आहा त्यो कुर्सी ...
त्यो मेरै हो....
न उस्को.......तिम्रोनै ....
केवल मेरो..........मेरै हो ........



पहिला थाहा थिएन अस्तिमात्र चाखेको

क्या नरम क्या मुलायम ..
लाग्दै छ मत भगवान नै हुँकी केहो ...
सबै डराऊछन............मेरो अगाडि ..
किन छोड्ने......जस्तो होस् त्यो मेरै हो
हो हो त्यो मेरै हो ......मेरो मात्र हो ...
आहा त्यो कुर्सी ...
त्यो मेरै हो....
न उस्को.......तिम्रोनै ....
केवल मेरो..........मेरै हो ........



किन सोच्नु देशको देश, नै मै हुँ

मैले खाएकै छु लाएकै छु
सबै चिज पाएकै छु आरुभन्द बढी
हो देशै मेरो हो ....सबै मेरो...
मेरै हुनु पर्छ ....हुनौ पर्छ जसरिनी
नभये म मलाई रिस उठ्छ
रिस उठे आन्दोलन हुन्छ
किनकी मैले कुर्सी पाउनु छ ...
त्यो कुर्सिमा मै बस्नु छ ...
आहा त्यो कुर्सी ...
त्यो मेरै हो....
न उस्को.......तिम्रोनै ....
केवल मेरो..........मेरै हो ........

म पागल हुँदै छु ..

अस्ती मात्र रजिनामा दिएको ...
कुर्सी छोडेको।।। रातभर निद्र लागेन
किनकी आज मसँग कुर्सी छैन ..
होइन अब म कुर्सी बिन बाँच्न सक्दिन ...
त्यसैले हो अब आन्दोलन गरौ
किनकी कुर्सी मेरै हुनुपर्छ...
कोही बोले ठोक्नु...
उर्दी जारी आजै गरौ, चन्दा उठाउ..
सबै आन्दोलन माजाउ
मेरै मात्र नारा लगाउ....
अनी भाग्ने छान् आज कुर्सिमै बस्नेहरु
अनी म बसौला...
किनकी त्यो मेरै लागि बनेको हो
मेरै पेवा हो......मेरो मात्र हो ....
आहा त्यो कुर्सी ...
त्यो मेरै हो....
न उस्को.......तिम्रोनै ....
केवल मेरो..........मेरै हो ........

=================


नेताको लागि मेरो सानो ब्यँग्य

कबिता -तिमीबिना ...

NepaliTalim | 4:00:00 PM | 0 comments
Composed Date : - 5th May 2010
====================

तिमी छौ र म छु ।।
यस्तो नसोचे हुन्छ ।।
सोच्दै नसोचे हुन्छ ......
आज म तिमीबिना
पनि बाँच्न सक्ने भाईसकेको छु ।।


त्यो कुनै बेला थियो, अहिले पनि सम्झन्छु
म बिन तिमी बाँच्न नसक्ने भैसकेका थियौ ।।
आज तिमीलाई म चाहिन्न भने,,
आज तिमीलाई मेरो साथ चाहिन्न भने,
हुन्छ जाउ, अहिले नै जाउ,
फेरी नफर्क..... कहिले पनि नफर्क
अब म मा त्यो सहास बाँकी छैन
फेरी फेरी एकै घात् सहनलाइ.....
त्यसैले म भन्दै छु, फेरी पनि भन्छु
तिमी छौ र म छु ।।
यस्तो नसोचे हुन्छ ।।
सोच्दै नसोचे हुन्छ ......
आज म तिमीबिना
पनि बाँच्न सक्ने भाईसकेको छु ।।




म आफु लाई दोश पनि दिन्न,
यो त साब समय हो, यो कती बलवान छ,
र अती निस्ठुरी पनि ।।
सबै लाई यस्ले आफ्नो बाटोमा लान्छ
जान्न भन्दा पनि, नचाहेर पनि या चाहेर पनि,,
हुन सक्छ भोली तिमीलाई यसको पछुतो लग्ला
य फेरी अर्को बाटो तिर जानु पर्ला,
जे होस् तर म दुखी छैन,, अहं छदै छैन......
किनकी अब नसोच ..............
तिमी छौ र म छु ।।
यस्तो नसोचे हुन्छ ।।
आज म तिमीबिना
पनि बाँच्न सक्ने भाईसकेको छु ।।


अब एउतै कुरा भन्नु छ, म जास्तै आरुलाई फेरी धोका नदेउ
धेरै सँग कसम नखाउ, नपार धेरै लाई जालमा
नत्र स्राप लग्ला, पाप लाग्ला , प्रेमको बेइजात नगर.....
फलोस फुलोस सुखी हुनु
हाँस्नु गाउँनु सबै खोजेको पाउनु ।।
सफल रहोस् आसल रहोस् ,दु:ख नहोस् प्रगती होस् ।।।
यहो मेरो शुभकामना ..... यही कामना ...
तर नसोच म पगल छु तिम्रो प्रेममा......
पगल त तिमी भयेऊ......... धन देखेर.....
ऐस आरम देखेर..........तर मलाई पछुतो छैन
छदै छैन..............अलिकतिपनी छैन ....
तिमी छौ र म छु ।।
यस्तो नसोचे हुन्छ ।।
सोच्दै नसोचे हुन्छ ......
आज म तिमीबिना
पनि बाँच्न सक्ने भाईसकेको छु ।।

Followers

 
Support : Chisapani Nepal Blog | Unicode Converter | Blog Author-Ram Sharan Shrestha
Copyright © 2011. Chisapani Nepal चिसापानी नेपाल - All Rights Reserved
Template Modify by Gaurab Shrestha
Proudly powered by Blogger